အသံတွေ နဲနဲလျှော့ လျှော့

“ကိုကြီးကျော်ဟေ့၊ တို့ကိုကြီးကျော်”
“ကိုကြီးကျော်ဟေ့၊ တို့ကိုကြီးကျော်”
 ကိုကြီးကျော်နတ်ဝင်နေတဲ့သူက ဆိုင်းသံ၊ ဗုံသံရဲ့ အားဖြည့်မှုနဲ့အတူ  အရက်ပုလင်း တကိုင်ကိုင်နဲ့ မမောနိုင်မပန်းနိုင် ကကွက်ကိုချိုးနေရှာပါတယ်။ ဘေးက အားပေးနေတဲ့ ရွှေပွဲလာပရ်ိသတ်တို့ရဲ့ လက်ခုပ်လက်ဝါးသံကြားထဲမှာ သူ့ခမျာ ခေါင်းတညိမ့်ညိမ့်နဲ့ ပွဲကလို့ကောင်းနေပေမယ့် အိမ်ရှေ့မျက်နှာချင်းဆိုင်အိမ်မှာနေတဲ့ ကျွန်မတို့ရဲ့ နားသောတအာရုံကို အနှောင့်အယှက်ပေးတယ်ဆိုတာ သူတို့တွေ မသိကြလေရော့လား။


ကျွန်မတို့အိမ်ရှေ့အိမ်က နတ်ကတော်အဖွားကြီးရဲ့ နတ်ပွဲတွေစတိုင်း ကျွန်မတို့အနီးအနားပတ်ဝန်းကျင်နေအိမ်တွေအတွက်တော့ မုန်တိုင်းဝင်တာပါပဲ။ အသံတွေကို အသံချဲ့စက်နဲ့အားယူပြီး လွင့်ထုတ်နေလေတော့ ရပ်ကွက်နေလူထုတွေကို ဒုက္ခပေးလွန်းလှတယ်။ ဒီဆူညံသံတွေကြောင့် ကျွန်မတို့လို ကျောင်းသူကျောင်းသားတွေအတွက် စာကျက်ရတာ တော်တော်လေး ကသိကအောက်ဖြစ်ရတယ်လေ။ ရပ်ကွက်နေလူထုတွေ  ညနေညခင်း အမောဖြေချိန်လောက်က စပြီးနွှဲလိုက်ကြတာ ညအိပ်ချိန်လောက်မှသာ အသံတိတ်ပါတော့တယ်။ ဒီလိုမျိုး ဆိုချင်၊ ကချင်တယ်ဆိုရင်လည်း လူနေအိမ်တွေနဲ့ဝေးရာမှာ နေရာလေးတစ်ခုသတ်မှတ်ပြီး လုပ်ဖို့ကောင်းလှတယ်။


အဲဒီ မျက်နှာချင်းဆိုင်အိမ်က နတ်ကတော်အဖွားကြီးဆုံးသွားပြီးနောက်ပိုင်းတော့ ကျွန်မတို့အနီးအနားအိမ်ကလူတွေဟာ ဆူညံသံလှိုင်းရဲ့ ဒုက္ခစက်ဝိုင်းမှ လွတ်မြောက်သွားရပါတော့တယ်။ ခုလိုပြောင်းလဲလာတဲ့ခေတ်မှာရော အဲဒီလိုကပွဲတွေ ဘယ်လိုစခန်းသွားနေကြပါလိမ့်။ ကိုယ်ယုံကြည်ရာ ကိုယ်လုပ်ကြတယ်ဆိုပေမယ့် ပတ်ဝန်းကျင်လူတွေအတွက် တချက်လောက် ပြန်စဉ်းစားပေးသင့်တယ် မဟုတ်လား။


“ဒုန်း”
ကျွန်မငယ်ဘဝပုံရိပ်တွေထဲက ဆူညံသံအကြောင်းကို တခမ်းတနား စဉ်းစားနေပါတယ်ဆိုမှ ဒီဒုန်းဆိုတဲ့အသံက စလာပြန်ပြီ။ လက်ရှိ ကျွန်မနေတဲ့တိုက်ခန်းရဲ့ဘေးအခန်းဖော်က မမချောရဲ့ တံခါးဆောင့်ပိတ်သံက ခပ်ရိုင်းရိုင်း၊ ခပ်ကြမ်းကြမ်းရယ်။
“အစ်မရဲ့ တံခါးပိတ်သံ နည်းနည်းတိုးလို့ရမလား” ဒါမှမဟုတ် “ အစ်မတံခါးက ပျက်နေလို့ တံခါးပိတ်သံက ကျယ်နေတာလား” ဆိုပြီး ထေ့ကာငေါ့ကာ အသိပေးလိုက်ရမလား ဆိုပြီး ကျွန်မစိတ်ထဲမယ် ဘဝင်မကျဖြစ်လွန်းလှတယ်။ ကိုယ့်ထက်အသက်ကြီးသူဖြစ်တဲ့အတွက် တားမြစ်တဲ့လေသံနဲ့လည်း မပြောချင်ပြန်ဘူး။ ဒီလို အထပ်ထပ်စဉ်းစားရင်း နှုတ်ကဆွံ့အသွားလိုက်တာ ခုဆို ဒီဒဏ်ကို ခံနေရတာ (၁)နှစ်ကျော်လာပါပြီ။ “သမီးရယ် သူငယ်ချင်းတွေနဲ့နေတာ ဘယ်လိုပဲဖြစ်ဖြစ် သည်းခံပါနော်” ဆိုတဲ့ ဖုန်းထဲကနေ အမြဲဆုံးမနေတဲ့ အဖေ့ရဲ့ ဆုံးမသံတွေက ကျွန်မနှုတ်ကို ဆွဲပိတ်လိုက်စေတယ်။ ကျွန်မ ထိုင်ဝမ်ရောက်စအချိန် နေထိုင်ဖို့ကူညီပေးခဲ့တဲ့ ကျေးဇူးရှိသူမို့လည်း ထပ်ပြီး သည်းခံနေရတာပေါ့ရှင်။


ဒါပေမယ့် အဲဒီအစ်မရဲ့ တံခါးဆောင့်ပိတ်သံက ကျွန်မခေါင်းကို တူနဲ့ လာလာထုနေသလိုပါပဲ။ စာတွေနဲ့ လုံးချာလိုက်ရတဲ့အထဲ ဒီတဒုန်းဒုန်းအသံတွေက လူကို စိတ်အနှောင့်အယှက်တော်တော်ပေးလှတယ်။ ကျွန်မလည်း အဲဒီအစ်မ မရှိတဲ့အချိန် သူ့လိုအသံအကျယ်ကြီးထွက်အောင် တံခါးပိတ်ကြည့်ပါတယ်။ အားနဲ့ဆောင့်ပိတ်မှ အသံကျယ်ကျယ်ထွက်တာပါလေ။ သူ့တံခါးပိတ်သံ ဒီလောက်ကြမ်းတာ သူနဲ့တခန်းတည်းအတူနေတဲ့ သူ့ယောကျာ်းရော နားကန်းနေလေသလား။ သူ့အတွက်တော့ ချိုမြိန်တဲ့ သံစဉ်တေးသွားတွေ လှုပ်ခတ်ခြင်း ဖြစ်ချင်ဖြစ်နေမှာပေါ့လေ။


အဲဒီ အစ်မလင်မယားရယ်၊ နောက်ထပ်သူငယ်ချင်းတစ်ယောက်ရယ်၊ ကျွန်မရယ်ပေါင်းပြီး အခန်းသုံးခန်းပါ တိုက်ခန်းကို ငှားနေကြတာပါ။ ကျွန်မနဲ့ နောက်အခြားသူငယ်ချင်းရဲ့ တံခါးပိတ်သံက သာမှန်ပါပဲ။ ကျွန်မမိဘနဲ့နေစဉ်ကဆို “သမီးမိန်းကလေးမလို့ အနေအထိုင်အပြောအဆို ဆင်ခြင်ရမယ်” ဆိုပြီး အမေက တတွတ်တွတ်ဆိုဆုံးမလေ့ရှိတယ်။ ပြည်သူ့နီတိနဲ့ဆိုင်ရာတွေကိုလည်း ပြောမဆုံးပေါင်။ မိန်းကလေးဆိုတာ အော်ကြီးဟစ်ကျယ်မရယ်ရဘူး ဆိုတာကအစ လမ်းလျှောက်ရင် ဖိနပ်လျှပ်တိုက်သံမထွက်စေနဲ့ကအဆုံး။ အမေနဲ့ဝေးရာအရပ်ရောက်မှ အမေ့ဆုံးမသံတွေကို အထပ်ထပ်ပြန်ကြားရောင်မိပြန်တယ်။


“ဒုန်း”
ဟော...ကြားနေရပြန်ပါပြီ။ လောကကြီးရယ်... တဆိတ်လောက် ညင်ညင်သာသာလေး လှုပ်ရှားသွားလာကြပါတော့လားကွယ်။ ဒီတဒုန်းဒုန်းအသံတွေနဲ့ ဝေးရာအရပ်ဆီ ပြောင်းရွှေ့နေနိုင်ရာ တစ်နေ့ဆီသို့ ကျွန်မမျော်မှန်းဆုတောင်းလျက်သာ။

ပြုတ်ကျော်ခံလိုက်ရငြား

အလုပ်တွေရှားတဲ့ ဒီခေတ်ကြီးထဲမှာ တစ်ယောက်ကတစ်ယောက်ကို ကျော်တယ်၊ လှော်တယ်၊ ခုတ်တယ်၊ ပြုတ်တယ်ဆိုတာ အမြဲကြားနေရတတ်ပါတယ်။ စာဖတ်သူတွေထဲမှာလည်း ကိုယ်တိုင်ကြုံတွေ့ခံစားဖူးတဲ့သူတွေရှိပါလိမ့်မယ်။ ကျွန်မရဲ့ ရင်းတွင်းဖြစ်တွေကိုလည်း ရှင်တို့ကို ဖောက်သည်ချရအုံးမယ်။


အလုပ်လုပ်ရတာ ပင်ပန်းတယ်ဆိုပေမယ့် ဒီလိုအလုပ်ကလေးရှိနေတာကိုက ပျော်စရာကောင်းတာလေ။ ပြုတ်ရင်တော့လား... ရင်မောစရာတွေ တသီတတန်းကြီးလို့ ထင်စရာရှိပါတယ်။ ဒါပေမယ့် သခင်ယေရှုဘုရားရဲ့ မှစမှုကြောင့် တစ်ခုပြုတ်သွားလေ နောက်တစ်ခုကို အုပ်ခွင့်ရလေပါပဲ။ ကျွန်မဘဝမှာ သက်သေလေးတွေရှိလို့ ဒီလိုအာမခံရဲတာပါ။ သူများတွေ ကိုယ့်အပေါ်မှာ ခေါင်းပုံဖြတ်ချင်ဖြတ်ပါစေ၊ နောက်ကျောကိုဓါးနဲ့ထိုးရင်ထိုးပါလေစေ  သင့်ဘဝကို ဘုရားထံ အုပ်စိုးဖို့အပ်နှံထားရင် အချိန်တန်ရင် အောင်မြင်မှုတွေကို ရရှိမှာဖြစ်ပါတယ်။ တဒင်္ဂအခြေအနေအပေါ်မှာ ရှုံးနှိ်မ့်သွားရလေပါရောလို့ သင်ဝမ်းနည်းမျက်ရည်ကျနေမိပေမယ့် အဲဒီမျက်ရည်ကြားထဲကပဲ ဘုရားသခင်ရဲ့ဂရုဏာကို မကြာခင်မြင်တွေ့လာပါလိမ့်မယ်။


လက်ရှိအချိန်နဲ့ အခြေအနေထဲမှာ  ဘုရားသခင်က သင့်ကို သွန်သင်ပေးစရာရှိလို့၊ လေကျင့်ပေးစရာ တစ်ခုခုရှိလို့သာ သင်ဒီလို တွေ့ကြုံရင်ဆိုင်ရခြင်းဖြစ်တယ်။ ယခုအဆင့်ကို သင်ဖြတ်ကျော်သွားနိုင်ပြီဆိုရင်တော့ နောက်အဆင့်တစ်ခုရဲ့အောင်မြင်မှုဟာ သင့်အတွက်ပါပဲ။ ဖြတ်ကျော်ရတဲ့ အဆင့်တစ်ခုနဲ့တစ်ခုဟာ ချိတ်ဆက်နေတတ်ပါတယ်။ ဥပမာပေးရရင် ယခုအချိန်မှာ သင်မြန်မာဝတ္ထုတိုတစ်ပုဒ်ကို ဖတ်နိုင်တာဟာ ငယ်စဉ်အချိန်က ကခတွေကို ကျက်မှတ်ခဲ့လို့ပေါ့။ ဟုတ်တယ်ရှိစ။ ဒါကြောင့် အလုပ်ပြုတ်တာလည်း ဘုရားရဲ့ကျေးဇူးတော်ပါပဲ။ ရှေ့မှာရှိတဲ့ အလုပ်သစ်တစ်ခုက သင့်ကို လိုအပ်နေပါတယ်။ သင့်ကို စောင့်မျော်နေပါတယ်။ ကျွန်မဘဝရဲ့ အတွေ့အကြုံတစ်ခုကို ဝေမျှလိုက်ပါတယ်။ ခုချိန်မှာတော့ အဲဒီပြုတ်ကျော်ခံခဲ့ရတာကိုပဲ ဝမ်းသာမိတာအမှန်ပါ။

        
“မင်မင် စာမေးပွဲအခြေအနေ ဘယ်လိုလဲ”
စကားသံကြောင့် တံမြက်စည်းကို ခေါင်းငုံ့လှဲနေရာမှ အသံလာရာဆီသို့ ကျွန်မခေါင်းမော့ကြည့်လိုက်ပါတယ်။ ရုံးခန်းထဲဝင်လာတဲ့ဆရာက ကျွန်မကိုတွေ့လို့ ယခင်အပတ်က ဖြေဆိုခဲ့တဲ့ (c++)ဘာသာရပ် စာမေးပွဲအခြေအနေအကြောင်း ကျွန်မကို မေးလိုက်တာပါ။
“ဆရာ...ကျွန်မလေ...”
ရယ်ကျဲကျဲမျက်နှာနဲ့  အရင်မျက်နှာချိုသွေးလိုက်ပြီးနောက် နှုတ်ကစကားလုံးတွေကြွေကြလာတာကတော့
“ဆုတောင်းလျက်ပါပဲ...ဆရာ” လို့ကြိုတင်စဉ်းစားထားတာမဟုတ်ပဲ ဆရာ့အား ပြန်ဖြေလိုက်မိတယ်။
“ဟုတ်ပြီ၊ ဟုတ်ပြီ။ ကြိုးစား၊ ကြိုးစား”


ဆရာက ကျွန်မကို အားပေးတဲ့အပြုံးတစ်ခုပေးပြီး သူ့ရုံးကိစ္စသူလုပ်ပြီးနောက် အခန်းထဲမှ ထွက်သွားပါတယ်။ အဲဒီနေ့ ရုံးခန်းထဲကပြန်လာပြီးနောက် ကျွန်မပိုပြီးဆုတောင်းဖြစ်ပါတယ်။
(c++)ဘာသာရပ်ဟာ ကျွန်မအတွက် ခက်ခဲတဲ့ဘာသာရပ်လို့ ပြောလို့ရပါတယ်။ ဝါသနာမပါလို့လဲဖြစ်နိုင်ပါတယ်။ (c++)အတန်းတက်တိုင်းမှာ ကျွန်မခေါင်းတွေမူးပြီးရင်းမူးပါပဲ။ (c++)ဆရာကလည်း ကျွန်မလက်မသွက်မှန်းသိလို့ထင်ပါရဲ့။ အတန်းထဲမှာ ကျွန်မကို ခဏခဏစာမေးပါတယ်။ ကျွန်မအဖြေမှန်သွားရင် ဆရာ့မျက်နှာ ပြုံးချိုသွားတတ်ပါတယ်။ အတန်းထဲမှာ စာမရတဲ့တပည့်ဖြေနိုင်ပြီဆိုမှဖြင့် အခြားအတန်းသားအားလုံးလည်း ရလောက်ပြီဆိုတဲ့ စိတ်ချမှုမျိုး၊ ဆရာ ရသွားလို့ဖြစ်ပါလိမ့်မယ်။ ဒါထားလိုက်ပါ။ ကျွန်မကတော့ အတန်းပြီးတာနဲ့ (c++)ဘာသာရပ် အိမ်စာတွေအတွက် သူငယ်ချင်းတစ်ယောက်ကို အကူအညီတောင်းပြီး ရှင်းပြခိုင်းရတာ အမောပါပဲ။ ဘယ်လိုပဲဖြစ်ဖြစ် အတန်းတင်စာမေးပွဲအတွက် ကျွန်မအစွမ်းကုန်ဖြေခဲ့လိုက်ပါတယ်။ အောင်မြင်ဖို့ကိုတော့ ဘုရားသခင်ထံ ဒူးထောက်ဆုတောင်းခြင်းမှအပ ကျွန်မဘာမျှမတတ်နိုင်ပါဘူး။


ဒီလိုနဲ့ နောက်တစ်ပတ် ရုံးခန်းထဲမှာ ဆရာ့ကိုပြန်တွေ့တော့ ဆရာက ကျွန်မကို စတင်နှုတ်ဆက်လာပြန်တယ်။ “မင်မင်...အောင်ပြီနော်” ပြုံးရွှင်စွာနဲ့ ပြောလာတဲ့ဆရာ့စကားကြောင့် ကျွန်မအရမ်းပျော်သွားမိတယ်။
“တကယ်လား...။ ကျေးဇူးတင်ပါတယ်ဆရာ။ ကျေးဇူးတင်ပါတယ်”
အလုပ်ပြီးတာနဲ့ ကျွန်မအမြန်ပြန်ပြီး ကျောင်းဝက်ဆိုဒ်ထဲကအောင်စာရင်းကို ကြည့်လိုက်ပါတယ်။ “အိုတကယ်ပါပဲ။ အောင်ပြီ။ အောင်ပြီ”
(c++)ဘာသာရပ်ကို ကျွန်မတကယ်အောင်မြင်သွားရပါပြီ။ ကျွန်မအဲဒီနေ့က ပျော်လွန်းလို့တော်တော်နဲ့အိပ်မပျော်ဖြစ်ခဲ့ရတယ်။ အတန်းထဲမှာ စာရတာမရတာထား၊ ဆရာနဲ့ရင်နှီးခွင့်ရခဲ့တဲ့ အခြေအနေတစ်ခုကို ကျွန်မပြန်စဉ်းစားနေမိတယ်။


 (c++)ဘာသာသင်တဲ့ဆရာ့ရုံးခန်းမှာ အချိန်ပိုင်းရုံးအကူအဖြစ် ကျွန်မအလုပ်လုပ်ခွင့်ရခဲ့တာဟာ တိုက်ဆိုင်မှုတော့မဟုတ်ပါဘူး။ ဘုရားသခင်ဟာ ရှေးမဆွကတည်းက ကျွန်မအတွက် ပြင်ဆင်ပေးထားပြီးတာကို ပြန်မြင်ယောင်လာမိတယ်။ ကျွန်မဒီရုံးခန်းမှာ အလုပ်မရခင်က သချာင်္ဋ္ဌာနရဲ့စာကြည့်တိုင်မှာ အချိန်ပိုင်းအလုပ်လုပ်ခဲ့တာပါ။ စာကြည့်တိုက်မှူးရဲ့ အတွင်းရေးမှူးမဟာ ကျွန်မတို့အချိန်ပိုင်းအလုပ်လုပ်တဲ့ နိုင်ငံခြားကျောင်းသားတွေအပေါ် အထင်သေးအမြင်သေးတတ်တဲ့သူပေ့ါ။ ပြီးတော့ ဒီစကားကို ဟိုပို့၊ ဟိုစကားဒီပို့နဲ့ စကားတွေကို ဖောင်ဖွဲ့သယ်နေသူဆိုလည်း မမှားပါဘူး။ ကျွန်မတို့ရဲ့အားနည်းချက်အမှားတွေကိုလည်း စာကြည့်တိုက်မှူးကို သွေးထိုးတတ်ပါသေးတယ်။ စာကြည့်တိုက်မှူးကတော့ ကျွန်မတို့အပေါ် စာနာထောက်ထားတတ်သူပါ။


တစ်နေ့တော့ အတွင်းရေးမှူးမနဲ့ ကျွန်မပြဿနာတက်ပါတယ်။ နောက်တစ်နေ့မှာ အဲဒီပြဿနာအသေးလေးကို စာကြည့်တိုက်မှူးဆီ ရေးကြီးခွင်ကျယ်လုပ်ပြီး တိုင်ပါတော့တယ်။ အဲဒီအချိန်မှသိလိုက်ရတာက သူဘယ်အချိန်ကတည်းက စုထားမှန်းမသိတဲ့ ကျွန်မရဲ့တခြားအမှားတွေကိုလည်း ရောပြွန်းပြီးတိုင်ထားမှန်း သိရပါတော့တယ်။ အလုပ်ချိန်မှာ ဂွင်းထိုးဖိနပ်စီးလာခဲ့ဖူးတာရော၊ ဟိုအပြစ်  ဒီအပြစ်ရော စုံလို့ပါပဲ။ ဂွင်းထိုးဖိနပ်စီးသွားမိတဲ့နေ့ကလည်း ကျောင်းဆင်းလို့အချိန်လုပြေးရတာနဲ့ ကျွန်မမေ့ပြီးစီးသွားခဲ့မိတာ။ ကျွန်မတောင်မေ့လို့နေပါပြီ။ အဲဒီနေ့က မကြိုက်ရင် မကြိုက်တဲ့အကြောင်းမပြောပဲ၊ အမှတ်အတေးထားတတ်သူမှန်း ကျွန်မသိလိုက်ရတော့ နဲနဲရှိန်သွားခဲ့ရတယ်။ ဘာပဲဖြစ်ဖြစ် အလုပ်ကို စနစ်တကျအသေးစိတ်လုပ်တတ်တဲ့ အကျင့်လေးကိုတော့ သူ့ဆီက ကျွန်မသင်ယူတတ်မြောက်လိုက်ပါတယ်။


အဲဒီအတွင်းရေးမှူးမနဲ့ အချိန်ပိုင်းအလုပ်လုပ်တဲ့ တခြားကျောင်းသူကျောင်းသား ဘယ်သူနဲ့မှ မတည့်ပါဘူး။ အားလုံးအပေါ်မှာ သူအမြင်စောင်းနေမှန်း ကျွန်မတို့တွေသိပေမယ့် ဟန်မပျက်ပဲ အလုပ်ကိုဆက်လုပ်ခဲ့ကြတယ်။ ကျွန်မလည်း အလုပ်ကို တန်ဖိုးထားပြီး သေချာလုပ်ပေးခဲ့ပါတယ်။ ဒါပေမယ့် တစ်နေ့မှာ ကျွန်မတို့အားလုံးအတွက် စာကြည့်တိုက်မှူးက သတင်းဆိုးတစ်ခုယူဆောင်လာပါတယ်။ အချိန်ပိုင်းအလုပ်လုပ်တဲ့သူတွေအစား အချိန်ပြည့်အလုပ်လုပ်သူကိုသာ ခေါ်ယူတော့မှာဖြစ်ကြောင်း ပြောလာပါတယ်။ အထက်ကစည်းဝေးတဲ့အတိုင်းဆောင်ရွက်ရတာမလို့ သူလည်းစိတ်မကောင်းတဲ့အကြောင်းပြောပါတယ်။ ကျွန်မတို့အားလုံးလည်း တော်တော်လေးစိတ်မကောင်းဖြစ်ခဲ့ရပါတယ်။ အနည်ထိုင်နေပြီဖြစ်တဲ့ အလုပ်တစ်ခုကနေ တခြားတစ်ခုပြောင်းလုပ်ဖို့ဆိုတာ အစကနေပြန်စရမှာဖြစ်တဲ့အတွက် တော်တော်လေးစိတ်ပြင်ဆင်ရမယ့်အဖြစ်ပါ။ ဟိုအတွင်းရေးမှူးမကတော့ ကျွန်မတို့အားလုံးအတွက် အနောက်ကနေကြိတ်ပျော်နေပါလ်ိမ့်မယ်။ ဒါပေမယ့် ကျွန်မတို့ကိုတွန်းချသူတွေ ပျော်တာထက် အဆပေါင်းများစွာ ပျော်ရွှင်ခွင့်တွေ ကျွန်မတို့ဆီသို့ ပြန်ရောက်လာနိုင်တယ်ဆိုတာ နောက်တော့ ကျွန်မမြင်တွေ့ခွင့်ရလာပါတယ်။


အလုပ်စပြုတ်ပြုတ်ချင်းတော့ ကျွန်မစိတ်ထဲ တကယ်နေလို့မကောင်းပါဘူး။ ဝမ်းနည်းတာလား၊ စိတ်ဓတ်ကျတာလား မပြောတတ်ပါဘူး။ နောက်တော့ ကျွန်မစိတ်ထဲ မျော်လင့်ချက်အလင်းရောင်တစ်ခုရလိုက်တယ်။ ဒီစာကြည့်တိုက်အလုပ်ဟာ ကျွန်မသူငယ်ချင်းမိတ်ဆက်ပေးလို့ ကျွန်မဆီ ဆိုက်ဆိုက်မြိုက်မြိုက်ရောက်လာခဲ့တဲ့အရာ။ ခုဒီအလုပ်က ကျွန်မဆီကနေထွက်သွားမယ်ဆိုလည်း ကျွန်မထိုင်ငိုနေဖို့မဟုတ်ဘူး။ ကျွန်မကိုးကွယ်တဲ့ဘုရားက ကျွန်မကို ဒီထက်ကောင်းတဲ့အလုပ်ပေးနိုင်တယ်ဆိုပြီး ယုံကြည်စိတ်ချထားလိုက်ပါတယ်။ အလုပ်သစ်ရဖို့တော့ ကျွန်မဘယ်မှသွားပြီး မစုံစမ်းခဲ့ပါဘူး။


ဒီလိုနဲ့ မကြာခင် တစ်နေ့မှာ ကျွန်မဆီ ဖုန်းဝင်လာပါတယ်။
“မင်မင်ဆိုတာလား”
“ဟုတ်ပါတယ်”
“အလုပ်လုပ်ချင်လား”
အလုပ်လုပ်ချင်လားဆိုတော့ ကျွန်မမျက်လုံးနဲနဲ ပြူးသွားပါတယ်။ ကျွန်မ အလုပ်လိုချင်နေတာ ဘယ်လိုသိပါလိမ့်။
“ဟုတ်ကဲ့။ ဘယ်လိုအလုပ်မျိူးလဲ”
“ရုံးအကူပါ။ လုပ်ချင်ရင် ဖုန်းနံပါတ်ပေးလိုက်မယ်။ သွားစုံစမ်းလိုက်ပါ”
ဖုန်းက အမျိုးသမီးကြီးပြောတဲ့အတိုင်း ကျွန်မစုံစမ်းလိုက်ပါတယ်။ နောက်သူတို့ချိန်းတဲ့အတိုင်း သွားတွေ့လိုက်တယ်။ ကျွန်မလုပ်ရမယ့်ရုံးကတော့ ကျွန်မသင်ယူနေတဲ့မြို့ပြအင်ဂျင်နီယာဋ္ဌာနရဲ့လက်အောက်က
ကွန်ပြူတာဋ္ဌာနရုံးခန်းမှာဖြစ်ပါတယ်။ အဲဒီကွန်ပြူတာဋ္ဌာနမှာ ဆရာ(၃)ဦးရှိပါတယ်။ ကျွန်မကတော့ ရုံးစာရေးအကူပေါ့။ ရုံးစာရေးလိုအပ်တာ ကူညီပေးရသလို၊ ဆရာ(၃)ဦးရဲ့ ရုံးခန်းအသီးသီးကိုလည်း သန့်ရှင်းရေးလုပ်ပေးရပါတယ်။ ဆရာ(၃)ဦးစလုံးက သဘောကောင်းကြသလို ရုံးစာရေးတွေဟာလည်း ပျူငှာလှပါတယ်။ အရင်စာကြည့်တိုက်က စာရေးမနဲ့တော့ ဆီနဲ့ရေလို ကွာခြားလှပါတယ်။ နောက်ပိုင်း ဆရာ(၃)ဦးနဲ့ ကျွန်မလည်း မျက်မှန်းတန်းမိလာပါတယ်။ နိုင်ငံခြားကျောင်းသူတစ်ဦးအဖြစ် ကျောင်းအားချိန်မှာ အခုလို အလုပ်လုပ်နေတဲ့အကြောင်း၊ ကျောင်းစာမှာလည်း နားလည်အောင်အတတ်နိုင်ဆုံးကြိုးစားနေရကြောင်းစသဖြင့် ကျွန်မဘဝအပိုင်းအစတစ်ချို့ကို ဆရာတွေသိဖို့ ပြောခွင့်ကြုံလာပါတယ်။ နောက်ကျွန်မ အင်ဂျင်နီယာကွန်ပြူတာဘာသာရပ်တွေ သင်ရတဲ့အခါမှာ အဲဒီဆရာ(၃)ဦးစလုံးနဲ့ အတန်းထဲမှာ ပြန်ဆုံတော့ ကျွန်မကိုဂရုတစိုက်သင်ပြပေးပါတယ်။  (c++)ဘာသာရပ်အောင်မြင်ရတာဟာလည်း ဆရာနဲ့ရင်းနှီးတဲ့အတွက် ကျွန်မမျက်နှာသာ ရလိုက်ခြင်းဖြစ်ပါတယ်။ အလုပ်ဟောင်းပြုတ်ပြီး ဒီဋ္ဌာနမှာ အလုပ်လုပ်ခွင့်ရလိုက်လို့သာ နောက်ခြေရာတွေက ပိုပြီးလှပသွားရတာပါ။


ကျွန်မအလုပ်သစ်လိုအပ်နေတဲ့အခါ ကျွန်မဆီ အလုပ်ရောက်လာအောင်လုပ်ပေးနိုင်တဲ့ဘုရားကို ကျွန်မ မချီးမွမ်းပဲ မနေနိုင်တော့ပါဘူး။ ကျွန်မကို “အလုပ်လုပ်ချင်လား” လို့ဖုန်းဆက်ခဲ့တဲ့ အမျိုးသမီးကြီးဘယ်သူဘယ်ဝါမှန်း ခုထိကျွန်မ မသိပါဘူး။ ဘုရားသခင်ဟာ အဲဒီအမျိုးသမီးကြီးကို အသုံးပြုလိုက်ခြင်းဖြစ်ကြောင်း ကျွန်မခံစားလိုက်ရတယ်။ အလုပ်သစ်မှာ တွေ့ကြုံရတဲ့လူတွေဟာလည်း တစ်နေ့ကျွန်မလိုအပ်တဲ့အတွက် ဘုရားက အရင်အလုပ်ကိုပြုတ်ခွင့်ပေးပြီး အလုပ်သစ်ဆီသို့ ပို့ဆောင်ပေးခြင်းဖြစ်ကြောင်းလည်း ကျွန်မနားလည်လိုက်ရတယ်။
ဒါကြောင့် သမ္မာကျမ်းစာထဲက ဆာလံ၄၀း၅မှာ ဒါဝိဒ်မင်းကြီးချီးမွမ်းသလိုမျိုးပဲ ကျွန်မလည်း ယခုလို ဝန်ခံချီးမွမ်းလိုက်ရပါတယ်။


“အကျွန်ုပ်၏ ဘုရားသခင် ထာဝရဘုရား အကျွန်ုပ်တို့အဘို့ ပြုတော်မူသော အံသြဘွယ်အမှုတို့နှင့် ကြံစည် တော်မူသော အကြံအစည်တို့သည် များလှပါ၏၊၊ ရှေ့တော်၌ အစဉ်အတိုင်းလျှောက်၍ မကုန်နိုင်ပါ၊၊ အကျွန်ုပ်ထုတ် ဘော်ကြားပြောမည်ဟုဆိုသော်၊ ရေတွက်၍ မကုန်နိုင်အောင် များလှပါ၏၊၊ ”

ရဲရင့်ခြင်းအားနဲ့ ဒိုးကြစို့

“ထိုင်တာ့ကျောင်းဝန်းက ကျယ်တော့ စက်ဘီးလေးတစ်စီးရှိဖို့တော့ လိုတယ်နော်” ဆိုတဲ့ စီနီယာတွေရဲ့စကားကြောင့် NTU (National Taiwan University) တက္ကသိုလ်စတက်တော့ စက်ဘီးအသစ်လေးတစ်စီး ကျွန်မဝယ်ထားလိုက်တယ်။ အချိန်တွေရှားပါးတဲ့ ခေတ်ကြီးမှာ အတန်းချိန်တွေကို ကျောင်းဆောင်တစ်ခုမှ တစ်ခုဆီသို့  အလျင်မီအောင်လိုက်တက်နိုင်ဖို့ စက်ဘီးလေးက တာဝန်ကျေကျေနဲ့ ပါရမီဖြည့်ပေးရှာပါတယ်။ ဒါကြောင့် ကျွန်မ နီးနီးနားနားဘယ်သွားသွား အဲဒီစက်ဘီးလေးရဲ့အကူအညီကို ကျေးဇူးတင်စွာနဲ့ယူနေကြပေါ့။ လေပြင်းကြီးတဲ့ ထိုင်တာ့ကျောင်းဝန်းကြီးထဲမှာ တခါတရံ စက်ဘီးလေးတစ်စီးနဲ့ လန်းနေရတာလည်း ပျော်စရာကောင်းပါ့။


ဒါပေမယ့် တစ်ခုပဲ စိတ်ထဲဘဝင်မကျတာရှိမိတယ်။ အဲဒါကတော့ စက်ဘီးတာယာထဲ လေလျော့လို့ စက်ဘီးဆိုင်သွားပြီး လေသွားထိုးရတာပါပဲ။ မြန်မာနိုင်ငံရဲ့ ကိုယ့်မြို့လေးမှာနေတုန်းကလို စက်ဘီးဆိုင်သွားပြီး “စက်ဘီးလေလျော့လို့” လို့ပြောလိုက်တာနဲ့ စက်ဘီးပြင်ဆိုင်က အကိုကြီးတွေကိုယ်တိုင် လေထိုးပေးတာမျိုးမဟုတ်ဘူးလေ။ ကိုယ်ကိစ္စကိုယ်ပဲဖြေရှင်းရတာမျိုး။ ပြီးတော့ကျောင်းရဲ့စက်ဘီးဆိုင်ဆိုတော့ အချိန်တော်တော်များများမှာ လေထိုးဖို့အရေး လူတန်းရှည်စောင့်ရပြန်သေးတယ်။ လူစောင့်ရတာထားအုံး။ လေထိုးစက်ကလည်း ကျွန်မသိပ်မသုံးတတ်ဘူး။ စက်ဘီးတာယာရဲ့ လေထိုးပေါက်ကို လေထိုးပိုက်တတ်လိုက်တယ်ဆိုရင်ပဲ လေတိုးဖို့နေနေသာသာ ကိုယ့်ရဲ့စက်ဘီးတာယာထဲက လက်ကျန်လေတွေသာ တရှူးရှူးနဲ့ ခုန်ပေါက်ထွက်ပြေးသွားကျတယ်။ အပေါက်မတည့်တာလည်းမဟုတ်။ လေတွေက ဘယ်ချောင်ကြားကထွက်သွားတယ်မသိဘူး။ ခေါင်းတငုံ့ငုံ့နဲ့ လေထိုးဖို့အရေး စိုင်းပြင်းနေရတာကို အနောက်ကလူတွေထဲကတစ်ယောက်တစ်လေမျှ လာကူပေးဖို့မရတဲ့အတွက် တယောက်တည်းဗျာများရတယ်။ တယောက်တည်း တကုန်းကုန်းနဲ့ လေထိုးပိုက်နဲ့တာယာပေါက်အဆင်ပြေရေးအတွက် ကြိုးစားပမ်းစားတပ်လိုက်ဖြုတ်လိုက်တာ၊ အချိန်ကြာလာလေလေ တခြားစောင့်နေတဲ့လူတွေကို အားနာရတာတမျိုး၊ ရှက်လာရတာတဖုံနဲ့ နောက်ဆုံးတော့ လေထိုးဖို့လိုရင် ညပိုင်းလူရှင်းတဲ့အခါမျိုးမှသာ စက်ဘီးဆိုင်ဘက်ကို ကျွန်မခြေဦးလှည့်မိတော့တယ်။


ဒီလေထိုးတဲ့ကိစ္စအတွက် စိတ်ထဲမှာ တော်တော်လေး ခံပြင်းနေပါတယ်။ ဒီလိုနဲ့  တစ်နေ့ စက်ဘီးလေသွားထိုးတဲ့ ညနေရီတရော အချိန်မှာပေါ့။ ယခင်အခါတုန်းကလိုပဲ ရောက်တာနဲ့ စက်ဘီးလေထိုးပိုက်ကိုဆွဲပြီး ထိုးဖို့ပြင်ဆင်ပါတယ်။ စိတ်ထဲကနေတော့ “ကဲ...လာစမ်းဟဲ့ လေထိုးပိုက်ရေ...ဒီတစ်ခေါက်တော့ မင်း... ငါ့အကြောင်းသိစေရမယ်” ဆိုပြီး  ပိုက်ရဲ့ထိပ်အဝနဲ့ တာယာအပေါက်ဝကို ခံပြင်းမှုစိတ်ခွန်အားတွေနဲ့ ရဲရဲတင်းတင်း လေထိုးလိုက်တယ်ဆိုရင်ပဲ စက်ဘီးတာယာထဲကို လေတွေက တစ်ချိုးတည်း တင်းပြည့်ကျပ်ပြည့်ဝင်သွားပါတော့တယ်။ လေထိုးပိုက်နဲ့ လေထိုးရတာ ဒီလောက်တောင်လွယ်လိုက်တာများ အရင်က ငါဘာကြောင့် အထစ်ထစ်အငေါ့ငေါ့ဖြစ်ခဲ့ပါလ်ိမ့်။ ရရမယ်ဆိုတဲ့ ရဲရင့်ယုံကြည်မှုစိတ်ဓတ်ရဲ့တွန်းအားကြောင့် ခုဒီတစ်ကြိမ်မှာ သာသွားတာထင်ပါရဲ့။  ဒီလို လေတွေပြည့်နေတဲ့စက်ဘီးကိုကြည့်ပြီး အောင်မြင်မှုအသေးလေးတစ်ခုကို ဖမ်းဆုပ်လိုက်နိုင်တဲ့ခံစားမှုပီတိမျိုး ကျွန်မရင်ဘတ်ထဲ ဝေသွားပါတော့တယ်။


ကျွန်မသိလိုက်ပါပြီလေ။ အရင်က လက်တွေ့စာသင်ခန်းထဲမှာ “ငါလုပ်လိုက်ရင် ပျက်သွားမှဖြင့်” ဆိုတဲ့စက်ပစ္စည်းတွေ မကိုင်ရဲ မတို့ရဲတဲ့ အုံ့ပုံးကြောက်စိတ်တွေ၊ ငါဒီလိုအဆိုတင်သွင်းလိုက်ရင် သူများက “ ဘာတွေလာပြောနေတာလဲ” လို့ပြောလိုက်လေမလား ဆိုတဲ့ ကိုယ့်ကိုကိုယ်မယုံကြည်မှုတွေ၊ ဆရာ့ကို ဒီပုံသေနည်းအကြောင်းမေးလိုက်ရင်  “ ဒါလေးတောင် မသိပါလား” လို့ ငါ့ကို ထင်မြင်နေမလား မသိ ဆိုတဲ့ မဝံ့မရဲစိတ်တွေကြောင့် အထစ်အငေါ့များစွာနဲ့ ကြန့်ကြာခဲ့ရတဲ့ကြောင်းရင်းတွေ ရုပ်လုံးပေါ်လာပါတော့တယ်။ ဒီလိုမဝံ့မရဲစိတ်တွေရဲ့ မြစ်ဖျားခံရာက ကုန်လွန်ခဲ့ပြီးတဲ့နှစ်များစွာက မြန်မာနိုင်ငံရဲ့ပညာရေးစနစ်ကြောင့်လည်း ဖြစ်ကောင်းဖြစ်နိုင်ပါလ်ိမ့်မယ်။ ပြီးခဲ့တာတွေ ပြီးပါစေတော့လေ။ ရဲရင့်ခြင်းခွန်အားများနဲ့ လုပ်ဆောင်မယ်ဆိုရင် အကောင်အထည်ပေါ်လာနိုင်ကြောင်း အခုချိန်ကစပြီး ကျွန်မသင်ယူတတ်မြောက်သွားရပါပြီ။ ကျမ်းစာထဲက ယောရှုမှတ်စာ၁း၉ထဲမှာလည်း  “အားယူ၍ရဲရင့်ခြင်းရှိလော့။ မကြောက်နှင့်၊ စိတ်မပျက်နှင့်။ သွားလေရာရာ၌ သင်၏ ဘုရားသခင်ထာဝရဘုရားရှိသည်ဟုမိန့်တော်မူ၏။” ဆိုပြီး မီးမေါင်းထိုးအလင်းပြထားပါတယ်။
ဒါကြောင့် မှန်ကန်တဲ့အမူကိစ္စအဝဝကိုလုပ်ဆောင်ရာမှာ ဘုရားသခင်ရှိတယ်ဆိုတဲ့အသိနဲ့ အားယူပြီးရဲရင့်ခြင်းရှိစွာ ရှေ့တစ်လှမ်းဆီသို့ ဒိုးလိုက်ကြပါစို့။

မွေးနေ့ဆုတောင်း

ဒီနေ့ဟာ ကျွန်မမွေးနေ့ပါ။
အေပရယ် (၇)။
ကျွန်မရဲ့ စာပေမိတ်ဆွေအားလုံးကို သတိရပါတယ်။
ကျောင်းစာတွေနဲ့ လုံးပန်းနေရလို့ စာမရေးဖြစ်တာလည်း အတော်လေးကြာနေပါပြီ။
ဒါပေမယ့် အားလုံးကို ရင်ထဲကနေ သတိရလျက်ပါ။
ကျောင်းစာတွေနဲ့ လွတ်မြောက်ရာတစ်နေ့မှာတော့ စာတွေပြန်ရေးနိုင်အောင် ကြိုးစားသွားပါ့မယ်။
အားလုံးကို ဘုရားသခင် ကောင်းကြီးပေးပါစေ။
ဘုရားသခင်ဆီမှ ချစ်ခြင်း၊ ငြိမ်သက်ခြင်း၊ ဝမ်းမြောက်ခြင်းတွေ ရရှိပါစေ။

ဂျာနယ်ကလေး ဘယ်သူယူ

“အောင်အောင်ရေ...၊ အောင်အောင်”
ခေါ်သံကြောင့် အိမ်ရှေ့သို့ အောင်အောင် အပြေးအလွှား သွားလိုက်ပါသည်။
“ဖြိုးပိုင် ပါလား။ လာလာ ... နင် ငါ့အိမ်ကို တကယ်လာလည်တယ်နော်”
“ဒါပေါ့။ နင်ပြောတဲ့ ဂျာနယ်တွေ၊ ကာတွန်းစာအုပ်တွေ ဖတ်ချင်လို့”
အောင်အောင်သည် အိမ်၌ ကိုယ်ပိုင်စာကြည့်တိုက်သေးသေးလေးလုပ်ချင်သည့် စိတ်ကူးလေးကို အကောင်အထည်ဖော်သည့် အနေနှင့် သူငယ်ချင်းအောင်အောင်ကို အိမ်သို့ဖိတ်ခေါ်ထားခြင်းဖြစ်သည်။
ပြောပြောဆိုဆိုနှင့် ဧည့်ခန်းထဲသို့ရောက်သော် အောင်အောင်က ဖတ်စရာစာအုပ်များကို ယူပေးလိုက်သည်။

“ရော့...ဒီမှာ ဒါက လစဉ်ထုတ်ကလေးဂျာနယ်တွေ၊ ဒါက ကာတွန်းစာအုပ်တွေ။ ကြိုက်တာဖတ်နော်”
“အေးအေ။ ဂျာနယ်တွေ အများကြီးပါလား။ ပျော်စရာကြီးနော်”
ဖြိုးပိုင်က အောင်အောင်အိမ်သို့ရောက်သော် ဖတ်စရာဂျာနယ်အစုံကို တွေ့လိုက်ရ၍ မျောက်အုံးသီးရသည့်နှယ် အလွန်ပျော်သွားသည်။
“ဟုတ်တယ်။ ငါ့မေမေက ငါဖတ်ဖို့ လတိုင်းဝယ်ပေးတာလေ”

 ဖြိုးပိုင်သည် တနေ့လည်လုံးမမောတန်း ဂျာနယ်စာအုပ်များကို ဖတ်နေတော့သည်။ ဒီလိုနှင့်  ညနေစောင်းသို့ရောက်သော်
“အောင်အောင်... မိုးချုပ်တော့မှာမို့ ငါပြန်တော့မယ်နော်။ ဒါပေမယ့် ဆက်ပြီးလည်း ဖတ်ချင်သေးတယ်။ ဒီစာအုပ်တွေ ငါ့ကို ခဏငှားပေးလို့ရမလား။ ကျောင်းပြန်တက်တဲ့နေ့ ငါပြန်ယူလာပေးမယ်လေ”
“အေးအေ... ရပါတယ်”

ဒီလိုနှင့် ဖြိုးပိုင်သည် ကျောင်းအားရက်များတွင် သူငယ်ချင်းအောင်အောင်ထံသို့သွားကာ ဂျာနယ်များ၊ ကာတွန်းများ ဖတ်ဖြစ်သည်။ အောင်အောင်သည်လည်း ဖြိုးပိုင်လာလည်၍ ပျော်နေမိသည်။

~~~~~

 

 

ယခုတစ်ပတ်နွေရာသီကျောင်းပိတ်ရက်တွင် ဖြိုးပိုင်မလာ၍ အောင်အောင် မျော်နေမိသည်။ “ ဟိုတစ်ပတ်က စာမေးပွဲရှိလို့ မလာပေမယ့် ဒီတစ်ပတ်က ဘာလို့မလာတာလည်း မသိဘူး” ဟု တွေးနေမိသည်။ ထို့နောက် စာအုပ်စင်မှ စာအုပ်များကို စီနေလိုက်သည်။

“အို...ငါ့ဂျာနယ်တစ်ချို့ မတွေ့ပါလား။ ငါ သေသေချာချာ အစဉ်လိုက်စီထားတာပဲ။ ဖြိုးပိုင်လည်း ငှားထားတဲ့ စာအုပ်တွေ ပြန်ပေးပြီးပြီပဲ။ ဘယ်လိုကြောင့် ပျောက်နေရတာလဲ”

ဂျာနယ်များ၊ ကာတွန်းစာအုပ်များကို စနစ်တကျ အတွဲလိုက်ထားထားသော်လည်း ဂျာနယ်တစ်ချို့ပျောက်နေသည်ကို တွေ့လိုက်ရ၍ အောင်အောင်ဗျာများသွားရသည်။

 

“အရင် ဖြိုးပိုင် အိမ်မလာလည်ခင်က ဒီလိုမျိုးတစ်ခါမှ မဖြစ်ဖူးဘူး။ ငါမသိအောင် ဖြိုးပိုင် တိတ်တိတ်လေး ယူသွားတာပဲ ဖြစ်ရမယ်။ ဒါကြောင့် ဒီတပတ်အိမ်မလာတာ ဖြစ်ရမယ်။ တွေ့မှ အပြတ်ပြောပြစ်လိုက်မယ်” ဟု စိတ်ထဲ တေးထားလိုက်သည်။

 

သို့နှင့် တရက်တွင်

“အောင်အောင်ရေ...အောင်အောင်”

အသံကြားသည်နှင့် ခြံတံခါးဝသို့ အောင်အောင်သွားလိုက်သည်။

“အောင်အောင်... ငါ စာအုပ်လာ...”

ဖြိုးပိုင်ပင် စကားမဆုံးသေး

“ဖြိုးပိုင်၊ နင် ငါ့ဂျာနယ်တွေ ငါမသိပဲ ခိုးသွားတယ်မလား။ နင် ငှားဖတ်ချင်တယ်ဆိုလို့လည်း ငါ ငှားပေးခဲ့တာပဲ။ သူများမသိပဲ ယူသွားတယ်ဆိုတာ ခိုးတာနဲ့ အတူတူပဲ။ အကျင့်မကောင်းတဲ့သူဆိုရင် ငါမခင်ချင်ဘူး။ နင့်ကို စာအုပ်တွေ ပေးမဖတ်တော့ဘူး။ ပြန်သွားတော့”

ဟု ဒေါသတကြီး ပြောပြစ်လိုက်သည်။

“ငါ မခိုးပါဘူး အောင်အောင်။ တကယ်ပြောတာပါ။ နင် ငါလာတာ မကြိုက်ရင်လည်း ပြန်ပါတော့မယ်” ဟု

ဖြိုးပိုင်က မျက်နှာသူငယ်နှင့် ပြောနေရှာသည်။ အောင်အောင်သည် ဖြိုးပိုင်ပြောသည်ကို အရေးမလုပ်ပဲ လှည့်ထွက်လာခဲ့လိုက်သည်။

 

~~~~~

 

တစ်နေ့၌ 

“အောင်အောင်ရေ...၊ အောင်အောင်”

ခြံထဲမှ ဖေဖေ့ခေါ်သံကြောင့် အောင်အောင်သွားလိုက်သည်။

“သားရေ ဖေဖေ့ကို လာကူပေးပါအုံး။ ဒီမှာ အဝတ်လန်းတဲ့ကြိုးပြတ်သွားလို့ ကားဂိုတောင်ထဲမှာထားတဲ့ သံကြိုးနဲ့ တူသွားယူပေးအုံး”
“ဟုတ်ကဲ့”
သို့နှင့် ကားဂိုတောင်သို့ ရောက်သော်
“ဝုတ်ဝုတ်...၊ ဝုတ်ဝုတ်”
ခွေးဟောင်သံကို ကြားလိုက်ရသည်။ သို့နှင့် ခွေးလေးခွေနေသည့် အနီးသို့သွားကြည့်လိုက်သည်။
“ဟင်...စာရွက် အပိုင်းအစတစ်ချို့ပါလား။ ကျားဘို၊ နင်ဒီမှာ ဘာလာလုပ်တာလဲ။ သွား ...သွား”
ပျောက်နေသည့် ဂျာနယ်စာရွက်အပိုင်းအစတစ်ချို့ကို တအံ့တသြတွေ့လိုက်ရသည်။

သို့နှင့် သံကြိုးနှင့်တူကိုပင် ယူရန်သတိမရတော့။ ဖေ့ဖေဆီသို့ အလျင်အမြန်ပြေးသွားကာ
“ဖေဖေရေ...ဖေဖေ သားရဲ့ပျောက်သွားတဲ့ ဂျာနယ်တွေကို တွေ့ပြီ။ ဖြိုးပိုင် ခိုးသွားတာ မဟုတ်ဘူး။ ကျားဘိုက ကားဂိုတောင်ထဲကို ယူသွားတာ။ ကားဂိုတောင်ထောင့်မှာ မွစာကြဲနေတာပဲ”
ဟု ဖေ့ဖေကို အလောတကြီး ပြောပြလိုက်သည်။
“ဖေဖေ ပြောခဲ့သားပဲ။ သားသူငယ်ချင်း ယူသွားတာ မဖြစ်နိုင်ပါဘူးလို့။ ကဲ...နောက်ဆိုရင် သူများကို အလျင်စလို ဝေဖန်အပြစ်တင်ပြီး ဆုံးဖြတ်တာမျိုးကို ဆင်ခြင်ရမယ်နော်”
“ဟုတ်ကဲ့ပါဖေဖေ။ သား သဘောပေါက်ပါပြီ။ နောက်ဆို သားဆင်ခြင်ပါ့မယ်”

ပျောက်သွားသော ဂျာနယ်များကို ပြန်တွေ့လိုက်ရ၍ အောင်အောင် ပျော်သွားမိသည်။ ထို့ပြင် မိမိ၏ အလျင်စလို ဆုံးဖြတ်၍ ပြောမှားဆိုမှားခဲ့မူ့အတွက် ဖြိုးပိုင်အား တောင်းပန်ရန်လည်း ဆုံးဖြတ်လိုက်ပါသည်။ နောင်တွင် သူတစ်ပါးအား သေချာမသိပဲ အလျင်စလို ဝေဖန်ုခြင်းများ မပြုလုပ်တော့ဟု အသိတရားရလိုက်သည်က ပို၍ဝမ်းမြောက်သွားရပါတော့သည်။






မှတ်ချက်။ ။ “ရွှင်ပြုံး” ကလေးဂျာနယ်တွင် ဖော်ပြခြင်းခံရဖူးသည့် ကလေးဝတ္ထုတိုအား ပြန်လည်ရေးသားခြင်းဖြစ်ပါသည်။ ဤကလေးဝတ္ထုတိုသည် ကျွန်မဘဝတွင် ပထမဦးဆုံး ခဲစာလုံးအဖြစ် ဖော်ပြခြင်းခံရသည့် ဝတ္ထုတိုလည်းဖြစ်သည်။ ဇတ်လမ်းကျောရိုးတူသော်လည်း ယခုတစ်ကြိမ် ဤနေရာတွင် ပြန်လည်ရေးသားရာ၌ ဂျာနယ်တွင်ဖော်ပြခြင်းခံရစဉ်က အရေးအသားများနှင့် ကွဲလွဲမူများရှိပါသည်။
 

 

 



ငွေရှင်

တစ်ချို့လူတွေက “လောကမှာ တန်ခိုးအရှိဆုံးအရာဟာ ငွေပါ” လို့ ပြောတတ်ကြတယ်။ ငွေနဲ့ အရာတော်တော်များများကို လုပ်ယူလို့ရတာကိုး။ ကျောင်းတက်ဖို့လည်း ငွေလိုတာပဲ။ ခရီးထွက်ဖို့လည်း ငွေလိုတာပဲ။ ထမင်းစားဖို့လည်း ငွေလိုတာပဲ။ မိန်းမယူဖို့လည်း ငွေလိုတာပဲ။ ကလေးမွေးဖို့လည်း ငွေလိုတာပဲ။ ဒါဆို လက်ထဲမှာ ငွေရှိမှ ဖြစ်တော့မယ်။

လူတွေ လက်ထဲမှာ ငွေရှိဖို့ နေ့မအား၊ ညမနား အလုပ်လုပ်ကြရတယ်။ ထမင်းရှင်ဆိုသူတွေကို အောက်ကြို့ရတယ်။ ပင်ပန်းမှုတွေနဲ့ နပန်းလုံးကြရတော့တယ်။ ပြီးတော့ ငွေရှင်တွေကို ခယကြရတယ်။ ဒီလိုပဲ ကျွန်မမှာလဲ ငွေရှင်ဆိုသူ ရှိတာပါပဲ။ ဒါပေမယ့် ကျွန်မရဲ့ ငွေရှင်ကတော့ ကျွန်မကို ပင်ပန်းကြီးစွာ အလုပ်တွေမခိုင်းပါဘူး။ လွယ်လွယ်ပြောရရင် တစ်ခုပေး တစ်ခုယူစနစ်နဲ့ ကျွန်မလိုအပ်တဲ့ ငွေတွေကို ပေးနေတဲ့သူလည်း မဟုတ်ပါဘူး။ တမ်းတရုံလေးနဲ့ ရလာတယ်ဆို စာဖတ်သူတို့ ယုံနိုင်ကြမလား။ တစ်ခါတစ်လေဆို တမ်းတစရာတောင် မလိုပါဘူး။ ရော့...ယူ ဆိုရုံပါပဲ။

ကျွန်မရဲ့ ငွေရှင်နဲ့ မိတ်ဆက်ပေးပါ့မယ်။ သူကတော့ ကျွန်မကိုးကွယ်နေတဲ့ ထာဝရဘုရားသခင်ပါပဲ။ အသက်ရှင်ပြီး အရာခပ်သိမ်းကို စိုးစံတဲ့ ဘုရားသခင်က ကျွန်မလိုအပ်နေတဲ့ ငွေတွေကို ဘယ်လိုပံ့ပိုးပေးခဲ့သလဲ ဆိုတာ ကျွန်မပြောပြပါ့မယ်။ မိတ်ဆွေတို့လဲ ထိုဘုရားရှင်ထံမှ မြည်းစမ်းရယူနိုင်ပါတယ်။



၁။ ထိုင်ဝမ်မှာ ကျောင်းတက်နေတဲ့ နေ့ရက်တစ်နေ့မှာပေါ့။ အတိအကျပြောရရင် ကျောင်းဖွင့်ခါစမှာ ကျောင်းလခတွေသွင်းပြီးလို့ လက်ထဲငွေပြတ်နေတဲ့နေ့။ ကျွန်မရဲ့ ကျောင်းလခကလဲ နဲနဲများတော့ ဒီလိုကျောင်းလခတွေ တစ်လုံးတည်းပေးလိုက်ပြီးတဲ့အခါ ငွေကပြတ်သွားတတ်ပါတယ်။ အဲဒီတစ်ခေါက်က တစ်ပြားဆို တစ်ပြားမှ မကျန်တဲ့အထိဖြစ်သွားပါတယ်။ ဒါပေမယ့် ကျွန်မမှာ ဘာခံယူချက်ရှိသလဲဆိုတော့ ကျွန်မကိုးကွယ်တဲ့ဘုရားဟာ အရာခပ်သိမ်းကို ပြောင်းလဲနိုင်တယ်ဆိုတာပါပဲ။ အရာခပ်သိမ်းကိုလဲ ပေးပိုင်တယ်ဆိုတာ ကျွန်မရဲ့ နှလုံးသည်းခြေထိကို ယုံထားပါတယ်။ ဒါကြောင့် ဒီငွေအခက်အခဲကို ဘယ်သူ့ဆီမှာမှ မတောင်းဘူးဆိုတာပါပဲ။ ကျွန်မကို ဖန်ဆင်းထားတဲ့ ဘုရားရှင်ဟာ ကျွန်မလိုနေတဲ့ ငွေပမာဏကို သိတဲ့အပြင် အဲဒီငွေတွေကိုလည်း ပေးနိုင်တယ်ဆိုတာ လိုတရဆိုတဲ့ ဆောင်းပါးပါ အဖြစ်အပျက်ကနေလည်း ကျွန်မသိမြင်ထားပြီးပြီလေ။ ဒါကြောင့် လက်ထဲတစ်ပြားမှ မရှိပေမယ့် ကျွန်မကတော့ အေးဆေးပါပဲ။ တကယ်တော့ ငွေလည်းတကယ်လိုနေပါတယ်။ အိမ်ကို လှမ်းတောင်းရင်ရပေမယ့် ကျွန်မစိတ်ထဲကနေ တောင်းတနေတာကတော့ ဘုရားသခင်က ကျွန်မကို ဘယ်လိုနည်းနဲ့ ကူညီဖြေရှင်းပေးမလဲပေါ့။ ဘုရားလုပ်တဲ့နည်းတွေဟာ အလွန်အံ့သြနက်နဲဖွယ် ကောင်းတာမို့ ကျွန်မလည်း ဒီလိုပဲ ပေကပ်ကပ်နဲ့ လိုနေတဲ့ ငွေတစ်ချို့ကို ဘုရားဆီမှာ မျှော်နေခဲ့ပါတယ်။

အဲဒီအချိန်ဟာ ဆောင်းကုန်ခါစ နွေအကူးမို့ ဆောင်းကာလကဝတ်ခဲ့တဲ့ အနွေးထည်တစ်ချို့ကိုလျှော်ဖို့ ကျွန်မပြင်ဆင်ပါတယ်။ အင်္ကျီအိတ်ထဲမှာ အလွယ်တကူထည့်ထားတဲ့ ဖြတ်ပိုင်းတို့၊ တစ်သျှူးတို့များရှိမလားဆိုပြီး တစ်ထည်ပြီးတစ်ထည် စမ်းသပ်နေမိပါတယ်။ ဒီလိုနဲ့ အသားရောင်အနွေးထည် အင်္ကျီ
 အလှဲ့ရောက်တော့  အတွင်းမှာရှိတဲ့ အိတ်ကပ်တွေကစစမ်းပြီး အပြင်ကအိတ်ကပ်နှစ်ဘက်လဲ ပြီးရော နောက်ထပ် ဇစ်ပိတ်ထားတဲ့ အပေါ်အိတ်ကပ်သေးလေးကို စမ်းဖို့လုပ်ပါတယ်။ အိတ်ထဲလက်နှိုက်ကြည့်လိုက်တော့ အလားလား.... စနစ်တကျ ခေါက်ရက်သားရှိနေတဲ့ ထိုင်ဝမ်ငွေ (၁၀၀၀) ထွက်လာပါတော့တယ်။ ကျွန်မလက်ပေါ်ရောက်လာတဲ့ အဲဒီငွေ(၁၀၀၀)ကို မျက်လုံးပြူးမျက်စံပြူးပြီး ကြည့်နေမိပါတော့တယ်။ ယုံနိုင်စရာ မရှိအောင်ပါပဲ။ အင်္ကျီအိတ်ကပ်တွေထဲမှာ ငွေတွေထည့်တတ်တဲ့အကျင့် ကျွန်မမှာ မရှိပါဘူး။ အမှတ်မှားလို့ ထည့်တယ်ထားအုံး ငွေစက္ကူအရွက်ကြီး (၁၀၀၀)တန် အသစ်စက်စက်ကို ထည့်ဖို့အကြောင်းမရှိပါဘူး။ ပြန်အန်းငွေတွေသာ ထည့်ထားဖို့ ဖြစ်နိုင်ပါသေးတယ်။ ကျွန်မချက်ချင်းသိလိုက်ပါပြီ။ ဘုရားသခင်က ကျွန်မရဲ့ အခက်အခဲကို ဖြေရှင်းပေးခြင်းသက်သက်သာပါ။ ကျွန်မအတွက် ထမင်းတစ်နပ်ကို ထိုင်ဝမ်ငွေ(၅၀)ဖိုးနဲ့ ကောင်းကောင်းဝတဲ့နေ့ရက်တွေမှာ (၁၀၀၀)တန်ကို မျက်လှဲ့ပြသလို ရလိုက်တဲ့အတွက် (၁)ပတ်စာအတွက် ကောင်းကောင်းလုံလောက်သွားခဲ့ရပါတယ်။ ဒီအံ့သြဖွယ်အဖြစ်အပျက်ကို ကျွန်မအမေ့ကို ပြောပြတော့   “သမီးအဒေါ်များထည့်ထားပေးသလားမသိ”ဆိုပြီး ပြောပါသေးတယ်။ ဘာလို့ဆို ဒီအနွေးထည်လေးက ကျွန်မရဲ့အဒေါ် ဂျပန်ကနေ ပို့လိုက်တဲ့ လက်ဆောင်မို့ပါ။ ဂျပန်မှာနေတဲ့ အဒေါ်က ထိုင်ဝမ်ငွေကို ဘယ်လိုလုပ်ထည့်ထားပေးမှာလဲ။ အလုပ်များတဲ့အဒေါ်က (၁၀၀၀) တန်တစ်ရွက်လောက်နဲ့ အလုပ်ရှုပ်ခံလဲပြီး ထည့်ထားမယ်ဆိုတာ မဖြစ်နိုင်ပါဘူး။ ပြီးတော့ သူကျွန်မကိုပေးတဲ့ မုန့်ဖိုးငွေတွေဟာလည်း ဂျပန်ငွေတွေသာ ပေးဖူးပါတယ်။ ဘုရားသခင်မှ မလုပ်ရင် ဒီငွေ(၁၀၀၀)ဟာ ကျွန်မအိတ်ကပ်ထဲ ရောက်လာစရာအကြောင်းမရှိပါဘူး။ ကျွန်မအမေလည်း ဘုရားသခင်ရဲ့ ဂရုဏာကို ပိုပြီးသိမြင်သွားခဲ့ပါတယ်။ မောရှေခေတ်က ကျောက်တုံးကနေ ရေထွက်အောင် လုပ်ပေးနိုင်တဲ့ ဘုရားက ယနေ့ခေတ်မှာ ကျွန်မအင်္ကျီအိတ်ထဲကနေ ငွေထွက်လာအောင်လုပ်နိုင်ပါတယ်။ ဘုရားသခင်ကို ကျေးဇူးတင်လို့ မဆုံးဖြစ်ရပါတယ်။ ဟာလေလုယာ။



၂။ ဆရာဒေးဗစ်လားပြောသလို ဘုရားဟာ super natural နဲ့အလုပ်လုပ်တဲ့ဘုရားဆိုတာ တကယ်မှန်ပါတယ်။ ဘုရားကို သာမန်ယုံရင် သာမန်လေးပဲရပါလိမ့်မယ်။ ဘုရားဟာ သဘာဝထက်လွန်ကဲပြီး တတ်နိုင်တယ်ဆိုတာ ယုံရင် အဲဒီအတိုင်း မြင်တွေ့ခံစားရပါတယ်။ ထိုင်ဝမ်နိုင်ငံမှာ နိုင်ငံခြားသားတစ်ယောက်အနေနဲ့ အလုပ်လုပ်ရင် လုပ်ခရဲ့ရာခိုင်နှုန်းတစ်ချို့ကို အစိုးရက အစပိုင်းမှာ ဖြတ်ထားတတ်ပါတယ်။ နောက်သတ်မှတ်ထားချိန်ရောက်ရင်တော့ လျှောက်လွှာခေါ်စာနဲ့တကွ ဆိုင်ရာရုံးကိုသွားပြီး ပြန်ထုတ်ယူခွင့်ရှိပါတယ်။ ကျွန်မ ကျောင်းတက်စဒုတိယနှစ်မှာ စာကြည့်တိုက်ရဲ့ အချိန်ပိုင်းအလုပ် လုပ်ဖူးပါတယ်။ တစ်နှစ်လောက်လုပ်ပြီးတော့ ဖြတ်ထားတဲ့ငွေတွေကို ပြန်ထုတ်ယူခွင့်လျှောက်လွှာ ကျလာပါတယ်။ ဒါကြောင့် ကျွန်မနဲ့ သူငယ်ချင်းနှစ်ယောက်စုပြီး ရုံးကို သွားခဲ့ကြတယ်။ ရုံးရောက်တော့ လျှောက်လွှာစာရွက်ပေါ် လိုအပ်တာတွေဖြည့်ပြီး သုံးယောက်သား ကိုယ်စီကောင်တာမှာ သွားလိုက်ကြတယ်။ ကျွန်မအတွက် ပထမဦးဆုံးအတွေ့အကြုံမို့ သိပ်တော့နားမလည်ပါဘူး။ သူတို့မေးတာဖြေ၊ လိုတာပြော၊ ပေးတာယူပါပဲ။ ရုံးကထွက်လာကြတော့ သူငယ်ချင်းက မေးပါတော့တယ်။

“မင်မင် နင်ဘယ်လောက်ရလဲ”
“၁၅၂၅၈”
“ဘာ... (၁၅၂၅၈)။ ငါတောင်ဒီလောက်မရဘူး” ကျွန်မသူငယ်ချင်းက အရမ်းအံ့သြသွားပါတော့တယ်။
“အေ...ဟုတ်တယ်။ ဘာလို့ဒီလောက်များနေရလဲ ငါလဲမသိဘူး” ကျွန်မလည်း ကိုယ့်ဟာကိုယ် အံ့သြပြီး ဖြေမိပါတယ်။
“နင်က ငါတို့လောက်လဲ အလုပ်လုပ်တာမဟုတ်ဘူး။ ဖြတ်ငွေက ဒီလောက်များစရာအကြောင်း မရှိပါဘူး။ နာမည်မှားပြီး ပေးလိုက်သလားမသိ” ကျွန်မရတဲ့ငွေက အရမ်းများနေတဲ့အတွက် ကျွန်မထက် အလုပ်ကို သဲကြီးမဲကြီး လုပ်ထားတဲ့ သူငယ်ချင်းက သဝန်တိုတဲ့ လေသံတောင် ဟလာပါတော့တယ်။
“အေ...မသိတော့ဘူး။ ကွန်ပျူတာက မှားနိုင်စရာအကြောင်းလဲ မရှိပါဘူး။ ငါ ဒီလောက် အလုပ်လုပ်ထားတာလဲ မဟုတ်ဘူး”

ကျွန်မသူငယ်ချင်းကတော့ ကျောင်းစာထက် ငွေရဖို့သာ အားထုတ်နေသူပါ။ လွန်ခဲ့တဲ့နှစ်က ကျောင်းနားပြီး အပြင်မှာ အလုပ်လုပ်ခဲ့တဲ့အတွက် အခြားအခွန်ပေးဖို့ကျန်ရှိနေသေးတဲ့  ငွေတွေကိုပါ ယခုရငွေထဲက တပါတည်း ဖြတ်ခြင်းခံလိုက်ရပါသေးတယ်။
သူ့မှာ အလုပ်ကို စနေ၊တနင်္ဂနွေပါမကျန် နေ့မအား၊ ညမနားလဲ လုပ်သေးတယ်။ နောက်ဖြတ်ငွေလာထုတ်တော့ ကျွန်မရတဲ့ငွေက သူ့ထက်ပိုများနေတယ်ဆိုတော့ စိတ်ထဲကနေ ကျိတ်မနိုင်ခဲမရ ဖြစ်နေရှာပါတော့တယ်။ အဲဒီနေ့က တလမ်းလုံး တပြစ်တောက်တောက်ပြောမဆုံးတဲ့အပြင် နောင်စကားကြုံတိုင်းလဲ ပြောတတ်ပါသေးတယ်။ ကျွန်မလဲ ထင်ထားတာထက် မမျော်လင့်ပဲ ငွေတွေရလိုက်တော့ အံ့သြနေမိပါတယ်။ ဒီရလိုက်တဲ့ငွေတွေကြောင့် နောက်တစ်နှစ်စာသင်နှစ် ကျောင်းလခအတွက် (၃)ပုံ(၁)ပုံ ရင်ချောင်သွားရပါတော့တယ်။ ဒီငွေစာရင်းက မှန်ကောင်းမှန်နိုင်သလို၊ မှားကောင်းလဲမှားနိုင်ပါတယ်။ ဘယ်လိုပဲဖြစ်ဖြစ် ကျွန်မနာမည်စာရင်းထဲကို “ဆိုင်းမဆင့်၊ ဗုံမဆင့် ” ရောက်လာအောင် ဘုရားသခင်မှ တစ်ပါး ဘယ်သူထည့်ပေးနို်င်ပါအုံးမလဲ။ ဘုရားသခင်ကို ကျေးဇူးတင်လို့ မဆုံးဖြစ်ရပါတယ်။ ဟာလေလုယာ။



၃။ ကျွန်မတက်တဲ့ တက္ကသိုလ်ကျောင်းမှာ နိုင်ငံတကာကျောင်းသားကျောင်းသူတွေအတွက် နှစ်စဉ်နှစ်တ်ိုင်း တစ်နှစ်တစ်ခါ ပျော်ပွဲစားလုပ်ပေးလေ့ရှိပါတယ်။ လိုက်ပါချင်တဲ့ကျောင်းသားကျောင်းသူများဟာ နာမည်စာရင်းသွင်းခအနေနဲ့ ထိုင်ဝမ်ငွေ(၁၀၀)ပေးရပါတယ်။ ဒါပေမယ့် ဒီငွေ(၁၀၀)ကို ပျော်ပွဲစားပြန်လာတဲ့အခါ ပြန်အမ်းပေးပါတယ်။ ဒါ့အပြင် လည်ပတ်စရိတ်ငြိမ်း သွားခွင့်ရပါသေးတယ်။ ကျွန်မသူငယ်ချင်းလည်း ကျွန်မအတွက်ပါ တခါတည်း နာမည်စာရင်းပေးလိုက်ပြီးတဲ့အတွက် သွားလည်ခဲ့ပါတယ်။ အဲဒီနှစ်က တောင်တက်ခရီးစဉ်မို့ အစက လိုက်ရမှာ အင်တင်တင်ြဖစ်နေပါသေးတယ်။ စိတ်ကလည်း ဘယ်မှသွားလည်ချင်စိတ် မရှိတဲ့အချိန် ဖြစ်နေတယ်။ ဒါပေမယ့် ကျောင်းသူဘဝဆိုတော့ သိတဲ့အတိုင်း တစ်နေ့စာ စားစရိတ်၊ လည်စရိတ်ငြိမ်းဆိုတော့ လိုက်သွားလိုက်ပါတယ်။ ဒီလိုနဲ့ နိုင်ငံတကာက ကျောင်းလာတက်ကြတဲ့ အပြည်ပြည်ဆိုင်ရာလူမျိုးတွေနဲ့ တခဏတာ ရင်းနှီးလည်ပတ်ခွင့်ရလိုက်ပါတယ်။ ဖြူသူ၊ ညိုသူ၊ ဝါသူ၊ မဲသူ အစုံပါပဲ။ တောင်တက်ရင်း ပျော်ပျော်ပါးပါး မိတ်ဆက်ကြ၊ နှုတ်ဆက်ကြပေါ့။ ဒီလိုနဲ့တောင်အတက်မှာတော့ တတပ်တအား ခြေတွက်ခဲ့ပေမယ့်၊ တောင်အဆင်းမှာတော့ ကျွန်မနဲ့သူငယ်ချင်းတစ်ချို့ နောက်မှာပြတ်ကျန်ခဲ့ပါတယ်။ ကျွန်မတို့အဖွဲ့ထဲက သူငယ်ချင်းတစ်ယောက် နေထိုင်မကောင်းဖြစ်သွားရတာကြောင့် တစ်ခြားသူတွေနဲ့တော်တော်လေး ပြတ်ကျန်ခဲ့ပါတော့တယ်။ ဒီလိုနဲ့ ခဏကြာတော့ တောင်ခြေမှာ ကျွန်မတို့ကိုထိုင်စောင့်နေတဲ့ ကျောင်းရုံးဝန်ထမ်းတစ်ချို့နဲ့ အခြားကျောင်းသူကျောင်းသားတစ်ချို့ကို တွေ့လိုက်ရပါတယ်။

“လာကြ၊ လာကြ။ နင်တို့ကို စောင့်နေကြတာ။ ဒီမှာ မဲလည်း လာနှိုက်ကြပါအုံး”
တောင်တက်အပြီးမှာ နောက်ဆုံးအနေနဲ့ ကံစမ်းမဲမဲနှိုက်တဲ့ အစီအစဉ်လည်း ပါဝင်ပါတယ်။ မဲနှိုက်တိုင်း ပေါက်လေ့ပေါက်ထ မရှိတတ်သူမို့ ကျွန်မကတော့ စိတ်သိပ်ပါလှတာမဟုတ်ပါဘူး။ ဒီလိုပဲ စိတ်မပါတပါ နှိုက်ဆိုလည်း နှိုက်လိုက်တာပါ။
“အို အံ့သြစရာပါပဲ”
 မဲမပေါက်တတ်တဲ့ ကျွန်မက ထိုင်ဝမ်ငွေ(၃၀၀)ပေါက်သွားပါတယ်။ ဘယ်သူက လျှပ်စစ်မီးဖိုပေါက်တယ်။ ဘယ်သူက ပန်ကာပေါက်တယ်နဲ့ ကြားနေရပါတယ်။ ကျွန်မအတွက် အဲဒီပစ္စည်းတွေဟာ ဘာမျှအရေးမကြီးပါဘူး။ ကျွန်မပေါက်တဲ့ ပိုက်ဆံ(၃၀၀)ကသာ ကျွန်မအတွက်တော့ အဲဒီအချိန်မှာ ရွှေပါပဲ။ တကယ်ပဲ ရေခမ်းနေတဲ့အချိန်ပါ။ မဲစာရွက်ကို ကျစ်ကျစ်ပါအောင်ဆုပ်ထားတဲ့ ကျွန်မလက်တွေတောင် တဆစ်ဆစ်တုန်သွားပါတယ်။ ကျွန်မနှုတ်ကနေ ပြောနေမိတာကတော့ “ကျေးဇူးတင်ပါတယ် ဖဘုရားသခင်။ ကိုယ်တော် သမီးကို ပြစ်မထားဘူးဆိုတာ သမီးပိုပြီးနားလည်ယုံကြည်ရပါပြီ”။



၎။ နွေရာသီကျောင်းပိတ်ရက်(၂)လတာမှာ ဆောက်လုပ်ရေးအင်ဂျင်နီယာကုမ္ပဏီတစ်ခုသို့သွားပြီး လက်တွေ့ဆင်းခဲ့ဖူးပါတယ်။ ကျွန်မနေတဲ့အိမ်ကနေ ဘက်စကားစီး၊ ပြီးတော့ မြေအောက်မီးရထားစီးပြီး နောက်ထပ်(၁၅)မိနစ်လောက်လမ်းလျှောက်မှ အဲဒီဆိုက်ကို ရောက်တာပါ။ အချိန်ပိုအလုပ်ဆင်းရတဲ့ 
တစ်နေ့မှာပေါ့။ ကျွန်မက လက်တွေ့ဆင်းတဲ့သူမို့ တစ်ခြားအင်ဂျင်နီယာတွေပြန်မှ သိမ်းဆည်းစရာတွေကို တစ်ချက်ပြန်ကြည့်ပြီးမှသာ ပြန်ခဲ့တယ်။ ဒါနဲ့ လုပ်ဖော်ဆောင်ဖက်တွေ တစ်ယောက်ပြီးတစ်ယောက် နှုတ်ဆက်ပြီး ပြန်သွားကြပြီ။ ဒီလိုနဲ့ နောက်ဆုံးကျွန်မလည်း ပြန်ဖို့လုပ်ပါတယ်။ အဲဒီအချိန်မှသာ ကျွန်မပိုက်ဆံအိတ်ထဲ ပိုက်ဆံမရှိတော့တာ သတိထားမိပါတယ်။ ပိုက်ဆံထုတ်ဖို့ ကဒ်လည်းမပါခဲ့တာမို့ ဘာလုပ်ရမှန်းမသိဖြစ်သွားရတယ်။ အဲဒီဆိုက်ပတ်ဝန်းကျင်မှာ ကျွန်မသိတဲ့သူဆိုတာလည်း မရှိပါဘူး။ ရုံးမှာနေကြတဲ့ အင်ဂျင်နီယာတွေကလည်း ယောကျာ်းတွေပဲမို့ ညအချိန်မှာ သွားတောင်းဖို့လည်း မသင့်တော်ပြန်ဘူး။ ပိုက်ဆံမပါရင် ဘယ်လိုအိမ်ပြန်ရမယ်မှန်း မသိဖြစ်ရတော့တယ်။ “တက္ကစီငှားစီးသွားလိုက်မယ်။ နောက်အိမ်ရောက်မှ ခဏစောင့်ခိုင်းလိုက်ပြီး ပိုက်ဆံပေးလိုက်ရမလား ” ဆိုပြီးလည်း စဉ်းစားမိပြန်ပါတယ်။ အို...ဒါလည်းအဖြစ်ချေပါဘူး။ အိမ်နဲ့ ဆိုက်နဲ့ကလည်း ဝေးတဲ့အတွက် တက္ကစီငှားစီးရင် ကုန်မယ့် ပိုက်ဆံအတွက်လည်း နှမျောမိပြန်ပါတယ်။

 ဒါနဲ့ ဘယ်လိုပဲဖြစ်ဖြစ် ဘုရားကတော့ လမ်းဖွင့်ပေးလိမ့်မယ်ဆိုပြီး လမ်းလျှောက်လာတာ ခြေလှမ်း(၁၀)လှမ်းလောက်အရောက်မှာ “မင်မင် ...ခုမှ ပြန်တာလား” ဆိုပြီး ညမှောင်မှောင်ထဲမှာ ကျွန်မရဲ့နာမည်ခေါ်သံကို ရုတ်တရက်ကြားလိုက်ရပါတယ်။ ဒါနဲ့ ကျွန်မခေါင်းမော့ကြည့်လိုက်တော့ ကျွန်မတို့ဆောက်လုပ်နေတဲ့ အဆောက်အဦးပိုင်ရှင်တွေရဲ့ အင်ဂျင်နီယာအဖွဲ့ထဲက ခေါင်းဆောင်ကို တအံ့တသြတွေ့လိုက်ရပါတော့တယ်။
“ဟုတ်ပါတယ်။ ချန်စီးရှုံး ...ပိုက်ဆံပါလား”
တွေ့တာနဲ့ ပိုက်ဆံပါလားဆိုပြီး မေးလိုက်တော့ သူနဲနဲတော့ ကြောင်သွားပါသေးတယ်။
ကျွန်မရဲ့  အခက်အခဲကို ပြောပြပြီး အကူအညီတောင်းလိုက်တဲ့အခါမှ သူ့မှာပါတဲ့ ပိုက်ဆံအကြွေတွေအားလုံးကို ကျွန်မကိုပေးလိုက်ပါတော့တယ်။
“မနက်ဖြန် အလုပ်မှာ ပြန်လာပေးပါ့မယ်”
“ရတယ်..ရတယ်။ လောက်ရဲ့လားမသိဘူး။ ငါ့အ်ိမ်က ဒီနားမှာပဲလေ။ ညလမ်းလျှောက်ထွက်တာ ပိုက်ဆံလည်း ဒီလောက်ထည့်မလာဘူး”
“လောက်ပါတယ်။ ကျေးဇူးအများကြီးတင်ပါတယ်”

အဲဒီအင်ဂျင်နီယာကို မထင်မှတ်ပဲတွေ့လိုက်ရလို့ ကျွန်မတကယ်ပဲပျော်သွားရပါတယ်။ တကယ်ဆို အလုပ်ခွင်ထဲမှာ သူနဲ့ စကားတောင် သိပ်မပြောဖူးပါဘူး။ ပိုင်ရှင် အင်ဂျင်နီယာအဖွဲ့ထဲက ခေါင်းဆောင်ဖြစ်တာမို့ အလုပ်ခွင်ထဲမှာ ကျွန်မတို့အဖွဲ့ကို အရမ်းတင်းကြပ်ထားတဲ့အတွက် နဲနဲတော့ရှိန်နေခဲ့တဲ့သူပါ။ ဘယ်လိုပဲဖြစ်ဖြစ် အရေးကြုံတော့ ကျွန်မကို ကူညီပေးခဲ့ပါတယ်။ ကျွန်မကို အသေးစိတ် ကူညီလမ်းပြပေးတဲ့ ဘုရားသခင်ကိုလည်း ကျေးဇူးတင်လို့မဆုံးတော့ပါ။ ဘုရားရှင်ဟာ ကျွန်မကို နည်းလမ်းပေါင်းစုံနဲ့ ငွေတွေပံ့ပိုးပေးနေတဲ့ ငွေရှင်ပါပဲ။



၅။ တက္ကသိုလ်တက်တဲ့အခါမှာ ဖတ်စာအုပ်တွေဟာ ဈေးကြီးတဲ့အတွက် တော်ရုံနဲ့ ကျွန်မအသစ်မဝယ်ပါဘူး။ စာကြည့်တိုက်မှာ ငှားလို့ရရင်ငှားတယ်။ ကူးလို့ရရင်ကူးတယ်။ ဒါပေမယ့် တစ်ကြိမ်တော့ မဝယ်မဖြစ် ဝယ်လိုက်ရပါတယ်။ နောက်တစ်ပတ် ဗုဒ္ဓဟူးနေ့မှာ စာအုပ်ဝယ်တဲ့သူတွေကို ရောင်းပေးမှာဖြစ်ပါတယ်။ ဒါပေမယ့် ခက်တာက အဲဒီအချိန်ဟာ ကျောင်းဖွင့်စဖြစ်တာမို့ လက်ထဲငွေကလဲ ပြတ်နေပါတယ်။ စာအုပ်ဖိုးက (၂၆၀) ပါ။ ကျွန်မမှာလည်း လတ်တလောစားဖို့လောက်ပဲ ပိုက်ဆံရှိတော့တာမို့
စာအုပ်ဖိုးမပေးနိုင်သေးတဲ့အတွက် နောက်တစ်ပတ် ကျောင်းမသွားတော့ပဲ တစ်ပတ်ခြားမှ သွားရမလားဆိုပြီး စိတ်ကူးနေလိုက်ပါတယ်။ ဒီလိုနဲ့ အင်္ဂါနေ့ရောက်တော့ တစ်ခြားအတန်းတစ်တန်းကို သွားတက်ပါတယ်။ အဲဒီမှာပဲ လက်ထောက်ဆရာမက ကျွန်မကိုတွေ့တာနဲ့
“မင်မင် ရော့...ဒါနင့်ကိုပေးတာ”
ကျွန်မကြည့်လိုက်တော့ ပိုက်ဆံတွေဖြစ်နေတယ်။
“ဆရာမ ...ဘာလို့ ကျွန်မကို ဒီပိုက်ဆံတွေ လာပေးရတာလဲ”
ကျွန်မ ဒီလိုမေးလိုက်တော့
“ဟိုတစ်ခေါက် အတန်းသားအားလုံးလေ့လာရေးသွားတုန်းက ကောက်ယူထားတဲ့ငွေတွေပိုလို့ အားလုံးအချိုးကျ ပြန်ဝေပေးတာ။ အဲဒါ နင်က ဟိုအပတ်က ကျောင်းလာမတက်လို့ ခုမှပေးရတာ”
ဆရာမပေးတဲ့ ပိုက်ဆံကို ကျွန်မလက်ခံယူလိုက်ပါတယ်။
အို...။ ကျွန်မသက်ပြင်းချမိပါတော့တယ်။ ဘုရားသခင်ဟာ တကယ်တန်ခိုးရှိတဲ့ ဘုရားပါပဲ။ မနက်ဖြန် ပေးဖို့လိုနေတဲ့ပိုက်ဆံကို ဒီနေ့လက်ထဲအရောက် ပို့လာပါတယ်။ ဆရာမပေးလာတဲ့ပိုက်ဆံက (၂၉၀)ပါ။ ကျွန်မလိုတာက(၂၆၀)။ ပိုတောင်ပိုနေပါသေးတယ်။ အာလူးကြော်တစ်ထုတ်တောင် ဆွဲလို့ရပါသေးတယ်။ ဘုရားသခင်ဟာ အချိန်မှီ ပံ့ပိုးပေးနိုင်တဲ့ ဘုရားဖြစ်မှန်း ကျွန်မသက်သေရသွားပါပြီ။ ဟာလေလုယာ။


ဘုရားသခင်က ငွေနဲ့ ပတ်သက်ပြီး သူ့ကို အားကိုးလို့ရကြောင်း အဖြစ်အပျက်တော်တော်များများနဲ့ ကျွန်မကို လက်တွေ့ပြခဲ့ပါတယ်။ ဒါကြောင့် ခုဆိုရင် ငွေနဲ့ပတ်သက်လာရင် ကျွန်မပိုပြီး သတ္တိရှိလာပါတယ်။ ဒါ့အပြင် ဘုရားသခင်ဟာ အသေးစိတ်မှအစ ကူညီပေးနိုင်ပါသေးတယ်။ ကျွန်မတို့ ရဲရင့်စွာယုံကြည်ဖို့ပဲ လိုပါတယ်။ ဥပမာ ထမင်းဟင်းချက်ပြီးသားတွေကို အလေးချိန်စနစ်နဲ့ရောင်းတဲ့ဆိုင်မှာ ကျွန်မအိတ်ထဲ ငွေ (၄၅) ပဲပါလို့ တထင့်ထင့်နဲ့သွားဝယ်စားလည်း ငွေရှင်းတဲ့အခါ(၄၅) ကွက်တိဖြစ်နေတတ်ပါတယ်။ ဒီလိုဖြစ်ပေါင်းလည်း မနဲတော့ပါဘူး။ ဒါကြောင့် ခုဆိုရင် ကျွန်မဘာပဲလုပ်လုပ် ပိုက်ဆံအိတ်ထဲက ငွေကို ကြည့်ပြီး အလုပ်မလုပ်တော့ပါဘူး။ ကျွန်မတို့တွေဟာ ငွေကြောင့် စိုးရိမ်မှုတွေဖြစ်တတ်ကြတာ တကယ်တော့ ရယ်စရာကောင်းလှပါတယ်။ ငွေရှင်တစ်ယောက်လုံးကို ကျွန်မတို့သိကျွမ်းထားမှတော့ သူ့ဆီကသာ မျှော်ကိုးသင့်ပါတော့တယ်။
ကျွန်မတို့မျှော်ကြည့်ရမယ့်အရာဟာ ငွေရှင်ဖြစ်တဲ့ ထာဝရဘုရားသခင်ကိုပဲ ဖြစ်တယ်ဆိုတာ ကျွန်မကောင်းကောင်းသိသွားခဲ့ရပါပြီ။

ကျမ်း။။ ရှင်မဿဲခရစ်ဝင် ၆း ၂၅-၂၇ 

 

၂၅ ထိုကြောင့် ငါဆိုသည်ကား၊ အဘယ်သို့စားသောက်ရမည်ဟု အသက်အဘို့မစိုးရိမ်ကြနှင့်။ အဘယ်သို့ဝတ်ရမည် ဟုကိုယ်အဘို့မစိုးရိမ်ကြနှင့်။ အစာထက်အသက်မြတ်သည်မဟုတ်လော။ အဝတ်ထက်ကိုယ်မြတ်သည်မဟုတ်လော။

၂၆ မိုဃ်းကောင်းကင်၌ကျင်လည်သောငှက်များကို ကြည့်ရှုဆင်ခြင် ကြလော့။ ထိုငှက်တို့သည်မျိုးစေ့ကိုမစိုက်မကြဲ၊ စပါးကိုမရိတ်၊ ကျီ၌မစုမသွင်း။ သို့သော်လည်းကောင်းကင်ဘုံ၌ရှိတော်မူသော သင်တို့အဘသည်သူတို့ကို ကျွေးမွေးတော်မူ၏။ ထိုငှက်တို့ထက် သင်တို့သည် အလွန်မြတ်သည်မဟုတ်လော။

၂၇ အဘယ်သူသည်စိုးရိမ်ခြင်းအားဖြင့် မိမိအသက်တာကို တတောင်ခန့်မျှ တိုးပွားစေနိုင်သနည်း။

 

 

 

 

မြေအောက်မီးရထားစနစ် ဖော်ဆောင်ရန် စဦးသန္ဓေတည်ခြင်း

မြို့ပြနိုင်ငံအများစုမှာ မြို့နေပြည်သူလူထူတွေအတွက် အားအထားရဆုံးသယ်ယူပို့ဆောင်ရေးယာဉ်ကတော့ မြေအောက်မီးရထားပဲ ဖြစ်ပါတယ်။ အကြောင်းရင်းကတော့ ရထားချိန်တိကျတာရယ်၊ သွားလိုရာခရီးမှတ်တိုင်ကို အချိန်တိုအတွင်းမှာ လျင်လျင်မြန်မြန်ရောက်ရှိနိုင်တာရယ်ကြောင့်ပါ။


ကျွန်မသင်ယူနေတဲ့ မြို့ပြအင်ဂျင်နီယာပညာရပ်ထဲမှာရှိတဲ့ သယ်ယူပို့ဆောင်ရေးမေဂျာဘာသာရပ်ထဲမှာ ဒီမြေအောက်ရထားအရေးပါပုံအကြောင်းကို တစေ့တစောင်းသင်ယူဖူးပါတယ်။ ကျွန်မကိုယ်တိုင်လည်း မြေအောက်ရထားအကြောင်းကို စိတ်ဝင်စားမိတာကြောင့်၊ မြေအောက်ရထားစနစ်ကို မိုင်နာဘာသာရပ်အဖြစ် ပြန်လည်သင်ယူခဲ့ပါတယ်။ ဆရာတွေရဲ့သင်ခန်းစာတွေရယ်၊ လက်တွေ့ကွင်းဆင်းပြီးလေ့လာခဲ့မိသမျှတွေရယ်ကို စားမြုံ့ပြန်တဲ့သဘောအနေနဲ့ ဒီဆောင်းပါးကို ကောက်နှုတ်ရေးသားခြင်းဖြစ်ပါတယ်။  မြေအောက်ရထားအကြောင်းကို အမြည်းသဘော ရေးသားခြင်းဖြစ်ကြောင်းလည်း ဦးစွာစကားချီပါရစေ။



မြေအောက်ရထားစနစ် ဖော်ဆောင်ရန် သင့်လျော်သည့်အသေးစိတ်အကြောင်းရင်းများ လေ့လာချက်

• မြို့၏ တိုးတက်နေသည့် လက်ရှိအခြေအနေနှင့် အနာဂတ်ကာလအတွက် ကြိုတင်ခန့်မှန်းချက်

                      (ဥပမာ။ ။ရန်ကုန်မြို့ဟာ တိုးတက်စည်ကားလာတာနဲ့အမျှ မြို့ပြရဲ့အင်္ဂါရပ်တစ်ခုဖြစ်တဲ့မြေအောက်ရထားစနစ် လုပ်ဆောင်ဖို့ လိုအပ်လာပါတယ်။ အနာဂတ်ကာလအတွက် တွက်ဆရမယ်ဆိုရင်လည်း မြို့တွင်းလူနေထူထပ်လာတာနဲ့အမျှ သွားလာရေးလွယ်ကူဖို့ရန်လည်း လိုအပ်လာပါလိမ့်မယ်။ မြို့ရဲ့ ရှေ့တောင်နောက်မြောက်အရပ်ရပ်ဆီသို့ ဆက်သွယ်သွားလာရေးလွယ်ကူစေရန်လည်း စဉ်းစားရပါလိမ့်မယ်။)

• ပို့ဆောင်ရေးစနစ်ကောင်းမွန်လာရန်နှင့် အနာဂတ်ကာလ၏ တိုးတက်လာမည့် အခြေအနေအတွက်

                         ( ရန်ကုန်မြို့နေ ပြည်သူတွေရဲ့ ကားကြပ်တဲ့ဒုက္ခကို ပြုပြင်ပြောင်းလဲပေးဖို့ရန်အတွက် ပို့ဆောင်ရေးစနစ်ပိုမိုကောင်းမွန်လာဖို့ လုပ်ဆောင်ရာမှာ လိုအပ်ပါတယ်။ မြေအောက်ရထားစနစ် အသုံးပြုမှုကနေ ရရှိလာမယ့်ဝင်ငွေများဟာလည်း နိုင်ငံတော်ရဲ့ဘဏ္ဍာကို တဖက်တလမ်းကနေ တိုးတက်စေပါတယ်။)

• ခရီးစဉ်ရဲ့ လိုအပ်ချက်အပေါ် လေ့လာသုံးသပ်ခြင်း

                         ( ခရီးစဉ်တစ်ခုအတွက် အဓိကမျှော်မှန်းချက်ဟာ လိုရာခရီးကို အချိန်တိုတိုအတွင်းမှာ လုံခြည်မှုရှိစွာ ရောက်ရှိဖို့ပဲ ဖြစ်ပါတယ်။ သုံးစွဲသူများရဲ့ လိုအပ်ချက်အပေါ်မူတည်ပြီး လမ်းကြောင်းသစ် လျာထားချက်များလည်း ဖြစ်ပေါ်လာနိုင်ပါတယ်။ လက်ရှိထိုင်ဝမ်နိုင်ငံရဲ့ မြေအောက်ရထားစနစ်လမ်းကြောင်းဟာ မြို့တွင်းအပြင် ထောင်ရွမ်အပြည်ပြည်ဆိုင်ရာလေဆိပ်မှ မြို့တွင်းဆက်သွယ်သွားလာနိုင်တဲ့ လမ်းကြောင်းသစ်ကိုလည်း ဖော်ဆောင်နေပါပြီ။)

• မြေအောက်ရထားစနစ်နဲ့ လမ်းကြောင်းများ၏ လျာထားချက်လေ့လာမှုများ

                           ( မြေအောက်ရထားလမ်းကြောင်းများဟာလည်း စဉ်းစားရမယ့် အချက်ပါပဲ။ လူနေနည်းတဲ့အရပ်မှာ လမ်းကြောင်းတွေဖော်ဆောင်လို့ကတော့ မှန်းချက်နဲ့ နှမ်းထွက်မကိုက်တဲ့ အဖြစ်ရောက်ရုံပေါ့။ လမ်းကြောင်းတွေဟာ လူနေသိပ်သည်းတဲ့အရပ်မှာ ဖော်ဆောင်ဖို့လိုအပ်ပါတယ်။ ထိုင်ဝမ်နိုင်ငံရဲ့တောင်ပိုင်းမှာရှိတဲ့ ကောင်းရှုံမြို့ပေါ်က မြေအောက်ရထားစနစ်ဟာ ဥပမာယူစရာပါပဲ။ မြို့နေလူအများစုဟာ မြေအောက်ရထားစီးသူ သိပ်မများလှပါဘူး။ ဒေသကျယ်ဝန်းတာရယ် လူနေထိုင်မှု ပြန့်ကျဲတာရယ်ကြောင့်ဖြစ်ပါလ်ိမ့်မယ်။ ကျွန်မ ကောင်းရှုံမြို့ရဲ့ မြေအောက်ရထားပေါ်ရောက်တော့ စီးသူမဲ့နေတဲ့ ထိုင်ခုံလွတ်တွေကသာ ပိုများကြောင်း တွေ့ရပါတယ်။ ထိုင်ပေမြို့တော်မှာရှိတဲ့မြေအောက်ရထားထက် ပိုပြီးသစ်လွင်ပေမယ့်လည်း စီးသူဦးရေ မများလှပါဘူး။ ထိုင်ပေမြို့တော်မှာဆိုရင် ထိုင်ခုံနေရာရဖို့ မလွယ်ပါဘူး။ ဂိတ်အပေါက်တိုင်းမှာ ရထားစီးဖို့စောင့်နေတဲ့ လူတန်းရှည်ကိုသာ တွေ့နေကြပေါ့။ )

• ခရီးစဉ်အရေတွက် ကြိုတင်လျာထားချက်များ

                             ( လူသွားလူလာပိုပြီးများတဲ့ ဆေးရုံတို့၊ ဈေးတန်းတို့နဲ့ နီးစပ်ရာအရပ်မှာရှိတဲ့ မြေအောက်လမ်းကြောင်းကို စီးသူဦးရေပိုပြီးများနိုင်ပါတယ်။ နေရာဒေသအပေါ်လိုက်ပြီး ခရီးစဉ်အရေတွက် ကွာခြားသွားနိုင်ပါတယ်။ )

• အင်ဂျင်နီယာနှင့် ထိန်းချုပ်သည့်စနစ်များကို လေ့လာစမ်းစစ်ခြင်း

                      ( အင်ဂျင်နီယာနဲ့ ထိန်းချုပ်တဲ့စနစ်များဟာလည်း တိကျကောင်းမွန်ဖို့ လိုအပ်ပါတယ်။ထိုင်ပေမြို့ မြေအောက်ရထားစနစ်တစ်ခုလုံးရဲ့ထိန်းချုပ်တဲ့ ဌာနကို လေ့လာရေးအနေနဲ့  ကျွန်မ သွားရောက်ဖူးပါတယ်။ ဆရာများရဲ့ ဦးဆောင်မှုကြောင့် အခွင့်ထူးအနေနဲ့ အတန်းသားများအားလုံး သွားခွင့်ရခြင်းဖြစ်ပါတယ်။ အဲဒီဌာနဟာ ထိုင်ပေမြို့ရဲ့ မြေအောက်ရထားအလယ်ဗလိုဂိတ်တွင်းမှာ တည်ရှိပါတယ်။ ဌာနရဲ့အခန်းကို ရောက်ရောက်ခြင်း ထိုင်ဝမ်နိုင်ငံရဲ့မြေအောက်ရထားစနစ်ပေါ်ပေါက်လာပုံတွေကို မှတ်တမ်းထားရှိတဲ့ ပြခန်းလေးက ကြိုဆိုနေပါတယ်။ အဲဒီကနေမှ အထဲကို ဆက်ဝင်သွားတဲ့အခါမှ မြေအောက်ရထားထိန်းချုပ်သူတွေရဲ့ အလုပ်ခွင်ကို အပေါ်စီးကနေ လေ့လာကြည့်ရှုလို့ရပါတယ်။ ဝင်ခွင့်တော့မရပါဘူး။ သူတို့ရဲ့လုပ်ငန်းလုပ်ဆောင်ပုံတွေကို စိတ်ဝင်တစားမြင်တွေ့ခွင့် ရလိုက်ပါတယ်။ မြေအောက်ရထားဂိတ်တိုင်းရဲ့စင်္ကြလမ်းပေါ်မှာရှိတဲ့ လုပ်ရှားမှုမှတ်တမ်းတင်စက်တွေကို ထိန်းချုပ်ထားတဲ့ တီဗီမှန်သားတွေကို အဲဒီမှာ တွေ့လိုက်ရပါတယ်။ ရထားစဉ်အားလုံးကို ထိန်းချုပ်ညွန်ကြားမှုလုပ်နေတဲ့ သူတို့တွေရဲ့အလုပ်လုပ်ပုံတွေကို အပေါ်ထပ်ကနေ ကြည့်ရှုအပြီးမှာတော့ ဟောခန်းထဲသွားရောက်ကာ တာဝန်ရှိသူများရဲ့ လုပ်ငန်းလုပ်ဆောင်ချက် ဟောပြောမိတ်ဆက်ပေးမှုများကို နားထောင်ခဲ့ရပါသေးတယ်။ သူတို့တွေရဲ့ လုပ်ငန်းလုပ်ဆောင်ချက်တွေဟာ စနစ်ကျပြီး အားကျစရာလည်းကောင်းပါတယ်။ )

• ရထားဂိတ်များကို စဦးအစီစဉ်ဆွဲခြင်း

                       (ရထားဂိတ်နေရာများကိုလည်း စနစ်တကျနေရာချဖို့ လိုအပ်ပါတယ်။ ကျွန်မအနေနဲ့မြင်တာကတော့ ရထားဂိတ်နဲ့ ပတ်ဝန်းကျင်နေရာစည်ကားမှုဟာ “ကိုင်းကျွန်းမှီ၊ ကျွန်းကိုင်းမှီ” သဘောပါပဲ။ ပတ်ဝန်းကျင်နေရာစည်ကားမှုနေရာကိုတွက်ချက်ပြီး ရထားဂိတ်နေရာချဖို့ ဖော်ဆောင်ရသလို၊ ရထားဂိတ်တည်ရှိမှုကြောင့် ပတ်ဝန်းကျင်နေရာဟာလည်း ပိုပြီးစည်ကားလာရတာပါ။ ဆင်ဖြူတော်မှီပြီး ကြံစုတ်ခွင့်ရသလိုပေါ့။ “ငါ့တို့အိမ်အနားမှာ ရထားဂိတ်အသစ်ပေါ်လာပြီ” ဆိုပြီး သူငယ်ချင်းတစ်ယောက်က
ဝမ်းသာအားရ ပြောပြဖူးပါတယ်။ ရထားဂိတ်ကြောင့် အနီးအနားက အိမ်မြေတွေလည်း တန်ဖိုးပိုရှိလာမှာ မလွဲပေါ့။)
                

•  ဆောက်လုပ်ရေးကုန်ကျစရိတ်များကို ကြိုတင်တွက်ဆချက်များ

                           ( ဆောက်လုပ်ရေးလုပ်ဆောင်ဖို့ကြံစည်ဆောင်ရွက်တိုင်း ကုန်ကျမှုငွေပမာဏများကို ကြိုတင်တွက်ဆထားဖို့ အလွန်အရေးကြီးပါတယ်။ ကြိုတင်တွက်ဆထားမှသာ မိမိဆောက်လုပ်မယ့်အဆောက်အဦးများအတွက် လိုအပ်တဲ့ငွေပမာဏများကို ပြင်ဆင်ထားနိုင်မှာ ဖြစ်ပါတယ်။ ဒါမှသာ မျော်မှန်းထားတဲ့အချိန်မှာ မျော်မှန်းထားတဲ့ လှပမှုဒီဇိုင်းများအတိုင်း အကောင်အထည်ပေါ်လာမှာဖြစ်ပါတယ်။)

•  ပတ်ဝန်းကျင် အကျိုးတက်ရောက်မှု အခြေအနေများ     

                           ( မြေအောက်ရထားစနစ်ကြောင့် ရထားဂိတ်ပတ်ဝန်းကျင် နေရာများဟာ ပိုပြီးစည်ကားလာနိုင်ပါတယ်။ မြို့ရဲ့ လူနေမှုအဆင့်အတန်းကိုလည်း တိုးတက်စေပါတယ်။ ထို့ပြင် မြို့ရဲ့စည်ကားရာနယ်မြေအကျယ်အဝန်းကိုလည်း တိုးချဲ့ရာရောက်ပါတယ်။)

•  မြေအောက်ရထားဖော်ဆောင်ရာ၌ သင့်တော်သည့် မြေအနေအထားနှင့် လိုအပ်ချက်များ

                          ( မြေအောက်ရထားစနစ်အတွက် သင့်တော်တဲ့ မြေအနေအထားများရှိဖို့လည်းလိုအပ်ပါတယ်။ ဆရာရဲ့ သင်ခန်းစာထဲမှ ဖော်ပြချက်အရ သိရတာကတော့ မြေအောက်ရထားဂိတ်အနီးတဝိုက်ရဲ့ မြေကိုတိုးချဲ့ဖို့လိုအပ်သလို အောက်ခြေမြေဟာလည်း ကျယ်ဝန်းရပါမယ်။)

• တည်နေရာဒေသ၏ လူမျိူးဓလေ့များနှင့် သမိုင်းနောက်ကြောင်းများ လေ့လာခြင်း

                          (မြေအောက်ရထားစနစ်ဖော်ဆောင်ဖို့ စဉ်းစားရမယ့် အထဲမှာ မြေအောက်ရထားနဲ့ လူမျိူးဓလေ့၊ သမိုင်းနောက်ကြောင်းများကြား ဆက်စပ်ပုံတွေက်ု လက်ရှိ ကျွန်မ သိပ်ပြီး သဘောမပေါက်သေးပါဘူး။ ကျွန်မအထင်တော့ မြေအောက်ရထားဂိတ်ရဲ့ဒီဇိုင်းအသွင်ကို နယ်မြေဒေသအပေါ်လိုက်ပြီး လူမျိူးဓလေ့ပုံဆောက်ချက်များနဲ့ ကိုက်ညီအောင်ဖော်ဆောင်ခြင်းကို ဖော်ညွန်းခြင်း ဖြစ်ပါလိမ့်မယ်။ )



မြေအောက်ရထားစနစ်အကြောင်းကို တွေးလေ၊ နှစ်သက်လေ ဖြစ်နေမိပါတယ်။ မြို့နေပြည်သူလူထုတွေဟာ မြေအောက်ရထားစနစ်အသုံးပြုခွင့်ရလာမယ်ဆိုရင် မြို့တွင်းကားများခြင်းကြောင့် ဖြစ်ပေါ်လာမယ့် လေထုညစ်ညမ်းမှုဘေးကနေလည်း ကာကွယ်ပေးနိုင်ပါသေးတယ်။ မြေအောက်ရထားစနစ်ဟာ မတော်တဆလမ်းအန္တဖြစ်မှုများထဲမှာ ဖြစ်နိုင်ခြေအနည်းဆုံးလည်းဖြစ်ပါတယ်။ မြို့နေပြည်သူတွေရဲ့ကားကြပ်တဲ့ဘေးကနေလည်း ကူညီပေးနိုင်ပါတယ်။ ဒါကြောင့်
မြန်ကောင်းသက်သာခြင်းကို အလေးထားတဲ့ ဒီလိုခေတ်ကြီးမှာ မြန်မာနိုင်ငံတွင်းလည်း တစ်နေ့တစ်ချိန်တော့ မြေအောက်ရထားစနစ်ပေါ်ပေါက်လာဖို့ ဆုတောင်းမိပါတော့တယ်။

 

ပညာရှိနှင့် ပညာတတ်

ကျွန်တော်တို့တွေ ပညာရှိအကြောင်းကို ပြောဆိုဆွေးနွေးကြတဲ့အခါမှာ လူတော်တော်များများမေးတတ်ကြတာက “ပညာရှိဆိုတာ ပညာတတ်နဲ့အတူတူပဲမဟုတ်ဘူးလား”။ “ပညာရှိလူကောင်းတစ်ယောက်နဲ့ ပညာတတ်လူကောင်းတစ်ယောက်တူတယ် မဟုတ်လား”။ တကယ်လို့နက်နဲတဲ့ပုံသေနည်းတွေနဲ့ကြည့်ရင် ကျွန်တော့်အမြင်ကတော့ ပညာရှိနဲ့ပညာတတ်ဆိုတာ နှစ်ကိုယ့်တစ်စိတ်ပါပဲ။ နှစ်ခုပေါင်းတစ်ခုပေါ့။ အဲဒီနှစ်ခုကို သတ်သတ်စီခွဲခြားလိုက်ဖို့ မလိုသလို၊ ခွဲခြားလို့လဲမရပါဘူး။ ပညာရှိပြီး ပညာတတ်တဲ့ နောက်မျိုးဆက်သစ်တွေကို ပြုစုပျိုးထောင်ဖို့ ကျွန်တော်တို့တွေ လုပ်ဆောင်ဖို့ လိုအပ်ပါတယ်။ ကျွန်တော်တို့တွေ အသီးအနှံစားဖို့လိုသလို ထမင်းစားဖို့လည်း လိုသလိုမျိုးပေါ့ဗျာ။


ဒါပေမယ့် ကျွန်တော့်ကို ပညာတတ်ဆိုပြီး ပထမဦးစွာအနေနဲ့ ဖော်ထုတ်စေမယ့်အရာက ဘွဲ့လက်မှတ်တစ်စောင်မဟုတ်သလို ရွှေချထားတဲ့ပါရဂူဘွဲ့လည်းမဟုတ်ပါဘူး။ ဘွဲ့ဒီဂရီဆိုတာ လူတစ်ယောက်ဟာ ပညာတတ်တစ်ယောက်အဖြစ် ပညာသင်ဖို့ အခွင့်ကောင်းတွေရခဲ့ပြီး ပညာသင်ယူမူအဆင့်ပြီးမြောက်ကြောင်းဖော်ပြတဲ့ မှတ်တမ်းတစ်ခုပဲဖြစ်ပါတယ်။ ဘွဲ့ရတဲ့လူအများစုဟာ
 ပညာတတ်ဖြစ်တယ်ဆိုပေမယ့် တစ်ချို့တွေဟာ ဘွဲ့လက်မှတ်သာရတာ ပညာတတ်လူကောင်းတော့မဟုတ်ကြဘူး။ အရေးကြီးတာကတော့ တက္ကသိုလ်ကိုတောင်မရောက်ဘူးတဲ့ လူအများစုတွေကလည်း ဘွဲ့သာမရတာ ပညာတတ်တွေဖြစ်နေကြပြန်တယ်။ အင်္ဂလိပ်လိုပြောရရင်တော့် educated person ပေါ့။ သူရယူခဲ့တဲ့ပညာတွေဟာ ကျောင်းကဖြစ်နိုင်သလို လူမူပတ်ဝန်းကျင်၊ မိသားစုနဲ့ မိမိကိုယ်တိုင်လေ့လာသင်ယူမှုတွေကလည်း ဖြစ်နိုင်ပါတယ်။


နောက်ထပ် ကျွန်တော့်ကို ပညာရှိဆိုပြီး ဖော်ထုတ်စေမယ့်အရာဟာ ကောင်းမွန်တဲ့မိသားစုအသိုင်းအဝိုင်းတစ်ခုလည်း မဟုတ်ပါဘူး။ အင်္ဂလိပ်လိုပြောရရင်တော့ ပညာရှိဆိုတာ good upbringing ကိုပဲ ဆိုလိုတာမဟုတ်ပါဘူး။ များသောအားဖြင့် good upbringing ဆိုတာဟာ ချမ်းသာကြွယ်ဝတဲ့ လူကုံထံအသိုင်းအဝိုင်းထဲမှာ ပေါက်ဖွားကြီးပြင်းလာတာကို ဖော်ညွန်းလေ့ရှိပါတယ်။ ကောင်းမွန်တဲ့မိသားစုအသိုင်းအဝိုင်းတစ်ခုဟာ လူတစ်ယောက်ကို ပညာရှိဖြစ်လာစေဖို့ အများကြီးပံ့ပိုးပေးနိုင်ပါတယ်။ ပညာရှိတဲ့လူအများစုဟာ အသိုင်းအဝိုင်းကောင်းကြားမှာ မွေးလာခဲ့တဲ့သူတွေပါပဲ။ ဒါပေမယ့် ဒီလိုလူတွေထက် ဆင်းရဲခက်ခဲကြမ်းတမ်းတဲ့ ပတ်ဝန်းကျင်ထဲမှာ မွေးဖွားကြီးပြင်းလာတဲ့လူအများစုကြပြန်တော့ ကိုယ့်အားကိုယ်ကိုးပြီး ပညာရှိလူကောင်းတွေဖြစ်လာကြပြန်တယ်။


 “ ဒီလောက်ထိရှည်ရှည်ဝေးဝေးပြောနေပြီး ခုထိကျွန်တော်တို့ကို ပညာရှိဆိုတာဘာကိုပြောတာလဲ၊ ပညာတတ်ဆိုတာရော ဘာကိုပြောတာလဲဆိုပြီး ပြောမပြနိုင်သေးဘူး။ ပညာရှိနဲ့ ပညာတတ် ဘာတွေများမတူညီတာတွေ ရှိနေလို့လဲ” လို့ စာဖတ်သူတွေက ကျွန်တော့်ကိုပြောကြတော့မှာပဲ။ ကျွန်တော် ပြောပါရစေဗျာ။ ဒီလို ပညာတတ်လေပြေနဲ့ ပညာရှိလေညင်းလေးတွေ တိုက်ခတ်လာတဲ့အခါမှာ သူတို့တွေဘယ်လိုခြေရာလေးတွေများ ချန်ခဲ့မလဲပေါ့။ ပညာရှိနဲ့ပညာတတ်နှစ်ခုကို နက်နက်နဲနဲပိုင်းခြားဖို့၊ သူတို့နှစ်ခုကြားက မတူညီတဲ့ခြေရာလေးတွေကို ဖော်ထုတ်ဖို့ ကျွန်တော်သေသေချာချာလေး စဉ်းစားပါရစေအုံးဗျာ။


ပညာရှိတစ်ယောက်ဟာ ရိုးသားတဲ့သူတစ်ယောက်ပါ။ သူဟာ ကိုယ်ကျိုးအတွက် သူတစ်ပါးကို
အရှက်ခွဲလိမ်ညာမှုမျိုး မလုပ်တတ်ပါဘူး။ သူဟာ ကိုယ့်အမှားကိုလည်း လိမ်ညာဖုံးကွယ်မထားတတ်ပါဘူး။
ပညာတတ်တစ်ယောက်ဟာ အမှန်တရားကို ကိုးကွယ်သူပေါ့။ သူရဲ့ပညာအရည်အချင်းနဲ့အတွေ့အကြုံတွေဟာ သူ့ကို အမှန်တရားကိုဖက်တွယ်ထားဖို့၊ အမှန်တရားကို ထိန်းသိမ်းကာကွယ်ထားဖို့၊ အမှန်တရားဟာ အရှက်တကွဲအကျိုးနဲမှုတွေ မဖြစ်စေဘူးဆိုတာတွေကို ပြောပြတတ်ပါတယ်။


ပညာရှိတစ်ယောက်ဟာ စာနာထောက်ထားတတ်သူတစ်ယောက်ပါ။ သူဟာ မိမိအဆင်ပြေဖို့အတွက် သူတစ်ပါးရဲ့ကိုယ်ကျိုးကို ထိခိုက်စေမှာမဟုတ်ပါဘူး။
ပညာတတ်တစ်ယောက်ဟာ ဥပဒေကို လိုက်နာသူတစ်ယောက်ပါ။ ဥပဒေဆိုတာ လူသားအားလုံး အတူတကွနေထိုင်အသက်ရှင်တဲ့အခါ လိုက်နာရမယ့်စည်ကမ်းဖြစ်ကြောင်း၊ လူတိုင်း ဒီစည်းကမ်းတွေကိုလိုက်နာပြီး အတူတကွနေထိုင်အသက်ရှင်သွားကြရမယ် ဆိုတဲ့အကြောင်း
သူနားလည်ထားတယ်။


 ပညာရှိတစ်ယောက်ဟာ နှိ်မ့်ချတဲ့သူတစ်ယောက်ဖြစ်ပါတယ်။ ကောင်းကင်အလွန်မြင့်မားပြီး မြေကြီးအလွန်နက်နဲကြောင်း သူသိတယ်။
ပညာတတ်တစ်ယောက်ဟာ ကိုယ့်ကိုယ်ကို ယုံကြည်တဲ့သူဖြစ်တယ်။ ကောင်းကင်ဘယ်လောက်မြင့်ပြီး မြေကြီးဘယ်လောက်နက်တဲ့အကြောင်း သူသိတယ်။


 ပညာရှိတစ်ယောက်ဟာ ပီယဓတ်ရှိသူတစ်ယောက်ဖြစ်တယ်။ သူဟာ ဝေဖန်ဆန့်ကျင်မှုတွေနဲ့ ထိုးနက်မှုအပေါင်းကို စိတ်လွတ်လပ်ပေါ့ပါးအောင်ထားပြီး ရင်ဆိုင်နိုင်ပါတယ်။
ပညာတတ်တစ်ယောက်ဟာ တရားမျှတမှုကို အလေးအနက်ထားသူတစ်ယောက်ဖြစ်တယ်။ သူဟာ အကြောင်းတရားတွေကို ရင်ဝယ်ပိုက်ပြီး ဝေဖန်ဆန့်ကျင်မှုတွေနဲ့ ထိုးနက်မှုအပေါင်းကို ဖြေရှင်းနိုင်ပါတယ်။


ပညာရှိတစ်ယောက်ဟာ ဘယ်လိုပြောရမယ်ဆိုတာ နားလည်ပါတယ်။
ပညာတတ်တစ်ယောက်ဟာ ဘာပြောနေသလဲဆိုတာကို နားလည်ပါတယ်။


ပညာရှိတစ်ယောက်ဟာ သူ့ရဲ့ထင်မြင်ချက်တွေကို နူးညံ့ပျော့ပျောင်းစွာ ပြောဆိုတတ်ပါတယ်။
ပညာတတ်တစ်ယောက်ဟာ သူ့ရဲ့အကြံဥာဏ်နဲ့အနေအထားတွေကို ရိုးရိုးရှင်းရှင်းသတ္တိရှိရှိ ပြောလေ့ရှိပါတယ်။


ပညာရှိတစ်ယောက်ဟာ ဂရုတစိုက်ရှိတတ်ပါတယ်။ စိတ်ရှည်စွာနဲ့ သူတစ်ပါးပြောစကားကို နားထောင်ပေးတတ်ပါတယ်။
ပညာတတ်တစ်ယောက်ဟာ သူတစ်ပါးပြောတဲ့ စကားရဲ့အနှစ်သာရကို နားလည်သဘောပေါက်နိုင်စွမ်းပါတယ်။


ပညာရှိတစ်ယောက်ဟာ သူတစ်ပါးပြောတဲ့ ဟာသစကားအပေါ် ပျော်ရွှင်ရည်မောတတ်သူဖြစ်တယ်။
ပညာတတ်တစ်ယောက်ဟာ ရည်ရွှင်ဖွယ်စကားတွေကို ပြောဆိုတတ်သူဖြစ်တယ်။


ပညာရှိတစ်ယောက်ဟာ သူ့ဘေးပတ်ဝန်းကျင်နဲ့ ဘယ်လိုသဟဇာတဖြစ်အောင်နေရမလဲဆိုတာ သိသူဖြစ်တယ်။ အဝတ်အစားကအစ ပြောပုံဆိုပုံအဆုံး ဘယ်လိုပြောဆိုနေထိုင်ခြင်းဖြင့် မိမိကိုယ်ကို ဖော်ထုတ်နိုင်မလဲဆိုတာ နားလည်သူဖြစ်တယ်။
ပညာတတ်တစ်ယောက်ဟာ သူ့ဘေးပတ်ဝန်းကျင်ကို နားလည်သူဖြစ်ပါတယ်။ သူ့ပတ်ဝန်းကျင်ကို ပိုပြီးတိုးတက်အောင် ပြုပြင်တတ်ပါတယ်။


ပညာရှိတစ်ယောက်ဟာ အပြုံးနဲ့အောင်မြင်မှုကို ကြိုဆိုတတ်ပြီး ၊ရှုံးနိမ့်မှုကို တိတ်ဆိတ်စွာနဲ့  ရင်ဆိုင်တတ်တယ်။
ပညာတတ်တစ်ယောက်ဟာ ကြိုးစားမှုတွေကို အောင်မြင်မှုအဖြစ် ပြောင်းလဲရယူတတ်ပြီး၊ ဆုံးရှုံးမှုနေရာမှာ  ခိုင်မာတဲ့ဆုံးဖြတ်ချက်တွေနဲ့ ပြန်လည်အစားထိုး ရပ်တည်နိုင်ပါတယ်။


ပညာရှိတစ်ယောက်ဟာ သူတစ်ပါးရဲ့ အောင်မြင်မှုအပေါ်မှာ ဝမ်းမြောက်တတ်သူဖြစ်ပါတယ်။
ပညာတတ်တစ်ယောက်ဟာ သူတစ်ပါးရဲ့ အောင်မြင်မှုတွေကို မိမိလျှောက်လှမ်းရမယ့်ပန်းတိုင်နဲ့ စံနမူနာယူစရာအဖြစ် ပြောင်းလဲနိုင်သူဖြစ်ပါတယ်။


ပညာရှိတစ်ယောက်ဟာ သူတစ်ပါးရဲ့ဆုံးရှုံးမှုအပေါ် နားလည်ကိုယ်ချင်းစာတတ်သူပါ။
ပညာတတ်တစ်ယောက်ဟာ သူတစ်ပါးရဲ့ဆုံးရှုံးမှုကို နမူနာယူစရာအဖြစ် မြင်တတ်သူဖြစ်ပါတယ်။


ပညာရှိဆိုတဲ့အရာဟာ တဖြေးဖြေးနဲ့ပြုပြင်ပြောင်းလဲမှုတွေကြောင့် ဖြစ်လာရတာပါ။ ပညာတတ်ရဲ့မူလအစကတော့ ကြိုးစားမှုတွေပဲဖြစ်ပါတယ်။ “ပညာရှိဆိုတာ ကြိုတင်တွေးစတတ်သူဖြစ်တယ်”ဆိုပြီး ပညာရှိတစ်ယောက်က ပြောတတ်ပါတယ်။ ပညာတတ်တစ်ယောက်ပြောတာကတော့ “ ငါက ဥာဏ်ပညာရှိသူရဲ့ ပုခုံးပေါ်မှာရပ်နေသူမို့ ပိုပြီးမြင်တွေ့နိုင်သူဖြစ်တယ်”။


ပညာရှိတစ်ယောက်နဲ့ ပြောဆိုဆွေးနွေးရတာဟာ ကဗျာလေးတစ်ပုဒ်ကို ရွတ်ဖတ်လိုက်ရသလိုပါပဲ။ ပညာတတ်တစ်ယောက်နဲ့ ပြောဆိုဆွေးနွေးရတာကတော့ ခရီးသွားမှတ်တမ်းတစ်ပုဒ်ကို ဖတ်ရသလိုပါပဲ။


ယဉ်ကျေးမှုတွေပြည့်နက်နေတဲ့ လူမူပတ်ဝန်းကျင်တစ်ခုဟာ ပညာရှိများစွာပေါင်းစပ်ဖွဲ့စည်းမှုကြောင့် ဖြစ်လာရခြင်းဖြစ်တယ်။ တိုးတက်နေတဲ့ လူမူပတ်ဝန်းကျင်တစ်ခုဟာ ပညာတတ်များစွာပေါင်းစပ်ဖွဲ့စည်းမှုကြောင့် ဖြစ်လာရခြင်းဖြစ်တယ်။ ကျွန်တော်တို့အားလုံး အတူအကွကြိုးစားဖန်တီးရမယ့်အရာကတော့ တိုးတက်ပြီးယဉ်ကျေးမှုတွေပြည့်နက်နေတဲ့ လူမူပတ်ဝန်းကျင်တစ်ခုပဲဖြစ်ပါတယ်။



မှတ်ချက်။ ။ တရုတ်စာရေးဆရာ 劉同郎 ရဲ့教養和教育 ဆောင်းပါးကို ကောက်နှုတ်ဘာသာပြန်ခြင်းဖြစ်ပါတယ်။