(၁၀၁)နဲ့အတူ နှစ်သစ်ကူးခဲ့တဲ့ ရသ

 

နှစ်သစ်ကူးအကြိုညမှာ ထိုင်ပေမြို့နေလူတွေရဲ့ စုရပ်လို့ပြောလို့ရတဲ့နေရာကတော့ (၁၀၁)အဆောက်အဦးအနီးတဝိုက်ပဲဖြစ်ပါတယ်။ အထပ်ပေါင်း(၁၀၁)ထပ်ရှိပြီး အမြင့်ပေ(၅၀၉.၂)မီတာရှိတဲ့ဒီအဆောက်အဦးဟာ ထိုင်ဝမ်နိုင်ငံမှာ အမြင့်ဆုံးအဆောက်ဦးပါ။ သူရှိရာကို သွားရတဲ့အကြောင်းကဒီလိုလေ...

 

 

 

(၁၀၁)အဆောက်ဦးကနေ မီးရှူးမီးပန်းတွေလွတ်ပြီး နှစ်သစ်ကို တခမ်းတနားကြိုဆိုတာမို့ ကျွန်မနဲ့သူငယ်ချင်းတသိုက်လည်း အဲဒီကိုခြေဆန့်ခဲ့ကြတယ်။ လွန်ခဲ့တဲ့သုံးနှစ်ကျော်တုန်းကပေါ့။ (၂၀၁၀)နှစ်အစကိုကြိုဖို့ ကျွန်မတို့သူငယ်ချင်းတွေ (၁၀၁)ဆီသို့ ချီတက်ခဲ့ကြတယ်။ လမ်းမှာတော့ လူအုပ်ကြီးနဲ့ စည်စည်ကားကားကြီးပေါ့။ ချမ်းအေးတဲ့ရာသီဒဏ်ကို အန်တုပြီး (၁၀၁)ဆီသို့သွားနေကြတဲ့လူတွေက ကြိတ်ကြိတ်တိုးပါပဲ။ လူတိုးရတာလည်း တမျိုးပျော်ရတယ်။ လမ်းမှာမြင်ရသမျှ လူတွေရဲ့မျက်နှာမှာ ပြုံးရောင်များထင်ဟပ်နေပါတယ်။ ခဏနေလွတ်တော့မယ့် မီးပန်းကိုကြည့်ချင်တဲ့ မျော်လင့်ချက်ပေါ်မှာ နှစ်သစ်ရောက်တော့မယ်ဟေ့ဆိုတဲ့ ပီတိက ထပ်ဆင့်နေတော့ အားလုံးပျော်နေကြတာ မဆန်းပါဘူး။ 

 

 

 

 နှစ်သစ်ရောက်တော့မယ်ဆိုတဲ့အသိနဲ့ ကျွန်မလည်း ချမ်းတာကိုမေ့ပြီး ရင်တွေတလပ်လပ်ခုန်နေပါတော့တယ်။ အရင်နှစ်တွေတုန်းက အဆောင်ရဲ့လေသာဆောင်ပေါ်ကနေပဲ (၁၀၁)အဆောက်အဦးရဲ့ နှစ်သစ်ကြိုမီးပန်းကြီးတွေကို ငေးမောကြည့်ခဲ့ရတာပါ။ အခွင့်သာတဲ့တစ်နေ့တော့ အဲဒီနေရာနားထိကို သွားပြီး ကြည့်လိုက်ချင်စမ်းပါဘိလို့ စိတ်ကူးထားတဲ့ဆန္ဒလေးလည်း ပြည့်သွားခဲ့ရတယ်။ မီးရှူးမီးပန်းကြီးတွေ တဖွားဖွားပွင့်ထွက်သွားတာကိုကြည့်ပြီး နှစ်သစ်ကိုရင်ဆိုင်ဖို့ အားတွေလည်း ရလိုက်သလိုပါပဲ။ နှစ်သစ်မှာ အသက်ရှင်ခွင့်ရလို့ ဘုရားသခင်ကို ရင်ထဲကနေ ကျေးဇူးစကားတွေ အထပ်ထပ်ဆိုမိပြန်ပါတယ်။ အဝေးတနေရာက မိသားစုများအတွက်လည်း သတိရဆုတောင်းပေးမိပါတယ်။ မီးရှုးမီးပန်းများကြောင့် လွမ်းစိတ်က သက်သာသွားသလိုပါပဲ။

 

 

 

ဝါစိမ်းနီပြာ ရောင်စုံမီးပန်းတွေကို ကြည့်ပြီး ဟက်ပီးနယူးယားလို့ အသံကုန်အော်လိုက်ရတာလည်း ရင်ထဲက အမောတွေ လွင့်သွားရပြန်တယ်။ သူငယ်ချင်းတွေ တစ်ယောက်မျက်နှာတစ်ယောက်ကြည့်ပြီး “ရှင်းညန်ခွိုက်လော့၊ ရှင်းညန်ခွိုက်လော့”(တရုတ်လို  ဟက်ပီးနယူးယား အဓိပ္ပာယ်)

ဆိုပြီး မီးပန်းတွေနဲ့အပြိုင် ခုန်ပေါက်အော်ဟစ်နှုတ်ဆက်ကြရတာလည်း မမောနိုင်ခဲ့ဘူး။ ပြီးတော့ 

သူငယ်ချင်းတစ်စု အလုအယက်နဲ့ ဓတ်ပုံတွေဝိုင်းရိုက်ရတာလည်း ပျော်စရာအတိပါပဲ။

 

 

 

မီးဆိုင်းမီးပန်းကြီးတွေရဲ့ ဒီဇိုင်းတွေကို တစ်နှစ်ထက်တစ်နှစ် ပိုပိုလှပအောင် စီစဉ်ထားတဲ့အကြောင်း တီဗီသတင်းတွေက အားရပါးရကြေငြာထားတော့ ပြည်သူလူထုအားလုံးကလည်း နှစ်သစ်အကြိုညမှာ ရင်ခုန်မှုအပြည့်နဲ့ (၁၀၁)ရဲ့ပုံရိပ်တွေကို နှစ်စဉ်စောင့်မျော်နေကြပါတယ်။ ဒီနှစ်(၂၀၁၃)ကိုလည်း ရင်ခုန်စွာနဲ့လက်ကမ်းကြိုဆိုဖို့ စိတ်တွေပြင်ဆင်နေတဲ့ကာလမှာ ဟိုးအရင်က သွားလည်ခဲ့ဘူးတဲ့နေရာလေးတစ်ခုအကြောင်းကို ကျွန်မရဲ့စာပေမိတ်ဆွေမျာအားပြောပြရင်း  နှစ်သစ်မှာ ဘုရားသခင်ဆီကလာတဲ့ ဝမ်းမြောက်ပျော်ရွှင်ခြင်းနဲ့ ကျန်းမာခြင်းတွေ ခညောင်းပါစေလို့ ဆုတောင်းပေးလိုက်ပါတယ်။

 

 

 

တစ်ရယ်နှစ်ရယ်သုံးရယ်ပေါင်းကာ ၂၀၁၃သို့ ချီတက်မယ်

တရားဟောပွဲတစ်ခုမှာ တရားဟောဆရာပြောခဲ့တဲ့ ဥပမာတစ်ခုကို အမှတ်ရမိတယ်။
“အင်္ဂလိပ် လူမျိုးဆိုတာ လူတစ်ယောက်တည်းရှိနေတဲ့အခါ စာဖတ်တယ်။ နှစ်ယောက်ရှိနေတဲ့အခါ အားကစားကစားတယ်(ဥပမာ...တင်းနစ်)။ လူသုံးယောက်ဆုံမိတဲ့အခါမျိုးမှာတော့ ပျော်ပွဲစားသွားကြတယ်တဲ့။
တရုတ်ဆိုတဲ့ လူမျိုးကြပြန်တော့ တစ်ယောက်တည်းရှိနေတဲ့အခါ စီပွားရေးဘယ်လိုလုပ်ရမလဲ စဉ်းစားတယ်။ လူနှစ်ယောက်ရှိတဲ့အခါကြတော့ စီးပွားရေးတွေ ပြိုင်ဆိုင်ကြတယ်။ သုံးယောက်ရှိတဲ့အခါကြတော့ စီးပွားရေးတွေ ပူးပေါင်းလုပ်ဆောင်သွားကြတယ်တဲ့။
ကျွန်တော်တို့ မြန်မာလူမျိုးကြတော့ တစ်ယောက်တည်းဆိုရင် အိပ်တယ်။ နှစ်ယောက်ဆုံမိရင် သူများအကြောင်း အတင်းအုပ်တယ်။ သုံးယောက်ဆုံမိပြီဆိုရင်တော့ လက်ဖက်ရည်ဆိုင်ကို သွားကြတယ်တဲ့”
မှတ်သားထိုက်တဲ့ ဥပမာလေးပါ။
ဒီဥပမာစကားလေးကို ကြားခဲ့ရတာ နှစ်တွေအတော်ကြာခဲ့ပေမယ့် ရင်ထဲစွဲပြီး ဆင်ခြင်စရာလေးတွေကို တွေးမိစေတယ်။



၁။ တစ်ယောက်တည်းဆိုတာ လွတ်လပ်ခြင်းကို ကိုယ်စားပြုနေတယ်။ ကျွန်မဆိုလည်း စာရေးစာဖတ်တာ ဝါသနာပါတော့ များသောအားဖြင့် တစ်ယောက်တည်းအချိန်ယူပြီး လုပ်ရတဲ့အလုပ်တွေကို ပိုနှစ်ခြိုက်မိတယ်။ ပူးပေါင်းလုပ်ဆောင်ရတဲ့အလုပ်တွေမှာ ဟိုလူစောင့်ရ၊ ဒီလူစောင့်ရတာဆိုတော့ ကျွန်မနည်းနည်းတော့ စိတ်မရှည်ချင်ဘူး။ ဒါပေမယ့်လည်း လူထဲကလူဆိုတော့ ပူးပေါင်းလုပ်ဆောင်ရတဲ့အလုပ်တွေမှာ ပါဝင်ရတာပါပဲ။ ဒီလိုအချိန်မျိုးမှာ လူစောင့်ရတဲ့ဝေဒနာအတွက် ဒဏ်ကြေဆေးလေးတော့ ဆောင်ထားရတယ်။ ဖတ်မှတ်စရာ ကျောင်းစာပဲဖြစ်ဖြစ်၊ အပြင်လေ့လာစရာ စာအုပ်ပဲဖြစ်ဖြစ် လွယ်အိတ်လေးထဲမှာ ဆောင်ထားလိုက်တယ်။ ခေတ်နောက်ကျတယ်လို့ပဲဆိုဆို ကျွန်မကတော့ လက်ထဲစာအုပ်ကိုင်ပြီး လှန်လှောဖတ်ရတာပဲ ပိုအကြိုက်တွေ့မိတယ်။ ခုခေတ်က နည်းပညာတိုးတက်နေတဲ့ခေတ်ဆိုတော့ အိုင်ဖုန်း၊အိုင်ပက်လေးနဲ့မှ ဆိုသူအတွက်လည်း လေ့လာလို့်မကုန်ပါဘူး။ တစ်ယောက်တည်းရှိနေတဲ့အခါ ပျင်းလိုက်တာဆိုပြီး အိပ်ပစ်လိုက်မယ့်အစား၊ လူစောင့်နေစဉ်မှာ တဒိန်းဒိန်းနဲ့စိတ်တွေတိုနေမယ့်အစား ကိုယ်ဝါသနာပါရာလေးနဲ့ ကိုယ့်ကိုယ်ကိုပဲ ကိုယ်ရည်သွေးလိုက်ကြရအောင်လား။



၂။ နှစ်ယောက်ဆိုတာ ညီညွတ်ခြင်းကို ကိုယ်စားပြုတယ်လို့ ကျွန်မမြင်တယ်။ အိမ်ထောင်ထဲမှာလည်း မိနဲ့ဘနှစ်ယောက်ညီညွတ်မှ အိမ်ထောင်ဆိုတဲ့ဒန်းလေးက စည်းချက်ညီနေတော့မှာပေါ့။ ဒါမှလည်း သားသမီးအရေး၊ လူမူရေး၊ အိမ်ထောင်သာယာရေးတွေကို စိတ်တူကိုယ်တူ လုပ်ဆောင်နိုင်မှာဖြစ်တယ်။ သူငယ်ချင်းနှစ်ယောက် ဒါမှမဟုတ် ချစ်သူနှစ်ယောက်ကြားမှာဆိုလည်း သူများအတင်းအဖျင်းတွေနဲ့ မွေနောက်နေမယ့်အစား ဘဝတိုးတက်ဖို့ရာ ခွန်အားရှိစေမယ့် စကားကောင်းတွေခြွေပြီး တစ်ယောက်နဲ့တစ်ယောက် အားပေးကြတာ ပိုမကောင်းဘူးလား။


 ကျွန်မမြန်မာပြည်မှာနေတုန်းက အရမ်းရင်းနီးတဲ့ သူငယ်ချင်းတစ်ယောက်ရှိခဲ့ဖူးတယ်။ သူ့နာမည်ကအထွေးတဲ့။ သူက သီချင်းဆိုတာ အရမ်းဝါသနာပါတယ်။ သီချင်းအသစ်တွေနားထောင်ပြီးတိုင်း သူက ကျွန်မကို လာလာဆိုပြတတ်တယ်။ သီချင်းအသစ်တော်တော်များများကို သူလာဆိုပြမှ ကျွန်မစပြီးနားထောင်ဖူးတော့တယ်။ ကျွန်မကတော့ သီချင်းသံစဉ်တွေကို တီးခတ်ရတာ ဝါသနာပါတယ်။ သူသီချင်းဆိုရင် ကျွန်မက ကီးဘုတ်လေးနဲ့လိုက်တီးတယ်။ အတွဲညီတဲ့ သူငယ်ချင်းရထားတော့ အရမ်းကို အတိုင်အဖောက်ညီခဲ့ကြတယ်။ ဘုရားကျောင်းအလုပ်တွေလုပ်ကြမယ်ဟေ့ဆိုရင်လည်း ကျွန်မအဆိုကို သူကထောက်ခံသလို၊ သူ့အဆိုကိုလည်း ကျွန်မက အပြည့်အဝထောက်ခံနေကြဆိုတော့ အလုပ်လုပ်ရတာ ပိုပြီးမြန်တယ်။ ပိုပြီးအရာမြောက်ခဲ့တယ်။ ကျွန်မတို့နှစ်ယောက်စလုံးက ဘုရားကျောင်းရဲ့ကလေးကျမ်းစာသင်တန်းမှာလည်း ကလေးထိန်းဗိုလ်တွေဆိုတော့ ဘုရားကျောင်းမှာ အရင်ကမလုပ်ခဲ့ဖူးတဲ့ အစီအစဉ်တွေကိုလည်း လုပ်နိုင်ခဲ့တယ်။  တစ်ခေါက်တော့ ကလေးတွေကိုဦးဆောင်ပြီး အိမ်တွေမှာ ခရစ်စမတ်ညတေးလိုက်ဆိုချင်တဲ့ စိတ်ကူးလေး ကျွန်မရမိတယ်။ အရင်က ကျွန်မတို့ဘုရားကျောင်းမှာ ဒီလိုမျိုးအစီအစဉ် မလုပ်ခဲ့ဖူးဘူး။ ကျွန်မရဲ့စိတ်ကူးလေးကို အထွေးကို လက်တို့ပြီးပြောတော့ သူကလည်း “ကောင်းတယ်၊ ချကွ၊ လုပ်မယ်” ဆိုတော့ ဘုရားကျောင်းက တခြားဆရာမတွေနဲ့တိုင်ပင်ပြီး အကောင်အထည်ဖော်လိုက်ကြတယ်။ အထွေးက အဆိုကောင်း၊ အကကောင်းတဲ့အပြင် ကလေးတွေကို ကောင်းကောင်းဦးဆောင်နိုင်တဲ့ ပါရမီလည်းရှိတော့ ကျွန်မတို့က အနောက်ကနေမီးထိုးပေးလိုက်ရုံ၊ ဖျာခင်းပေးလိုက်ရုံနဲ့ ပွဲကပြီးသွားပါတယ်။ ဒါကြောင့် ကိုယ့်ကို အနီးကပ်ယုံကြည်ထောက်ခံပေးတဲ့ သူတွေလည်းရှိဖို့ အရေးကြီးပါတယ်။ နှစ်ယောက်လက်ချင်းချိတ်ပြီး တက်ညီလက်ညီလုပ်ဆောင်သွားမယ်ဆိုရင် အကြံတွေထမြောက်လာမှာပါ။



၃။ သုံးယောက်ဆိုတော့ ပူးပေါင်းခြင်းပေါ့။ ပူပေါင်းလုပ်ဆောင်ခြင်းအင်အားဟာ အရာရာကိုတတ်နိုင်စွမ်းပါတယ်။ မူလတန်းဖတ်စာအုပ်မှာလည်း စည်းလုံးခြင်းအင်အားအကြောင်းကို ကျွန်မတို့ သင်ယူဖူးခဲ့ကြတာ မှတ်မိကြလား။ ဖခင်ကြီးက  သားသုံးယောက်ကိုခေါ်ပြီး စည်းထားတဲ့ထင်းချောင်းတွေကို ချိုးခိုင်းတဲ့ ပုံပြင်လေးလေ။ ထင်းချောင်းတွေတောင် စည်းထားရင် ချိုးဖို့မလွယ်သလို၊ လူတွေလည်း စည်းလုံးမှုနဲ့အတူ ပူးပေါင်းလုပ်ဆောင်မယ်ဆိုရင် အလွယ်တကူ မပြိုကွဲနိုင်ဘူးဆိုတဲ့အကြောင်းပေါ့။


ထိုင်ဝမ်မှာ ပညာလာသင်တော့ ပိုပြီးမြင်လာတယ်။ ဆရာတွေရဲ့ပညာသင်နည်းပုံစံတွေက စိတ်ဝင်စားစရာကောင်းလှတယ်။ များသောအားဖြင့် ကျောင်းသူကျောင်းသားတွေကို အနည်းဆုံးသုံးယောက်တစ်ဖွဲ့ကနေ အဖွဲ့ငယ်လေးတွေခွဲစေပြီး အဲဒီကနေရလာတဲ့ ဆွေးနွေးလှုပ်ရှားမှုရလဒ်ကို အဓိကပစ်မှတ်ထားကြတယ်။ ကျောင်းအိမ်စာတွေကို အဖွဲ့လိုက်တာဝန်ယူပြီး လုပ်ကြရတယ်။ ပူးပေါင်းလုပ်ဆောင်ခြင်း သဘောတရားလေးတွေနဲ့ တာဝန်ခွဲဝေလုပ်ဆောင်မှုပညာတွေကို အများကြီးသင်ယူလိုက်ရတယ်။ လုပ်ငန်းတစ်ခုကို လုပ်ဆောင်ရာမှာ စိတ်တူကိုယ်တူရှိတဲ့သူတွေနဲ့ ပူးပေါင်းလုပ်ဆောင်သွားရင် ပန်းတိုင်ရောက်ဖို့ပိုမြန်ပါတယ်။


ဒါပေမယ့် ပူးပေါင်းခြင်းအင်အားတစ်ခုကိုပဲ အာရုံစိုက်လို့မဖြစ်သေးပါဘူး။ အစရှိသလို အဆုံးလည်းရှိတယ်။ အဲလိုပဲ ပူးပေါင်းခြင်းရှိတဲ့အတွက် ပြိုကွဲခြင်းလည်းရှိလာနိုင်တယ်ဆိုတာ ကြိုပြီးသတိလေးနဲ့ ကိုင်တွယ်နိုင်မှ တာရှည်ခံပါလိမ့်မယ်။ အားလုံးသိကြတဲ့အတိုင်း လူနှစ်ယောက်ဆိုရင် ပြဿနာက ဒီလောက်မကြီးပါဘူး။ တစ်ယောက်နဲ့တစ်ယောက် နဲနဲပါးပါးအပေးအယူညှိလိုက်ရင် ကိစ္စကပြတ်ပြီ။ ဒါပေမယ့် သုံးယောက်ဆိုတော့ စကားပြောလာပြီလေ။ တစ်ယောက်နဲ့တစ်ယောက်ကြားမှာ မနာလိုမှု၊ သွေးထိုးမှု၊ သဝန်တိုမှု စသဖြင့် စိတ်အနှောင့်ယှက်ဖြစ်စရာတွေ ရှိလာတတ်ပါတယ်။ အဖွဲ့ထဲမှာရှိတဲ့ တစ်ယောက်က ကျန်တဲ့နှစ်ယောက်ထဲကတစ်ယောက်ယောက်ကို ဦးစားပေးပြောမိဆိုမိသွားတဲ့အခါမျိုးမှာ “ဟိုလူ့ကို ငါ့ထက် ပိုပြီးအရေးပေးပါလား” လို့ အမြင်စောင်းချင်ကြပြန်တယ်။ မိသားစုထဲမှာလည်း သားသမီးတွေကိုထိန်းတဲ့အခါ မိဘတွေဟာ ပညာသုံးဖို့လိုပါတယ်။ အကြီးဆုံးသားသမီးကို အဖေက ပိုပြီးအရေးပေးမိတာမျိုး၊ အငယ်ဆုံးကို အမေက ပိုပြီးအလိုလိုက်မိတာမျိုးနဲ့ ကြားထဲမှာ အလတ်က ငါ့ကို ဂရုမစိုက်ပါလားဆိုပြီး အားငယ်သွားကြတာမျိုးတွေ တွေ့ဖူးပါတယ်။ ပေါင်းသင်းဆက်ဆံရေးလေးကို ပညာလေးနဲ့ထိန်းသွားမယ်ဆိုရင် လူအဖွဲ့အစည်းကြားထဲမှာ မေတ္တာတွေဝေပြီး ပိုပြီးလှပမွှေးကြိုင်နေပါလိမ့်မယ်။


ဒါ့အပြင် ကျွန်မတို့မြန်မာနိုင်ငံဟာ ခုမှတိုးတက်ရေးလမ်းကြောင်းပေါ်စပြေးခါစမှာ တိုင်းရင်းသားမောင်နှမအားလုံး စည်းလုံးဖို့အရေးကြီးပါတယ်။ မြောက်ဖျားပိုင်းက ကချင်တွေရဲ့ငိုယိုသံတွေ၊ အနောက်ကျောရိုးက ရခိုင်ဒေသရဲ့ ပြိုလဲသံတွေနဲ့ ညံနေမယ်ဆိုရင် တိုင်းပြည်ကြီးက ဘယ်လိုအင်အားတွေရှိပါတော့မလဲ။ အားလုံးက တစ်မြေတည်းနေ တစ်ရေထဲသောက်နေကြတဲ့ မောင်နှမတွေဖြစ်နေတဲ့အတွက် တိုင်းပြည်ကြီးထဲမှာ ဖြစ်ပျက်နေသမျှအားလုံးဟာ တစ်ခြားတိုင်းရင်းသားအားလုံးအပေါ် သက်ရောက်မှုရှိနေတယ်မဟုတ်လား။ လက်သန်းလေးပျက်စီးသွားရင်လည်း နာတာပါပဲ။ နှစ်ရွက်လေးတစ်ဖက် ပျက်သွားတယ်ဆိုရင်လည်း ရင်ထဲမှာ နာကျင်နေရတာပါပဲ။ စစ်မြေပြင်ကြီးမှာ ကြောက်လန့်မှုတွေ၊ ငိုယိုမှုတွေနဲ့ ထိတွေ့ကြီးပြင်းလာကြတဲ့ ကလေးတွေကို တစ်နေ့ကျွန်မတို့နိုင်ငံက ဘယ်လိုအားကိုးကြရမလဲ။ နိုင်ငံရဲ့ ရှေ့တောင်နောက်မြောက် ဘယ်အရပ်ကပဲဖြစ်ဖြစ် လူသားအားလုံးဟာ ကျွန်မတို့ကိုယ်တိုင်ရဲ့ သွေးပါပဲ။ အားလုံးကြားထဲမှာ မေတ္တာရင်ငွေ့လေးနဲ့ နွေးထွေးမှုရှိစေချင်မိတယ်။ လုံခြုံမှုရှိစေချင်တယ်။ အောင်မြင်မှုတွေ ခံစားရစေချင်တယ်။ ပျော်ရွှင်မှုတွေ ခံစားစေချင်တယ်။


ဒါကြောင့် ဥပမာလေးထဲမှာ ကြားခဲ့ရသလိုမျိုး သုံးယောက်ဆုံရင် လက်ဘက်ရည်ဆိုင်ထိုင်ပြီး လေပေါနေမယ့်အစား၊ အချိန်ဖြုန်းနေမယ့်အစား၊ သူများအကြောင်းတွေပဲ ဝေဖန်ပြောဆိုနေမယ့်အစား လူ့အကျိုးအတွက် ကိုယ်တတ်နိုင်တဲ့ဖက်က စေတနာမေတ္တာများနဲ့ အစွမ်းကုန်ဝိုင်းဝန်းလုပ်ဆောင်သွားကြမယ်ဆိုရင် “တစ်နေ့တစ်လံ ပုဂံဘယ်ပြေးမလဲ” ဆိုသလို ကျွန်မတို့နိုင်ငံဟာလည်း သူများနိုင်ငံတွေနဲ့ ယှဉ်ပြိုင်လာနိုင်လိမ့်မယ်လို့ ယုံကြည်မိတယ်။ သူများတွေဦးမော့ကြည့်လာကြတဲ့အထိ ကျွန်မတို့အားလုံး စိတ်တူကိုယ်တူနဲ့ ကြိုးစားသွားကြရမှာပါပဲ။

တိုးတက်ရေးတာဝေးလမ်းပေါ် စပြီးပြေးနေပြီဖြစ်တဲ့ မြန်မာနိုင်ငံသား ကျွန်မတို့အားလုံးဟာ ကိုယ်ရှိတဲ့နေရာမှာ အစွမ်းကုန်ကြိုးစားနေကြမယ်လို့ ကျွန်မယုံကြည်တယ်။ အရင်က ပျင်းခဲ့တဲ့အကျင့်လေးတွေကို ဝိုင်းပြီးပြုပြင်သွားကြမယ်ဆိုရင် ကျွန်မတို့ကိုယ်စီစိုက်ပျိုးနေကြတဲ့ ရည်မှန်းချက် ပန်းပင်လေးတွေ ပိုပြီးလှပဝေဆာလာမှာပါ။ ဒီလိုလှပတဲ့ပန်းပွင့်လေးများစွာ စုပေါင်းလိုက်ကြပြီဆိုရင်တော့ အရမ်းကိုလှပမွှေးကြိုင်နေမယ့် မြန်မာပြည်ပန်းခင်းကြီးဖြစ်လာမှာ မြေကြီးလက်ခတ်မလွဲပေါ့။ အားလုံးနှစ်သစ်ဆီသို့ စိတ်သစ်လူသစ်နဲ့ ချီတက်ကြရအောင်။

လမ်းပြကြယ်လေး ရှိခဲ့ဖူးပါတယ်

 

“ဒေါင်...ဒေါင်...၊ ဒေါင်...ဒေါင်...”ဟု ထွက်ပေါ်လာသည့် ကျောင်းတက် ခေါင်းလောင်းထိုးသံသည် ကျောင်းသူသစ်ဖြစ်သည့် ပိုပိုကို ပို၍ရင်ခုန်သွားစေပါသည်။ အခန်းထောင့်နောက်ဆုံးနားတွင် ကြောင်စီစီနှင့်ရပ်နေသည့် ပိုပိုကို ကောင်မလေးတစ်ယောက်က “လာ...ကေသီနဲ့လာထိုင်”ဟုပြောရင်း ထိုင်ခုံဆီသို့ ခေါ်သွားပါသည်။

 

“နင်က ကျောင်းသူသစ်မလား၊ ငါနဲ့ပဲထိုင်လိုက်တော့နော်”

“အင်”

“နင့်နာမည်ဘယ်လိုခေါ်လဲ”

“ပိုပို”

“ငါ့နာမည်က ကေသီတဲ့၊ နင်ဘယ်ကျောင်းကပြောင်းလာတာလဲ”

“အင်...ငါ ရွာကပြောင်းလာတာ”

သည်လိုနှင့် ကျောင်းသူသစ်ဖြစ်သည့် ပိုပိုတွင် ကေသီဆိုသည့် သူငယ်ချင်းတစ်ယောက်ရရှိခဲ့သည်။

 

မုန့်စားဆင်းချိန်ရောက်တော့ “ရော့...ပိုပို၊ ချော့ကလက်စား”

“နေပါစေ၊ ငါမနက်ကတည်းက ထမင်းစားပြီးကျောင်းလာတာ။ သြော်...ကေသီ၊ နင်ခုနက ခေါင်းငုံ့ပြီး မျက်စိမှိတ်ထားတာ ဘာလုပ်တာလဲ”

“သြော်...ငါဆုတောင်းတာလေ။ ကျောင်းရောက်တာနဲ့ ဆုတောင်းဖို့ ငါ့မေမေက သင်ပေးထားတာ”

“မုန့်စားရင်လည်း ဆုတောင်းတာပဲလား။ နင်ကခရစ်ယာန်လား”

“ဟုတ်တယ်လေ။ နောက် ငါကိုးကွယ်တဲ့ဘုရားအကြောင်း နင့်ကိုပြောပြမယ်နော်”

ပိုပိုသည် ကေသီကိုကြည့်ပြီး အထူးအဆန်းဖြစ်နေမိသည်။

 

 

~~~~~

ပိုပိုသည် ကျောင်းတက်ရင်းတက်ရင်း ကေသီနှင့်အတူထိုင်ခွင့်ရခြင်းကို အလွန်ကျေနပ်နေမိသည်။ ကေသီက သဘောကောင်းသည့်အပြင် စာလည်းတော်သည်လေ။ ရွာကျောင်းမှ ပြောင်းလာသည့် ပိုပို့မှာမူ ကျောင်းစာတွင် မနည်းလိုက်နေရသည်။

 

“ကေသီ... ငါတို့ အင်္ဂလိပ်စာ မသင်ရရင်ကောင်းမှာပဲနော်”

“ဟင်...ဘာလို့လဲ ပိုပိုရဲ့”

“ဟုတ်တယ်လေ...အင်္ဂလိပ်စာက ခက်လဲခက်တယ်။ ပြီးတော့ အင်္ဂလိပ်စာတတ်ပြီး ဘာလုပ်မှာလဲ။ အားလုံးက မြန်မာလိုပဲပြောနေတာပဲဟာ”

“ဟဲ့.. ပိုပို အရူးမရဲ့။ အင်္ဂလိပ်စာတတ်ရင် ကြီးလာရင် အလုပ်ကောင်းလည်းရတယ်။ ပညာတတ်ဖြစ်ဖို့လည်း မြန်တယ်တဲ့။ ဘာလည်း... အခု စာကျက်လို့ မရလို့လား။ ကေသီကို ပြပါအုံး”

“ဒီမှာကြည့်...ဒီအသီးနာမည်တွေ အရမ်းကျက်ရခက်တယ်”

“မခက်ပါဘူး လွယ်လွယ်လေး။ ကေသီရှင်းပြမယ်”

“Mango သရက်သီး မလား။ လူသွားနေတယ်လို့ မှတ်ထားလိုက်လေ။ Man လူ၊ go သွားသည်ပေါ့”

“အင်း...အဲဒီလိုတော့လွယ်လွယ်လေးပဲ။ တခြားဟာတွေလည်း ရှင်းပြပေးအုံးနော်”

ကေသီကူညီပေး၍ ပိုပိုသည် တဖြေးဖြေးနှင့် ကျောင်းစာများလိုက်နိုင်လာသည်။

~~~~~

“ကေသီ နင့်ကို ကျေးဇူးအများကြီးတင်ပါတယ်။ ပိုပို အခုအဆင့်တွေလည်းတက်လာပြီ”

“ရပါတယ်၊ ငါတို့တွေ အတူတူစာကျက်မယ်နော်။ ပိုပို ရော့...နင့်အတွက် လက်ဆောင် ”

ပိုပိုက ကေသီပေးသည့် ရောင်စုံစာရွက်များပါသည့် စာအုပ်ကို လှန်ကြည့်နေမိသည်။

 

“ဘာ စာလုံးမှလည်း ရေးမထားပါလား။ ပုံဆွဲရတာလား”

“မဟုတ်ဘူးပိုပို။ ဒီစာအုပ်လေးက ဘာစာလုံးမှရေးမထားပေမယ့် ပုံပြောတတ်တယ်”

“ပုံပြင်ပြောတတ်တယ်” ပိုပိုက အလန့်တကြားနှင့် ပြန်မေးလိုက်သည်။

“ဟုတ်တယ် ။ ဒီမှာကြည့် ပထမဆုံး စာမျက်နှာက အဝါရောင်လေ။ သိလားပိုပို။ ဘုရားသခင်ရှိတဲ့ ကောင်းကင်နိုင်ငံမှာလည်း လမ်းတွေရော၊ အိမ်တွေရော အားလုံးရွှေတွေနဲ့ လုပ်ထားတာတဲ့။ ဒါပေမယ့် ဒီလို ရွှေတွေနဲ့ဝင်းဝါတောက်ပပြီး ပျော်စရာကောင်းတဲ့ ကောင်းကင်နိုင်ငံကို လူတိုင်းတော့သွားလို့ မရဘူး”

ကေသီက ပထမစာမျက်နှာအကြောင်းပြောပြီးသည်နှင့် ဒုတိယစာမျက်နှာကို လှန်လိုက်သည်။

“ဟယ် အမည်းရောင်ဖြစ်သွားပြီ”

“ဟုတ်တယ်။ ဒီအမည်းရောင်လို စိတ်ပုပ်တဲ့သူတွေ၊ အပြစ်လုပ်တဲ့သူတွေ၊ အပြစ်ရှိတဲ့သူတွေအားလုံး အဲဒီကောင်းကင်နိုင်ငံကို သွားခွင့်မရှိဘူး”

“ပိုပိုရော သွားလို့မရဘူးလား” စိတ်လှုပ်ရှားစွာနှင့် ပိုပို မေးလိုက်မိသည်။

 

ပိုပို့ ခေါင်းထဲ၌ ကျောင်းတက်စနေ့ကအဖြစ်ကို မြင်ယောင်သွားမိသည်။ ထိုနေ့က ကျောင်းအားလပ်ချိန်တွင် စားပွဲပေါ်က ကေသီ့နှိပ်ခဲတံလှလှလေးကို ကေသီအိမ်သာသွားစဉ်၌ တိတ်တိတ်လေးယူကာ မိမိ၏လွယ်အိတ်လေးထဲ၌ ထည့်ထားလိုက်သည်။ ကေသီပြန်လာ၍ နှိပ်ခဲတံအသုံးလိုသောအချိန်၌ ပိုပို့အား တွေ့မိသလားဟု မေးသော်လည်း မမြင်မိဟုသာ ဖြေခဲ့လိုက်ပါသည်။

အိမ်သို့ရောက်သော် နှိပ်ခဲတံလှလှလေးရလာ၍ ပျော်နေတော့သည်။ အိမ်တွင် အိမ်စာလုပ်သောအချိန်၌ ထိုခဲတံလှလှလေးကို တစိမ့်စိမ့်ကြည့်၍ သုံးရသည်က ပျော်စရာကောင်းလှသည်ဟု ပိုပိုခံစားနေမိသည်။

 

“ဟိတ်..ပိုပို၊ ကေသီပြောတာကြားရဲ့လား”

ကေသီက ပိုပို့ပုခုံးကို လက်နှင့်ပုတ်၍ ပြောလိုက်သောကြောင့် အတွေးထဲ၌ ခဏတာနှစ်မျောနေသည့် ပိုပို သတိဝင်သွားတော့သည်။

“အော..အေအေ ...ကြားပါတယ်။ မျက်လုံးထဲ အကောင်ဝင်သွားလို့ပါ။ ဆက်ပြောလေ..”

“သခင်ယေရှုကို ယုံကြည်တဲ့သူဆိုရင် ကောင်းကင်နိုင်ငံကို သွားလို့ရတယ်လို့” ကေသီက စိတ်အားထက်သန်စွာနှင့် ဤသို့ပြောလိုက်တော့

“ငါ့ကိုပြောပြပါလား” ပိုပိုက အလွန်စိတ်ဝင်စားစွာနှင့် ပြန်ပြောလိုက်ပါသည်။

 

 

ကေသီသည် အားရပါးရနှင့်ပြောနေ၍ ရေငတ်လာသောကြောင့်

“ပိုပို ခဏလေးနော်။ ကေသီရေသွားသောက်အုံးမယ်”

“အေအေ”

ကေသီ ရေသောက်ပြီး၍ ပြန်လာသည့်အချိန်၌

“ပိုပိုရော့...နင့်အတွက်လည်း ရေခပ်လာပေးတယ်”

“ပိုပို”

နောက်ထပ်တစ်ခါထပ်ခေါ်လိုက်သည့်တိုင် ပိုပိုကခေါင်းငိုက်စိုက်နေ၍ ကေသီလန့်သွားမိသည်။ ထိုကြောင့် ပိုပိုရှေ့၌ ဒူးထောက်ထိုင်ချလိုက်ပြီး ပိုပို၏မျက်နှာကို မော်ကြည့်လိုက်စဉ်

 

 

“ဟင်...ပိုပို နင်ငိုနေတာလား။ ဘာဖြစ်တာလဲ ကေသီကိုပြော”

ဟင့်ဟင့်..ဟင့်ဟင့် နှင့် ပိုပိုရှိုက်သံက ပို၍ကျယ်လာသည်။

“ကေသီ... ငါ့ကိုခွင့်လွတ်ပါနော်။ ငါလေ..နင့်ရဲ့ ခဲတံကို ခိုးယူထားမိတယ်။ ဆောရီးပါနော်။ ငါတော့အပြစ်လုပ်မိပြီ။ ခိုးလည်းခိုးတယ်။ လိမ်လည်းလိမ်ပြောခဲ့တယ်။ ငါတော့ ငရဲသွားရတော့မှာပဲ”

 

“အိုး...ပိုပိုရယ်။ မကြောက်ပါနဲ့။ ငါ့တို့လုပ်ခဲ့တဲ့အပြစ်တွေကြောင့် ငရဲသွားရမယ့်အဖြစ်ကို သခင်ယေရှုက လက်ဝါးကပ်တိုင်မှာ အသေခံပေးခဲ့ပြီးပြီ။ ဒါကိုယုံရင် ငရဲသွားစရာမလိုတော့ဘူး ” ကေသီက ပြောပြောဆိုဆိုနှင့် ခုနကရောင်စုံစာအုပ်လေးကို ပြန်လှန်လိုက်သည်။

 

“ပိုပို...ဒီအနီရောင်စာမျက်နှာလေးက ဘုရားသခင်ရဲ့ တစ်ပါးတည်းသောသား သခင်ယေရှုကို ပုံဆောင်တာပေါ့။ ငါတို့လို အပြစ်ရှိတဲ့သူတွေ ကောင်းကင်နိုင်ငံသွားလို့ရအောင် သူက လက်ဝါးကားတိုင်မှာ အသေခံခဲ့တာ။ သခင်ယေရှုက အပြစ်မရှိပေမယ့် ငါတို့အတွက် ဒီအနီရောင်တွေလိုပဲ သွေးတွေအများကြီးထွက်ပြီး အနာခံခဲ့ရတာပေါ့။ သခင်ယေရှုက ငါတို့ကို အပြစ်ကနေကယ်တင်ပေးခဲ့တယ်လို့ ယုံလိုက်ရင်ရပြီလေ။ အဲဒီလို ယုံကြည်လက်ခံတဲ့သူဟာ ကယ်တင်ခြင်းဆုကျေးဇူးခံစားရမှာ”

 

“အိုး...တကယ်လား။ ဒါဆိုပိုပိုလည်း သခင်ယေရှုဘုရားကို ယုံကြည်ချင်တယ်။ ဘယ်လိုလုပ်ရမှာလဲ”

ပိုပိုက အလွန်သိလိုစိတ်နှင့် အားတက်တရော မေးလိုက်ပါသည်။

 

ဒါဆို “သခင်ယေရှုဘုရားကို ပိုပိုရဲ့ဘုရားသခင်အဖြစ် ယုံကြည်ပါတယ်လို့ စိတ်ထဲကနေ လက်ခံပြီး၊ ပါးစပ်နဲ့လည်းအသံထွက် ဝန်ခံရမယ်။ ဒီရောင်စုံစာအုပ်လေးအကြောင်းပြောပြီးတာနဲ့ ကေသီတို့ဆုတောင်းပြီး သခင်ယေရှုဘုရားကို ပိုပိုလက်ခံတဲ့အကြောင်း ဝန်ခံကြမယ်နော်”

 “ဟုတ်။ ဝေးဟေး...ပျော်လိုက်တာ” ပိုပို အရမ်းပျော်သွားကာ ဆက်ပြီးသိလို၊ ထပ်ပြီးလည်း နားထောင်ချင်နေတော့သည်။

“ နောက်တစ်မျက်နှာက အဖြူရောင်ကရော”

“ငါတို့ရဲ့ အမည်းရောင်အပြစ်တွေကို သခင်ယေရှုက ဆေးကြောပေးလိုက်လို့ အဖြူရောင်ဖြစ်သွားပြီလေ”

“ဆက်ပြော၊ ဆက်ပြောလေ။ အရမ်းစိတ်ဝင်စားဖို့ ကောင်းတာပဲ”

“နောက်ဆုံးစာမျက်နှာ အစိမ်းရောင်ကတော့ ကြီးထွားလာတဲ့ သစ်ပင်အစိမ်းရောင်လိုပေါ့။ သခင်ယေရှုကို ယုံကြည်လက်ခံပြီးသူတိုင်း နေ့စဉ်အသက်ရှင်တဲ့အခါ ဘုရားစကားနားထောင်ရတော့မယ်။ ငါတို့သိတဲ့ သခင်ယေရှုအကြောင်းကိုလည်း သူများတွေကို ပြန်ပြောပြရမယ်။ ပြီးတော့ သခင်ယေရှုက ငါတို့အတွက် လက်ဝါးကားတိုင်မှာ အသေခံပြီး သုံးရက်မြောက်နေ့မှာ ရှင်ပြန်ထမြောက်ခဲ့လို့ ငါတို့သေရင်လည်း ကြောက်စရာမလိုတော့ဘူး။ ဘုရားသခင်ရှိတဲ့ ကောင်းကင်နိုင်ငံကို သွားရမှာ။ အဲဒီမှာ ငါတို့နေဖို့အိမ်တွေရှိတယ်လေ”

 

ပိုပိုသည် ငရဲသွားစရာမလိုတော့သည့် အဖြစ်ကိုသိလိုက်ရ၍ ကေသီပေးသည့် ဧဝံဂေလိရောင်စုံစာအုပ်လေးကိုကြည့်ပြီး အလွန်ဝမ်းမြောက်နေမိသည်မှာ မျက်လုံးအိမ်တွင် မျက်ရည်ကြည်များပင် ဝှေ့လို့နေသည်။

 “အရမ်းနားထောင်လို့ ကောင်းတာပဲ ကေသီရယ်”

 

ဤသို့ ပိုပို စိတ်ဝင်စားသည်ဟုသိလိုက်ရ၍ ကေသီလည်း အလွန် ပျော်သွားမိသည်။

“ငါတို့ ဘုရားကျောင်းက ဆရာမတွေက ဒီထက်ပိုပြောပြတတ်တယ်။ တနင်္ဂနွေနေ့ကျရင် နင့်ကိုလာခေါ်မယ်နော်။ ပုံပြင်တွေလည်း နားထောင်ရမှာ”

“အေးအေ”

 

ဤသို့ဖြင့် ပိုပိုသည် ကေသီယုံကြည်သည့် သခင်ယေရှုဘုရားအား ယုံကြည်ခဲ့ပါသည်။ ကေသီသွားသည့် sunday school သို့လည်း တနင်္ဂနွေနေ့တိုင်း လိုက်သွားပါသည်။ ကေသီ့တွင်လည်း ကျောင်းရောက်တိုင်း အတူတူဆုတောင်းမည့် သူငယ်ချင်းတစ်ယောက်ရှိလာပေပြီ။

 

~~~~~

 

 



ပိုပိုသည် တခါတရံ ကေသီ၏အိမ်သို့ သွားရောက်လည်ပတ်ရသည်ကိုလည်း အလွန်ပျော်ပါသည်။ ကေသီ၏အိမ်လေးက သာယာဖွယ်ကောင်းသလို မိသားစုဝင်များကလည်း ဖော်ရွေလှပါ၏။

“ပိုပို ရော့...မုန့်စား”

“ကေသီ...နင်မုန့်အရမ်းစားတယ်နော်”

“ထမင်းလည်းစားပါတယ်။ ဒါကြောင့် ဒီမှာကြည့်... အင်္ကျီတောင်မတော်တော့ဘူး။ ဟီးဟိ”

“ဟီးဟီ”

ကေသီနှင့် ပိုပိုသည် ပြောရင်း ရယ်နေမိကြသည်။

 

“ကေသီ...ငါ့ကို တယောထိုးပြအုံးလေ”

ပိုပိုသည် ကေသီ၏အိမ်သို့သွားပြီး ကေသီထိုးပြသည့် တယောထိုးသံလေးကို နားထောင်ရသည်ကိုလည်း နှစ်ခြိုက်မိပါသည်။ အားလည်းကျမိသည်။ ကေသီက ဘုရားကျောင်းတွင်တယောလည်း ထိုးပါသည်။ သီချင်းပြိုင်ပွဲများ၊ ကျမ်းစာရွတ်ပြိုင်ပွဲများတွင်လည်း ဆုအများကြီးရရှိထားသူ ဖြစ်ပါသည်။ ကျောင်းတွင် နှစ်စဉ်ဘက်စုံထူးချွန်ဆုယူသူမှာလည်း ကေသီပင်ဖြစ်ပါသည်။

“ကေသီ၊ နင်အရမ်းတော်တာပဲနော်။ ငါလည်းနင့်လိုဖြစ်ချင်လိုက်တာ”

“ငါ့လိုဖြစ်ချင်ရင် မိဘစကားနားထောင်ပေါ့။ မိဘစကားနားထောင်သူတိုင်း ကောင်းစားတယ်”

ကေသီပြောသလိုပင် ကေသီ၏မိဘများသည် ကေသီ့ကို အလွန်ချစ်ကြောင်း၊ ကေသီကလည်း မိဘစကားနားထောင်သူဖြစ်ကြောင်း အားလုံးသိကြသည်။

 

~~~~~

  

“ဒေါင်...ဒေါင်၊ ဒေါင်...ဒေါင်”

“ပိုပို...ငါဒီမှာ”

အတန်းထဲဝင်လာသော ပိုပိုကို ကေသီကလှမ်းခေါ်လိုက်သည်။

“ဟယ်ကေသီ၊ နင်ဝတုတ်ကြီးဖြစ်သွားပြီ်။ အခုငါတို့ ငါးတန်းမှာ လုံချည်စဝတ်ရပြီနော်။ နင်ဝလာပြီဆိုတော့ လုံချည်မကျွတ်အောင် သေချာလေးဝတ်အုံး”

“အေးပါ”

တစ်ယောက်ကို တစ်ယောက်စရင်းနောက်ရင်း အတန်းသစ်တက်စ၌ ပျော်ရွှင်ဖွယ်ကောင်းလှပါ၏။ ပိုပိုရော ကေသီပါ ယခုနှစ်၌ အလယ်တန်းကျောင်းသူများဖြစ်လာကြပေပြီ။

ကျောင်းဆင်းချိန်၌

“ကေသီငါတို့ ကြိုးခုန်တမ်းကစားရအောင်နော်”

“ငါမဆော့တော့ဘူးပိုပို”

“ဟင်ဘာဖြစ်လို့လဲ နင်မကစားရင် ပျော်ဖို့မကောင်းတော့ဘူးလေ”

“ငါကြိုးခုန်ရင် အရမ်းမောတယ်။ ငါ့မေမေက ငါ့ကိုမကစားခိုင်းဘူး”

 

ထို့ကြောင့် ပိုပိုတစ်ယောက်တည်း အခြားသူများနှင့်ကစားရင်း စိတ်ထဲ၌ စဉ်းစားနေမိသည်။

“အင်...ပိုပိုပြောတာဟုတ်မှာပဲ။ ဒါကြောင့် ခုတလော နေ့လည်မှာ ကေသီ့မေမေက အဝတ်တွေလာလှဲပေးတတ်တာကိုး”

 

 

~~~~~

  

ယနေ့သောကြာနေ့တွင် ကေသီကျောင်းမတက်ပေ။ ဖျားနေ၍ ခွင့်တိုင်ထားသည်ဟု သိရသည်။ တနင်္ဂလာနေ့ေ၇ာက်တော့ ကေသီကျောင်းလာတက်ပါ့မလားဟု ပိုပိုမျော်နေမိသည်။ ကေသီအတွက် ကူးထားပေးသော စာအုပ်အသစ်ကို တကြည့်ကြည့်နှင့်။ သို့သော် ကျောင်းတက်ခေါင်းလောင်းထိုးသည်အထိ ကေသီကတော့ ပေါ်မလာပေ။ နေ့လည်ထမင်းစားချိန်ရောက်ခါနီး၌ အတန်းပိုင်ဆရာမက အခန်းထဲသို့ ပြာပြာသလဲဝင်လာသည်။

 

“သားတို့၊ သမီးတို့ရေ...ကေသီကျောင်းလာမတက်နိုင်တော့ဘူး။ နောက်လည်းဘယ်တော့မှ ကျောင်းလာတက်မှာ အဟုတ်တော့ဘူးကွယ်”

ဆရာမ နောက်ထပ် ဘာတွေပြောသလဲ ပိုပို မကြားတော့ပေ။ ကေသီ ကျောင်းလာမတက်တော့ဘူးတဲ့။ ကေသီဘယ်သွားလိုက်ပြီလဲ...။

 

 

~~~~~

 

 

ပိုပိုသည် ကေသီ့အိမ်သို့ရောက်သော် လူအများကြီးကိုတွေ့လိုက်ရသည်။ ကေသီ့ကိုတော့ အိမ်ရှေ့ရှိ ခုတင်ပေါ်တွင် ပန်းများဝန်းရံ၍ ထားထားကြသည်။ တီဗီတွင်ကြည့်ရသော စနိုးဟွိုက်မင်းသမီးလေးအိပ်နေသည့်အလားပင်။ ကေသီလှဲလျောင်းနေသည့် ခုတင်အောက်တွင် ပန်းခြင်းအများကြီးကိုလည်း တွေ့ရပါသည်။ ကေသီ့မေမေက ခုတင်ဘေးတွင် ငိုနေသည်။ ပိုပိုလည်း ကေသီ့ကုတင်ဘေးနားသို့သွား၍ ငိုနေမိသည်။

 

သွေးလွန်တုပ်ကွေးဖြစ်၍ ကေသီသေဆုံးသွားရခြင်းဖြစ်ကြောင်း သိလိုက်ရပြီးနောက် ကျောင်းမှဆရာမများ၊ အတန်းဖော်များနှင့်အတူ ကေသီ့အိမ်သို့လာခဲ့ခြင်းဖြစ်သည်။ ကေသီသည် အဝလွန်၍ သွေးလွန်တုပ်ကွေးဖြစ်ရာ၌ ခံနိုင်ရည်မရှိသောကြောင့် အခြေအနေဆိုးသွားရခြင်းဖြစ်ကြောင်းလည်း သိလိုက်ရသည်။

 

ပိုပိုသည် ငိုနေရင်း ယခင်အချိန်များ၌ ကေသီ့အိမ်သို့လာလည်တိုင်း ခြံဝမှဆီးကြိုနေတတ်သည့် ကေသီ့အသွင်ကို မြင်ယောင်လာမိသည်။ ကေသီ စာရှင်းပြသည်ကိုလည်း မြင်ယောင်လာသည်။

“ကေသီရေ... အခုငါ့ကို စာပြပေးမယ့်သူလည်း မရှိတော့ဘူး၊ ပုံပြင်ပြောပြမယ့်သူလည်း မရှိတော့ဘူး။ နင့်ရဲ့တယောထိုးသံလည်း ကြားခွင့်မရှိတော့ဘူးပေါ့။ ဟင့်ဟင့်...”

ပိုပိုသည် အလွန်ဝမ်းနည်းမိ၍ ငိုလည်းငို၊ ပါးစပ်ကလည်း တတွတ်တွတ်ပြောနေမိသည်။

“ကေသီ... ငါ့နင့်အတွက် စာတွေလည်း ကူးထားပေးတယ်လေ။ ဒီမှာ ငါယူခဲ့တယ်။ ဟင့်ဟင့်...”

 

ကေသီ့ကို မြေချမည့်နေ့၌ (၅)တန်းတစ်ခန်းလုံးရှိ ကျောင်းသူကျောင်းသားများ၊ ဆရာဆရာမများနှင့် ကျောင်းအုပ်ကြီးလည်း သွားကြပါသည်။ ကေသီ့ကို ခေါ်ဆောင်သွားမည့် ကားအရှေ့တွင် ချိန်ဆွဲထားသော ကေသီ့ဓတ်ပုံကို တွေ့လိုက်ရစဉ် ပိုပို ပို၍ငိုချင်လာမိသည်။

 

“ကေသီရေ... နောက်ဆို ငါ့အနားမှာထိုင်မယ့် နင်လည်းမရှိတော့ဘူးနော်” ဟုပြောရင်း ကေသီပေးထားသည့် ရောင်စုံစာအုပ်လေးကို ဟိုလှန်ဒီလှန်ကြည့်နေမိသည်။ စာအုပ်ပေါ်တွင်တော့ မျက်ရေစက်များက ပိုးပိုးပေါက်ပေါက်ကျနေတော့သည်။

 

“ကေသီရေ...နင်ကြည့်ပါအုံး။ နင့်ကို ချစ်တဲ့သူတွေ အများကြီးပါလား” ကေသီ့ကို လိုက်ပို့ကြသည့် ကားတန်းကြီးက အရှည်ကြီးပင်။ “နင်က သူများကို တကယ်ကူညီပေးတဲ့သူ။ စိတ်ကောင်းရှိတဲ့သူပါ။ ငါတို့အားလုံးရဲ့ရင်ထဲမှာ နင်အမြဲတမ်းရှိနေပါတယ်။ ပြီးတော့ နင်ကသခင်ယေရှုကို လက်ခံယုံကြည်တဲ့သူဖြစ်တဲ့အတွက် ဘုရားသခင်ရှိတဲ့ ကောင်းကင်နိုင်ငံကို ရောက်နေပြီလို့ ငါယုံကြည်ပါတယ်။ ငါတို့တွေ အားလုံး တစ်နေ့ ပြန်ဆုံကြရမှာပေါ့။ ကျေးဇူးတင်ပါတယ် ကေသီရယ်။ နင့်ကြောင့် ငါဟာ သခင်ယေရှုဘုရားကို သိမြင်ယုံကြည်ခွင့်ရခဲ့တယ်။ ကျေးဇူးပါဟာ... ”

 

ဟိုးလွန်ခဲ့သော နှစ်ပေါင်း(၂၀၀၀)ကျော်က လမ်းပြကြယ်သည် ပညာရှိများကို သူငယ်တော်ယေရှုမွေးဖွားရာ ဗက်လင်မြို့ဆီသို့ လမ်းပြပို့ဆောင်ခဲ့ပါသည်။ လမ်းပြကြယ်သာမရှိခဲ့လျှင် ပညာရှိများသည် သူငယ်တော်ယေရှုလေးကို ရှာဖွေတွေ့ရှိနိုင်ပါ့မလား။ ပိုပို၏ အမည်းရောင်ဖြစ်နေသည့် ဘဝလေးကို အဖြူရောင်အသက်တာသို့ ရောက်ရှိရန်လည်း သူငယ်ချင်းကေသီပင် လမ်းပြခဲ့ပါသည်။ လမ်းပြကြယ်လေးရှိခဲ့ပါသည်။ ပိုပို့ ရင်ထဲတွင် ထာဝစဉ်ရှိနေပါအုံးမည်။ ထိုလမ်းပြကြယ်လေး မည်သို့မျှ မကြွေနိုင်ပါ။

 

 

ကောင်းတဲ့ဒီဇိုင်းနဲ့ မကောင်းတဲ့ဒီဇိုင်း ဘာတွေကွာခြားလဲ

ည(၉)နာရီနောက်ပိုင်းမှ အဆောင်ပြန်လာမိတဲ့နေ့တွေဆို ကျွန်မရဲ့စိတ်တွေ နဲနဲတော့ ကသိကအောင့် ဖြစ်မိတာ အမှန်ပါပဲ။  အဓိကအကြောင်းရင်းကတော့ အဆောင်ရဲ့ ဝင်းတံခါးမကြီးကြောင့်ပေါ့။ အဆောင်မှာက ည(၉)နာရီတိတိမှာ တံခါးပိတ်ပါတယ်။




(ဓတ်ပုံများကိုတော့ တံခါးစောင့်ကို အကူအညီတောင်းပြီး
သရုပ်ဖော်ရိုက်ကူးထားခြင်း ဖြစ်ပါတယ်။
 ည(၉)နာရီမှဆိုရင် မှုံမှုံဝါးဝါးဖြစ်နေမှာဆိုးလို့
မြင်သာထင်သာရှိတုန်း ရိုက်ထားခြင်းပါ။
အမှန်ကတော့ ည(၉)နာရီမှ အဆောင်တံခါးပိတ်တာပါ။)



 (တယောက်ယောက်က တံခါးကို ကိုင်ထားပေးမယ်ဆိုရင်တော့ ပိုပြီးအဆင်ပြေပါတယ်။ ဒါပေမယ့်လည်း တံခါးအောက်ကဘောင်ကြောင့် စက်ဘီးကိုတော့ မှပြီးသွင်းယူရပါတယ်။)

 

စက်ဘီးကို အဆောင်အပြင်မှာပဲ ရပ်ထားမယ်ဆိုရင် ပြဿနာတော့ မရှုပ်ဘူးပေါ့။ ဒါပေမယ့် စက်ဘီးပျောက်မှာစိုးတဲ့အတွက် ပြန်လာတိုင်း စက်ဘီးကိုပါ တပါတည်း အဆောင်ထဲသွင်းယူလာခဲ့တယ်။ ဒီတော့ အလုပ်နဲနဲရှုပ်ရပြီ။ အဲလိုနေ့တွေဆို အဆောင်ပြန်လာတိုင်း ဒီတံခါးမကြီးကို မေတ္တာပို့နေမိတော့တယ်။ တံခါးမကြီးကိုဖွင့်ဖို့ အဆောင်ကျောင်းသားကဒ်နဲ့ တံခါးပေါက်နားမှာရှိတဲ့စက်မှာ အရင်ပြရပါသေးတယ်။ ဒါပေမယ့်စက်ရှေ့မှာ ကျောင်းသားကဒ်ပြပြီး တံခါးဖွင်လို့ရတာနဲ့ (၁)မိနစ်ကျော်သွားတဲ့အထိ တံခါးကိုဆက်ဖွင့်ထားအုံးမယ်ဆိုရင် စက်က တီးတီးတီးနဲ့ အော်လို့မဆုံးတော့ပါဘူး။ တံခါးကလည်း ဖွင့်ပြီး သူ့ဟာသူပွင့်နေတာမျိုးလည်း မဟုတ်ပြန်ဘူး။ တံခါးပြန်မပိတ်သွားအောင် လက်တဖက်နဲ့ တွန်းထားရသေးတယ်။ နောက်လက်တစ်ဖက်နဲ့က စက်ဘီးကို ပြန်ပြီးမသွင်းရသေးတယ်ဆိုတော့ အချိန်ကကြာပါတယ်။ တဖက်ကလည်း တတီးတီးနဲ့အော်နေပြန်တော့ စိတ်ကတော်တော်လေး ရှုပ်ရပါတယ်။ အဖော်မပါပဲ တယောက်တည်းဆိုရင် ဒီတံခါးကြီးကြောင့် တကယ်စိတ်ညစ်ဖို့ကောင်းတာပါပဲ။


အဆောင်အပြင်ကို ထွက်မယ်ဆိုရင်လည်း ပုံပါအတိုင်း အလှုပ်ရှုပ်ပါသေးတယ်။ ည(၉)နာရီမထိုးခင်အထိဆိုရင်တော့ ကိစ္စမရှိဘူးပေါ့လေ။ ည(၉)နာရီနောက်ပိုင်း ထွက်လို့ကတော့...

 

 

                                   

ဒါကြောင့် ကျောင်းဝင်းထဲက တခြားအဆောင်တွေရောက်တိုင်း  ဝင်းတံခါးမကြီးတွေကို ပိုပြီးအာရုံစိုက်လာမိတယ်။ ဝင်းတံခါးဆိုတာက ခြံဝင်းကိုလုံခြုံမှုပေးနိုင်သလို ဒီတံခါးမကြီးကနေ ဝင်ထွက်သွားလာသူတွေကို နှုတ်ဆက်စကားပြောနိုင်တဲ့သူဆိုရင်လည်း မမှားပါဘူး။ မောမောပန်းပန်းနဲ့ ပြန်လာတဲ့သူတွေကို ဒီတံခါးမကြီးကပဲ အရင်ကြိုဆိုတာပဲမဟုတ်ဘူးလား။ ဒီလိုတာဝန်ယူထားတဲ့တံခါးမကြီးက ဝင်လာတဲ့သူကို စိတ်ရှုပ်မှုပေးတော့ ပိုပြီးမောရတာပေါ့။ ဒါကြောင့် ကျွန်မနေတဲ့ အဆောင်နံပတ်(၈)ရဲ့ ဝင်းတံခါးရဲ့ အားနည်းချက်ကိုမြင်ပြီး တခြားအဆောင်ရဲ့ ဝင်းတံခါးမကြီးတွေကို အားကျနေမိတော့တယ်။






(အဆောင်နံပတ်(၁) ဝင်းတံခါးပါ။)

(အဆောင်နံပတ်(၅) ဝင်းတံခါးပါ။)

ည(၉)နာရီမထိုးခင်အထိတော့ မိန်းကလေးအဆောင်တိုင်းမှာ ဝင်းတံခါးမကြီးကို ဖွင့်ထားတတ်ပါတယ်။ ည(၉)နာရီနောက်ပိုင်း အဆောင်ဝင်းတံခါးပိတ်ရင်တော့ ဘေးနားက တံခါးပေါက်အသေးကို ကဒ်နဲ့ဖွင့်ပြီးဝင်ရပါတယ်။ ဒီအဆောင်(၁)နဲ့(၅)တို့ရဲ့ ဝင်းတံခါးပေါက်အသေးရဲ့ ကောင်းချက်ကတော့ တံခါးအောက်ဘောင်မရှိတာပါပဲ။ ဒါကြောင့် စက်ဘီးတွန်းပြီးဝင်မယ်ဆိုရင်လည်း ပြဿနာမရှိပါဘူး။ အဆောင်နံပတ်(၁)ရဲ့ တံခါးပေါက်အသေးဆိုရင် စက်မှာကဒ်ပြလိုက်တာနဲ့ တံခါးကသူ့အလိုလိုပွင့်သွားတဲ့ဟာမျိုးပါ။ လက်နဲ့တွန်းထားစရာလည်းမလိုတော့ သူများဖွင့်တာနဲ့ကြုံလို့ရှိရင် ကိုယ်ပါတခါတည်း စက်ဘီးစီးပြီး ဝင်သွားလို့ရပါတယ်။ အဆောင်နံပတ်(၁)နဲ့ (၅)တို့ရဲ့ ဝင်းတံခါးကြီးဟာ သွားလာသူတွေအတွက် တကယ်ပဲ အဆင်ပြေလှပါတယ်။

 

လိုအပ်ချက်တွေကြောင့် တီထွင်မှုတွေရှိလာကြရတယ်ဆိုတာ ကျွန်မတို့အားလုံး သိထားကြပါတယ်။ ဒါပေမယ့် တီထွင်မှုဆိုတဲ့နေရာမှာ အသုံးတဲ့ရုံ၊ ပုံစံပေါ်ရုံလောက်နဲ့တော့  ဖြစ်ကတတ်ဆန်း မဖြစ်ချေဘူး။ ကျွန်မတို့အတန်းထဲမှာ ဆရာတွေ ခဏခဏပြောနေကျစကားကတော့ အင်ဂျင်နီယာတစ်ယောက်အနေနဲ့ ဒီဇိုင်းတီထွင်တဲ့နေရာမှာ အဓိက ခေါင်းထဲထည့်ထားရမှာကတော့

(၁) လုံခြုံမှု safety of products
(၂) ငွေကြေးအကုန်အကျသက်သာမှု economy of products
(၃) ဒီဇိုင်းလှပမှု beauty of products
စသဖြင့်ပေါ့လေ။ ဒါ့အပြင် ကောင်းတဲ့ဒီဇိုင်းနဲ့ မကောင်းတဲ့ဒီဇိုင်းကြားမှာ ဘာတွေကွာခြားမှုရှိလဲဆိုတဲ့အဖြေကို နောက်ယောင်ခံကြည့်မယ်ဆိုရင် ဒီဇိုင်းထုတ်ကုန်ပစ္စည်းတစ်ခုဟာ အသုံးပြုသူအတွက် သက်တောင့်သက်တာရှိမှု၊ အဆင်ပြေမှုတွေရှိနေဖို့ အလွန်အရေးကြီးပါတယ်။ ဒါ့ကြောင့် တီထွင်သူနဲ့ အသုံးပြုသူကြားထဲက ဟာကွက်ကို ကျွန်မတို့ရဲ့ အဆောင်နံပါတ်(၈)ဝင်းတံခါးမကြီးက ဖော်ပြနေပါပြီ။


မကြာပါဘူး။ အဆောင်သူအားလုံးရဲ့ ရင်တွင်းစကားကို ကျောင်းအုပ်ချုပ်သူများ သိသွားတယ်နဲ့တူပါတယ်။ ကျွန်မတို့အဆောင်ရဲ့ ဝင်းတံခါးမကြီးကို အသစ်ပြန်ပြီး ပြုပြင်မယ်ဆိုတဲ့ စကားနဲ့အတူ နွေရာသီကျောင်းပိတ်၇က်အတွင်းမှာ အကောင်အထည်ဖော်လိုက်ကြပါတယ်။ အခုဆိုရင် အဆောင်နံပတ်(၈)ဟာ ဒီဇိုင်းအသစ်နဲ့ ပြန်လည်ဆောက်လှုပ်ထားတဲ့ ဝင်းတံခါးကြီးနဲ့အတူ ပိုပြီးလှပနေပါတော့တယ်။






တည်သောစကား

ယနေ့စောစောထ၍ အခန်းတံခါးဖွင့်လိုက်သည်နှင့် ချမ်းစိမ့်စိမ့်လေနုအေးကြောင့် လူကသိမ့်ကနဲဖြစ်သွားသည်။ သြော်...ဆောင်းတောင်ဝင်လာပြီကိုး။ ဆောင်းရာသီဝင်လာပြီဖြစ်၍ လက်တွန်းသေတ္တာလေးထဲ၌ ထည့်သိမ်းထားသော အနွေးထည်များကိုထုတ်၍ အဝတ်ဗီရိုထဲသို့ပြောင်းထည့်ရန် အသိကဝင်လာသည်။ သို့နှင့် မြန်မာပြည်ကတည်းကယူလာသော လက်တွန်းသေတ္တာလေးကို အခန်းထောင့်မှ တွန်းယူလိုက်သည်။ လက်တွန်းသေတ္တာလေးကို ဆွဲဖွင့်ဖို့လုပ်တော့ ကျွန်မလက်များ ခေတ္တ ရပ်တန့်သွားသည်။ ခြေကရပ်နိုင်စွမ်းမရှိတော့။ သို့နှင့် ကုတင်ပေါ်သို့ ထိုင်ချလိုက်ရတော့သည်။ သြော်...ဘာလိုလိုနဲ့ ငါအိမ်ကထွက်လာတာ ဒီနှစ်ဆို (၆)ကြိမ်မြောက်ဆောင်းရာသီတောင် ရောက်လာခဲ့ပြီပဲ။



“အန်တီရဲ့ ဆိုင်မှာ လက်တွန်းသေတ္တာအိတ်လေးတွေတောင် တင်ထားပါလား”
ကျွန်မနှင့် ရင်းနှီးသည့် အန်တီတစ်ယောက်၏ အိမ်ဆိုင်လေးသို့အရောက် အသစ်တင်ထားသော လက်တွန်းသေတ္တာများကို တွေ့လိုက်၍ ပြောလိုက်ခြင်းဖြစ်သည်။
“ဟုတ်တယ် မင်မင်ရေ။ မင်မင်သာနိုင်ငံခြားသွားရတဲ့တစ်နေ့ အန်တီ့ဆိုင်က အကောင်းဆုံးလက်
တွန်းသေတ္တာအိတ်လေးတစ်ခုကို မင်မင့်ကိုလက်ဆောင်ပေးမယ်”
အဲဒီ အန်တီက ကျွန်မထိုင်ဝမ်နိုင်ငံသို့သွားရန် ကြိုးစားနေသည်ကို သိ၍ပြောခြင်းလား၊ အားပေခြင်းလား။ကျွန်မမသိပေ။



ထိုင်ဝမ်နိုင်ငံသို့သွားရောက် ပညာသင်ရန် လူရွေးချယ်သည့် စာမေးပွဲကို မြန်မာနိုင်ငံ၌ နှစ်စဉ်ကျင်းပလျက်ရှိပါသည်။ ပါဝင်ဖြေဆိုကျသည့်သူများမှာ မြန်မာတစ်နိုင်ငံလုံးရှိ ပြည်နယ်နှင့်တိုင်းအသီးသီးမှဖြစ်၍ လူဦးရေကများပါသည်။ ထိုနှစ်ကဆိုလျှင် ဖြေဆိုသူအယောက် (၉၀၀)ကျော်ရှိသော်လည်း လူခေါ်ဦးရေက သုံးပုံတစ်ပုံပင်မရှိဟု သိရသည်။ မြန်မာနိုင်ငံအတွက် ခေါ်ယူသည့် လူဦးရေက အခြားနိုင်ငံများနှင့် ယှဉ်လျှင်နည်းလှပါသည်။ ထို့ကြောင့် စာမေးပွဲဖြေစနစ်ဖြင့် ရမှတ်အနည်းအများစီကာ ခေါ်ယူသည့် ဦးရေအပေါ်ကြည့်၍ အောင်ခြင်းကျခြင်းကို ဆုံးဖြတ်ခြင်းဖြစ်သည်။ ဥပမာပြောရလျှင် ယခုနှစ်အတွက် လူဦးရေ (၁၀၀) ခေါ်ယူလျှင် ဖြေဆိုသူများထဲမှ ရမှတ်များစီ၍ အမှတ်အများဆုံး (၁၀၀) ယောက်က ထိုင်ဝမ်နိုင်ငံသို့ သွားရောက်ပညာသင်ယူခွင့်ရခြင်းဖြစ်သည်။

              ######

 

 

 

ထိုနှစ်က ကျွန်မစာမေးပွဲကျသည်။ မနက်စောစော အောင်စာရင်းသွားမကြည့်ရဲ၍ အဖေက ကျွန်မအတွက် သွားကြည့်ပေးခဲ့သည်။ အဖေ့ဆိုင်ကယ်သံကြားသည်နှင့် ကျွန်မအိမ်ရှေ့သို့ အပြေးသွားလိုက်သည်။ “မင်မင် ၊ သမီးနောက်နှစ် ပြန်ကြိုးစားပါအုံးနော်” ဆိုင်ကယ်စက်သံကြားမှ ကြားလိုက်ရသော နောက်နှစ်ပြန်ကြိုးဖို့ပြောလိုက်သည့် အဖေ့အသံက မိုးကြိုးပစ်သံထက် ကျယ်လောင်လွန်းလှသည့်နှယ်။ ကျွန်မပါးပြင်ပေါ်သို့ မျက်ရေမိုးများက တဖြိုင်ဖြိုင် သွန်းဖြိုးသွားတော့သည်။ အဖေ ကျွန်မအပေါ် မျော်လင့်ထားသည်ကိုသိ၍ ခံစားရသည်။ ထိုထက်ပို၍ ပြောရလျှင် ရှက်မိသည်က များပါသည်။ ဆရာ့သမီးက စာမေးပွဲမအောင်ဆိုသည့်အဖြစ်အတွက် အဖေ့ကို အားနာမိသည်။ စာအတူကျက်သည့် သူငယ်ချင်းနှစ်ယောက် အိမ်သို့လာကာအားပေးသည့် မျက်လုံးများအောက်၌ ခံစားရသည်။ စာမေးပွဲကျသူများ၏ ခံစားချက်ကို ထိုအခါမှ နားလည်လိုက်ရသည်။ တွေ့သမျှ မျက်လုံးများက မိမိကိုပဲ လောင်ရီနေသလို။ ခံစားချက်အားလုံးအတွက် ကျွန်မရဲ့မေးခွန်းက တစ်ခုတည်းရယ်။ “ဘုရားသခင်၊ သမီးကို ဘာကြောင့်လူတွေရှေ့မှာ အရှက်ရဝမ်းနည်းစေရတာလဲ။ ဘာကြောင့်လဲ”



စာမေးပွဲအတွက် အစွမ်းကုန်ကြိုးစားခဲ့ပါသည်။ ကျူရှင်လည်းတက်ခဲ့သည်။ သူငယ်ချင်းများနှင့်အတူပေါင်း၍ စာများကျက်ခဲ့သည်။ ဆုလည်းတောင်းခဲ့သည်။ အောင်မည်ဟုလည်း ယုံကြည်ခဲ့သည်။ သို့သော် ရလဒ်က နာမည်စာရင်းမပါခဲ့ပါ။ ကျွန်မခံစားခဲ့ရပါသည်။ ဘုရားကျောင်းသွား၍ ချီးမွမ်းသီးချင်းများဆိုနေသည့်ကြားမှ  ရှုံးနိမ့်မှုအတွက် မျက်ရေများ စီးကျရသည်။ အိမ်၌ အိမ်မှုကိစ္စလှုပ်စဉ်အချိန်၌လည်း စဉ်းစားရင်းစဉ်းစားရင်း ဝမ်းနည်းရသည်။ ထာဝရဘုရားက သူ့ကိုအားကိုးလျှင် အောင်မြင်မှုရသည်ဟု ကျမ်းစာ၌ ပြောထားသည်မဟုတ်လား။ သို့သော် အဘယ်ကြောင့်နည်း။ ကျွန်မ အဖြေရှာမရပါ။



ထိုနှစ် စာမေးပွဲကျသည့်နှစ်၌ ကျွန်မတို့ဘုရားကျောင်း၏ နှစ်(၅၀) ရွှေရတုပွဲတော်ကို ကျင်းပဖို့လည်း စီစဉ်နေသည့်နှစ်ဖြစ်သည်။ “ငါတို့ရဲ့ သူငယ်ချင်းကြီးတော့ ထိုင်ဝမ်သွားဖို့ မပါရှာဘူးကွယ်။ ဘုရားက နှစ်၅၀ ပွဲအတွက် အသုံးလိုလို့ ဖြစ်မယ်နော်” ဆိုပြီး ဘုရားကျောင်းမှ သူငယ်ချင်းများက ကျွန်မကို အားပေးခဲ့ကြပါသည်။ သူတို့ပြောသည့်အတိုင်းလည်း ထိုနှစ်က ဘုရားကျောင်း၌ ကျွန်မ ပို၍ပါဝင်ဖြစ်သည်။ တနင်္ဂနွေ ကလေးဥပုသ်စာဖြေကျောင်းရှိ ကျွန်မအခန်းမှ ကလေးများကို ဦးဆောင်၍ နှစ်၅၀ပွဲတော်အတွက် အကများတိုက်ဖြစ်သည်။ လူငယ်သံစုံတေးဆိုအဖွဲ့၌်လည်းပါဝင်ကာ သီချင်းများလေ့ကျင့်ခဲ့ကြသည်။ ထို့ပြင်  စနေနေ့တပတ်ခြားတိုင်း ကျွန်မတို့မြို့နှင့် ၇မိုင်အကွာတွင်ရှိသော အောင်မြေ(၁)ရွာလေးသို့သွားကာ သခင်ယေရှုအကြောင်း ဧဝံဂေလိသတင်းကောင်းများကိုလည်း ဆရာများနှင့်အတူ သွားရောက်ပြောခဲ့ကြသည်။ သို့နှင့် စာမေးပွဲကျသည့် ကျွန်မ၏စိတ်ဒဏ်ရာများမှာ တဖြေးဖြေးသက်သာလာကာ ဘုရားကျောင်းအလုပ်များနှင့် ပျော်နေတော့သည်။



“သမီး ပြန်ဖြေမယ်ဆိုရင် စာလည်းကျက်အုံးလေ။ ဒီတခေါက် စာမေးပွဲပြန်ဖြေဖို့ပေးတဲ့ ပိုက်ဆံက နောက်ဆုံးပဲနော် ” ဆိုပြီး အဖေကပင် ကျွန်မကို ဂရုဏာဒေါသနှင့် ပြောလာသည်အထိပေ။   “စိတ်ချပါ ပါးရဲ့။ သမီးနောက်နှစ် တကယ်သွားကိုသွားရမှာ” ကျွန်မကတော့ နောက်နှစ်သွားခွင့်ရလိမ့်မည်ဟု တထစ်ချ စိတ်ချနေပါသည်။ စာကျက်သည့်အချိန်ကျက်သည်။ ဘုရားကျောင်းအလုပ်လုပ်သည့်အခါ ပျော်ပျော်ပါးပါးလုပ်လိုက်သည်။ နောက်နှစ်လူခေါ်သည့်စာရင်းတွင် ကျွန်မနာမည် ပါဝင်လိမ့်မည်ဟု ယုံကြည်နေသည့်အဖြစ်က အကြောင်းရှိပါသည်။ ကျွန်မလိုချင်သည့် မျော်မှန်းချက်ရပြီဟု ကျွန်မကို ကြိုတင်ဟောကိန်းထုတ်ထားသူ ရှိသည်လေ။ သူက ထာဝရဘုရားပင်ဖြစ်သည်။



တနေ့၌ ကျမ်းစာဖတ်နေသည့်အချိန်ဝယ် ကျမ်းပိုဒ်လေးတစ်ပိုဒ်ကို ဖတ်မိလိုက်သည်။  တမန်တော်ဝတ္တု အခန်း၃၊ ၁-၁၀။
၁ ထိုအခါ ပဌနာပြုရသော သုံးချက်တီးအချိန်၌ ပေတရုနှင့်ယောဟန်တို့သည် ဗိမာန်တော်သို့ တက်ကြ သည်ရှိသော်၊

၂ အမိဝမ်းတွင်းကပင် ခြေမစွမ်းသောသူတယောက်ကို သူတပါးတို့သည် ထမ်းလျက်လာကြ၏။ ဗိမာန်တော်သို့ ဝင်သောသူတို့မှာ စွန့်ကြဲခြင်းကိုခံစေခြင်းငှါ၊ တင့်တယ်အမည်ရှိသော တံခါးနားမှာ ထိုသူကိုထား လေ့ရှိ၏။

၃ ပေတရုနှင့်ယောဟန်တို့သည် ဗိမာန်တော်သို့ ဝင်မည်လာကြသည်ကို ထိုသူသည်မြင်လျှင် စွန့်ကြဲ ပါဟုတောင်းလေ၏။

၎ ထိုအခါ ပေတရုနှင့်ယောဟန်တို့သည် ထိုသူကို စေ့စေ့ကြည့်ရှု၍ ငါတို့အားမျှော်ကြည့် လော့ဟု ဆိုလျှင်၊

၅ ထိုသူသည် တစုံတခုကိုရမည်ဟု စိတ်ထင်နှင့် တမန်တော်တို့ကိုမျှော်ကြည့်လျက်နေ၏။

၆ ပေတရုကလည်း၊ ငါ၌ရွှေငွေမရှိ၊ ရှိသည်အရာကိုသင့်အားပေးမည်။ နာဇရက်မြို့သား ယေရှုခရစ်၏ နာမတော်အားဖြင့် ထ၍လှမ်းသွားလော့ဟုဆိုလျက်၊

၇ သူ၏လက်ျာလက်ကို ကိုင်ဆွဲချီကြွလေသောခဏချင်းတွင်၊ ခြေနှစ်ဘက်ဖမျက်စိတို့သည် စွမ်းအားကိုရသဖြင့်၊

၈ ရုတ်တရက်ထ၍ မတ်တပ်ရပ်ပြီးလျှင် လှမ်းသွားလေ၏။ သွားလျက်၊ ခုန်လျက် ဘုရားသခင်ကိုချီးမွမ်းလျက်၊ တမန်တော်တို့နှင့်အတူ ဗိမာန်တော်သို့ဝင်လေ၏။

၉ ထိုသို့လှမ်းသွား၍ ဘုရားသခင်အား ချီးမွမ်းသည်ကို လူအပေါင်းတို့သည်မြင်သောအခါ၊

၁၀ ထိုသူသည် ဗိမာန်တော်၏ တင့်တယ် တံခါးနားမှာ စွန့်ကြဲခြင်းကိုခံ၍ ထိုင်နေသောသူဖြစ်သည်ကို သိကြသောကြောင့်၊ သူ၌ဖြစ်သည်အမှုကို အံ့သြ မိန်းမောတွေဝေခြင်းရှိ၍၊ 

 

 

 

 ထိုကျမ်းပိုဒ် အခန်း၌ ဖော်ပြထားသည့် အကြောင်းအရာက တစ်နေ့၌ သခင်ယေရှု၏ တပည့်တော်များထဲမှ ပေတရုနှင့် ယောဟန်တို့သည် ဗိမာန်တော်သို့အသွား၊ တင့်တယ်အမည်ရှိသော တံခါးနား၌ တောင်းစားလျက်ရှိသော မွေးစကပင်ခြေမသန်သည့်သူက ထိုသူတို့ကိုမြင်၍ စွန့်ကြဲရန်တောင်းဆိုလိုက်သည်။ ပေတရုနှင့် ယောဟန်တို့က ထိုခြေမသန်သည့် သူတောင်းစားအား မိမိတို့ကို မျော်ကြည့်ရန် ပြောလိုက်ကြသည်။ သူတောင်းစားကလည်း သူ့အားတစ်စုံတစ်ရာ စွန့်ကြဲတော့မည့်ဟု ထင်၍ မျော်ကြည့်လိုက်၏။ သို့သော်  ပေတရုပြောလိုက်သည့်စကားက သူမျော်လင့်ထားသည်နှင့် လွဲသွားသည်။ ပေတရုပြောလိုက်သည်က “ ငါ၌ရွှေငွေမရှိ၊ ရှိသည်အရာကိုသင့်အားပေးမည်။ နာဇရက်မြို့သား ယေရှုခရစ်၏ နာမတော်အားဖြင့် ထ၍လှမ်းသွားလော့” ။ သူတောင်းစားဖြစ်သူတစ်ယောက်အနေနှင့်  ရလိုသည့်အရာက သူအသုံးလိုသည့်ပစ္စည်းများကို ဝယ်ယူလို့ရနိုင်မည့် ရွှေ သို့မဟုတ်ငွေ။ သို့သော် ပေတရုက သူအသုံးလိုသည့် ရွှေနှင့်ငွေထက် တန်ဖိုးကြီးသည့် အရာကို ပေးလိုက်ပါ၏။ သခင်ယေရှုနာမဖြင့် သူတောင်းစား၏မသန်သည့် ခြေထောက်ကို သန်စွမ်းကောင်းမွန်ခွင့်ကို ပေးလိုက်ပါသည်။ ခြေထောက်စွမ်းသူဖြစ်သွားပါက သူတစ်ပါးစွန့်မှ စားရသည့်သူတောင်းစားဘဝမှ လွတ်မြောက်သွားမည်ကို ကြို၍ သိထားသည်လေ။ သူတောင်းစားဖြစ်သူအနေနှင့်မူ လတ်တလောပြေလည်နိုင်သည့် တစ်နေ့တောင်း၍ တစ်နေ့စားနိုင်မည့်အရေးအတွက်သာ သိသည်။ တောင်းသည်။ တကယ်တမ်း သူလိုအပ်နေသည့်အရာကိုတော့ သူမသိပေ။ မတောင်းခဲ့ပေ။ သို့သော် ကျေးဇူးတော်ကြောင့် သခင်ယေရှု၏နာမဖြင့် သူ့ဘဝတစ်လျှောက်လုံးလိုအပ်သည့် ခြေထောက်ကောင်းခွင့်ကိုရသွားပါတော့သည်။ ခြေထောက်ကောင်းသွားသည်နှင့် သူလိုသည့် ရွှေနှင့်ငွေများကိုလည်း သူကိုယ်တိုင်ရှာဖွေသွားနိုင်လေပြီ။

 

 

 

ဤအကြောင်းအရာအားဖြင့် ဘုရားက ကျွန်မကို စကားပြောလိုက်သည်ကို နားလည်လိုက်သည်။ ကျွန်မလည်း လတ်တလော စာမေးပွဲအောင်ခွင့် ၊နိုင်ငံခြားသွားခွင့်အရေးလေးကိုသာ တတွတ်တွတ် တောင်းနေမိခဲ့သည်။ သို့သော် ကျွန်မလိုချင်သည့်အရာအပြင် တကယ်တမ်းလိုအပ်နေသည့်အရာကိုပါ ဘုရားသခင်က ပေးလိုက်ပြီဖြစ်ကြောင်း ထိုကျမ်းပိုဒ်လေးဖြင့် ကျွန်မစိတ်ချသွားသည်။

 

 

 

#####

 

 

 

ဒုတိယအကြိမ် ထိုင်ဝမ်စာမေးပွဲကို ကျွန်မပြန်ဖြေခဲ့သည်။ ကျွန်မယုံကြည် စိတ်ချသည့်အတိုင်း အောင်မြင်ခဲ့ပါသည်။ သို့နှင့် ထိုင်ဝမ်နိုင်ငံသို့ ကျွန်မရောက်လာခဲ့သည်။ ထိုင်ဝမ်သို့ရောက်သော် နောက်ထပ် စာမေးပွဲတစ်ကြိမ် ပြန်ဖြေရပြန်သည်။ မြန်မာနိုင်ငံ၌ ဖြေသည့်စာမေးပွဲက ထိုင်ဝမ်နိုင်ငံသို့သွားခွင့်ရမည့် လူရွေးချယ် စာမေးပွဲဖြစ်သည်။ ထိုင်ဝမ်နိုင်ငံ၌ ပြန်ဖြေရသည့် စာမေးပွဲက တက္ကသိုလ်ဝင်ခွင့်ရရန် ဖြေရခြင်းဖြစ်သည်။ မိမိဖြေဆိုအောင်မြင်သည့် ရမှတ်ပေါ်မူတည်၍ သင့်တော်သည့် တက္ကသိုလ်များသို့ ဝင်ခွင့်ရခြင်းဖြစ်သည်။ သတ်မှတ်ထားသည့်အမှတ်မမှီလျှင် တက္ကသိုလ်အကြိုကျောင်းတွင် တစ်နှစ်ပြန်တက်ရောက်ရသည်။ တစ်ချို့က မိမိမျော်မှန်းထားသည့် တက္ကသိုလ်သို့ ဝင်ခွင့်မရလျှင် တက္ကသိုလ်အကြိုကျောင်းကိုသာ မိမိစိတ်ကြိုက်ပြန်တက်၍ ဝင်ခွင့်ပြန်ဖြေကြသူများလည်းရှိပါသည်။ ကျွန်မအနေနှင့်လည်း တရုတ်စာ အခြေခံနည်း၍ တက္ကသိုလ်အကြိုကျောင်းသို့သာ သွား၍တက်ရန် မြန်မာနိုင်ငံကတည်းမှ စဉ်းစားထားခဲ့ပါသည်။

 

 

 

“မင်မင်...စာမေးပွဲဖြေလို့ ထိုင်ပေမြို့တွင်းမှာရှိတဲ့  နာမည်ကြီးကျောင်း(၅)ကျောင်းထဲက တစ်ခုခုကို ဝင်ခွင့်ရလို့က ကြိုက်တာတောင်း။ လိုချင်တာ ဝယ်ပေးမယ်”

တက္ကသိုလ်ဝင်ခွင့်စာမေးပွဲဖြေခါနီး၌ ထိုင်ဝမ်သို့ကျွန်မထက်(၃)နှစ်စော၍ရောက်နေသည့် ကျွန်မနှင့်ရင်းနှီးသောအစ်မတစ်ယောက်က ကျွန်မကို ဤသို့အားပေးခဲ့ပါသည်။

 

 

 

စာမေးပွဲဖြေပြီး၍ (၁)လလောက်နေတော့ အောင်စာရင်းနှင့်တကွ မိမိတက်ရောက်ရမည့် တက္ကသိုလ်နာမည်ထွက်လာပါသည်။

“မင်မင်... နင် ထိုင်သာ့ ရတယ်” ။ ကျွန်မထက်ကြို၍ အောင်စာရင်းကြည့်ပြီးသည့် သူငယ်ချင်းများက ကျွန်မကို ဖုန်းဆက်လာကြသည်။ ထိုင်သာ့ ။ ထိုင်သာ့ ။ ကျွန်မနားထဲ၌ ထိုင်သာ့ ၊ထိုင်သာ့ နှင့် ပလူပျံအောင် ကြားနေရတော့သည်။ ထိုင်သာ့ဆိုသည်ကို ကျွန်မ မသိပေ။ ကျွန်မသိသည်က တက္ကသိုလ်ကြိုကျောင်း နာမည်တစ်ခုကိုသာသိသည်။ နောက်မှ သိရသည်က ထိုင်သာ့ဆိုသည်က ထိုင်ဝမ်နိုင်ငံရှိ နံပတ်(၁) တက္ကသိုလ်ဖြစ်သည်။ National taiwan University ။ ထိုင်ဝမ်နိုင်ငံ၌ တရုတ်အခေါ်အရ ထိုင်သာ့ဟုသာ အားလုံးက အတိုကောက်ခေါ်ကြခြင်းဖြစ်သည်။ ကျွန်မကိုယ်တိုင်လည်း ထိုကျောင်းရ၍ မိမိကိုယ်ကို အံ့သြမိသည်။ စာမေးပွဲ၌ ဘာတွေဖြေခဲ့သည်မသိတော့။ ရလဒ်ကတော့ ကျောင်းကောင်းတက်ခွင့်ရသွားပါသည်။ ဟာလေလုယာ။ ဘုရားသခင်၏ အစွမ်းသည် ကြီးလှပါ၏။ ကျွန်မမျော်မှန်းထားသည်က ပုရွက်ဆိတ်လောက်သာရှိသော်လည်း ဘုရားက ကျွန်မအား ဆင်လောက်ကြီးအောင် ပေးလိုက်ပါတော့သည်။

 

ထိုင်သာ့တက်ခွင့်ရ၍ တစ်ချို့သူငယ်ချင်းများက အားကြကြသည်။ တစ်ချို့က မနာလိုစကား ပြောကြသည်။ “အရင်က မင်မင်ဆို ငါ့ဆီမှာပဲ စာလာမေးနေကြ။ ငါ့လောက်လဲ တရုတ်စာမရဘူး။ ဒါနဲ့များ...”။
မည်သို့ပင်ဖြစ်စေ ဘုရားသခင်က ကျွန်မဘက်၌ရှိ၍ လူရှေ့၌ မျက်နှာရခွင့်ရပါသည်။ ထိုင်သာ့တက်ခွင့်ရ၍ “ ထိုင်သာ့ကျောင်းသူလား...”ဟူ၍ ဈေးဝယ်လျှင်လည်း ဈေးသည်၏မျက်နှာက ဝင်းပသွားသည်။ အငှားကားစီးလျှင်လည်း ကားဆရာက စကားချိုသွားသည်။ ဘယ်သွားသွား ဘယ်လာလာ ထိုင်သာ့ဆိုသည်နှင့် ထိုင်ဝမ်နိုင်ငံသားတို့က လေးစားကြပါသည်။ ထိုင်ဝမ်နိုင်ငံသားတို့အနေနှင့် ထိုင်သာ့တက်ရောက်ခွင့်ရသည်မှာ တကယ့်မဟာအခွင့်ထူးပေ။ ယုတ်စွအဆုံး သန့်ရှင်းရေးအလုပ်သမားပင် ထိုင်သာ့ကျောင်းက အလုပ်သမားဆိုကာ မိမိအလုပ်အတွက် ဂုဏ်ယူပြောဆိုသည်ကိုပင် ကြားဖူးပါသည်။ မိဘများကလည်း ထိုင်သာ့တက်ရောက်ခွင့်ရသည့် သားသမီးများအတွက် ဂုဏ်ယူကြသည်။ ထိုင်သာ့တက်ရောက်နိုင်ရန်အတွက် ငယ်ကတည်းက အလွန်ကြိုးစားမှသာရသည်ဟု ဆိုကြပါသည်။ 



ကျွန်မအနေနှင့်မူ ဘုရားသခင်၏ ကျေးဇူးပြုမူ့သက်သက်ကြောင့်သာပါ။ ကျွန်မအပေါ်ထားသည့်  ဘုရားသခင်၏ ဂရုဏာကိုလည်း အံ့သြချီးမွမ်းရပါ၏။ နိုင်ငံခြားသွားခွင့်ရလျှင် လက်တွန်းသေတ္တာအိတ်လေးပေးမည်ဟုဆိုသော အန်တီ့ထံမှလည်း အိတ်မရခဲ့ပါ။ ထိုင်ပေမြို့တွင်းရှိ ကျောင်း၌ တက်ခွင့်ရလျှင် လိုချင်တာပေးမည်ဟုဆိုသော အစ်မထံမှလည်း လက်ဆောင်မရခဲ့ပါ။ သို့သော် ဘုရားသခင်က ကျွန်မကို ဂတိပေးထားသည့်အတိုင်း ကျွန်မလိုချင်သည့်အရာနှင့် လိုအပ်သည့်အရာကိုမူ ပေးခဲ့ပါသည်။ လူများက ပြောပြီးသည့်စကားကို မေ့လျော့သွားတတ်သော်လည်း ဘုရား၏ ဂတိစကားက တည်မြဲပါ၏။ ဘုရားက ပေးမည်ဆိုလျှင် ခွက်ကြီးကြီးနှင့်သာ ထိုင်စောင့်နေပါတော့။ တစ်နေ့ရပါလိမ့်မည်။ အဘယ်ကြောင့်ဆိုသော် ဘုရား၏စကားက တည်မြဲသောကြောင့်ပင်။

ထိန်ထိန်သာလှ ဒီလိုည

“မီးထွန်းပွဲသွားကြည့်ကြရအောင်။ ဘယ်လိုလဲ။ ကလေးတွေလည်း ဒီနှစ်မီးထွန်းပွဲကို မသွားကြည့်ရသေးဘူး”
“သွားကြတာပေါ့”
သူငယ်ချင်းအားလီရဲ့ အဆိုပြုချက်ကို ကျွန်မတို့အားလုံးသဘောတူလိုက်ကြသည်။ ကျွန်မရယ် သူငယ်ချင်းစီးလန်တို့အတွဲရယ် အချိန်ညှိကာ အားလပ်ရက်လေး၌ အားလီအိမ်သို့ ရောက်နေကြခြင်းဖြစ်သည်။ အားလီဒုတိယသားလေး မွေးဖွားပြီးသည်ကိုကြား၍ သူ့အိမ်သို့သွားလည်ခြင်နေသည့်စိတ်က ခုမှအလိုပြည်တော့သည်။ သို့နှင့် သူ့အိမ်သို့ ရောက်ခဲ့ကြသည်။ သူ့မှာလည်း ကလေးနှစ်ယောက်နှင့် အိမ်၌ချည်းအချိန်ကုန်နေရ၍ဖြစ်မည်။ ကျွန်မတို့ရောက်သည်နှင့် သူတို့မြို့လေး၌ ကျင်းပသည့် မီးထွန်းပွဲသို့ သွားလည်ကြရန် ဆိုပါတော့သည်။


ထိုင်ဝမ်နိုင်ငံ၏ဒေသတိုင်း၌ နှစ်သစ်ကိုကြိုဆိုကြရာဝယ် မီးထွန်းပွဲဆင်နွှဲသည့် ပွဲတော်ကိုလည်း တပျော်တပါး ကျင်းပကြပါသည်။ တရုတ်ရိုးရာ နှစ်အလိုက်သတ်မှတ်ထားသည့် တိရစ္ဆာန်အကောင်များကို ကိုယ်စားပြု၍ နှစ်သစ်ကို ကြိုဆိုကြခြင်းဖြစ်သည်။ ကျွန်မတို့သွားလည်သည့်နှစ်က ကျားနှစ်ဖြစ်၍ ကျားရုပ်များကို ပုံစံမျိုးစံဒီဇိုင်းထွင်၍ မီးထွန်းပွဲကို ဆင်နွှဲကြခြင်းဖြစ်သည်။ ပြပွဲ၌ ကျားရုပ်အပြင် အခြားအကောင်ကာတွန်းရုပ်များကိုလည်း တွေ့ရပါသေးသည်။ ပုံစံများကလည်းဆန်း၊ အရောင်များကလည်းလန်းနေကြသည်။ ကလေးလူကြီးပျိုပျိုအိုအိုအားလုံး ပြုံးပျော်ရွှင်လန်းနေကြသည်မှာ ကြည်နူးဖွယ်ရှိလိုက်ပါပေ။



မီးထွန်းပွဲ၌ အလယ်တန်း၊ အထက်တန်းကျောင်းအသီးသီးမှ ကိုယ်စားပြုလာရောက် ပါဝင်ပြသကြသည်ကိုတွေ့ရသည်။  ကျွန်မအထင် အလှဆုံးဒီဇိုင်းလက်ရာ ပြိုင်ပွဲများလည်း ကျင်းပပေလိမ့်မည်။ ပါဝင်ကြသည့် အဖွဲ့အစည်းအသီးသီးက မိမိတို့အရုပ်များအောက်၌ အချက်အလက်များရေးထားကြသည်ကို တွေ့ရပါသည်။ အရုပ်များမှာ မီးရောင်ဖြင့် ပို၍အသက်ဝင်နေသယောင်။ ဂေါက်ရိုက်နေသည့် ကျားရုပ်ပုံလည်းရှိသည်။ ခပ်မိုက်မိုက် မြို့ပြဒီဇိုင်းနှင့် လန်းနေသည့် ကျားပုံကတစ်မျိုး၊ သဘာဝဆန်ဆန် တောတွင်းဒီဇိုင်းနှင့် ကျားပုံကတစ်ဖုံ အမျိုးစုံလှပါသည်။


 မီးထွန်းရုပ်ပြပွဲ၏ မလမ်းမကမ်း၌ မုန့်ဈေးတန်းကိုလည်း တွေ့လိုက်ရပါသည်။ သို့နှင့်တဖွဲ့လုံး ဈေးတန်းသို့သွားကာ ရေခဲမုန့်ဝယ်စားလိုက်ကြသေးသည်။ အားလီ၏သမီးကြီးက ကလေးပီပီ မုန့်လည်းစားရ အရုပ်များလည်းကြည့်ရ၍ ပျော်နေသည်မှာ မမောနိုင်မပန်းနိုင်ပေ။ ကျွန်မတို့အားလုံးလည်း ကလေးနှင့်အပြိုင် ပြုံးပျော်ကြရသည်။ သီးချင်းဆိုဖျော်ဖြေပွဲကလည်း ပွဲအတွင်း၌ အပီအပြင်နေရာယူထားပါသေးသည်။ ကျွန်မတို့မှာ သီချင်းနားထောင်ရန်ထက် ရောင်စုံကျားရုပ်များနှင့်တွဲ၍ ဓတ်ပုံရိုက်ရန်သာ စိတ်ပါနေကြသည်။ မီးရောင်စုံအရုပ်များက ပြိုးပြိုးပြက်ပြက်နှင့် လူကို ညှို့ယူနှိုင်လွန်းနေသည်လေ။ မီးရောင်စုံအရုပ်များဖြင့် ညတာက ထိန်ထိန်သာနေပါတော့သည်။

ပစ်မှတ်

“ဒိုင်း”
“ဒိုင်း..ဒိုင်း”
“ဒိုင်း...ဒိုင်း...ဒိုင်း”
ရှေ့၌ရှိသော ပစ်မှတ်အလယ်ဗဟိုတည့်တည့်ကို ချိန်ရွယ်ပြီး တဒိုင်းဒိုင်းနှင့် ပစ်ထည့်လိုက်သည်။ ပစ်မှတ်မှန်သွားသည့်အခါတိုင်း မီးက တဝင်းဝင်းပွင့်သွားသည်။ ထို့နောက် ရှေ့အနည်းငယ် အလှမ်းဝေးနေသေးသည့် ပစ်မှတ်ကိုလည်း အာရုံစိုက်၍ ပစ်ထည့်လိုက်ပြန်သည်။ မီးတဝင်းဝင်းပွင့်သွားသည်ကိုကြည့်ပြီး စိတ်ကတက်ကြွလို့နေသည်။ နောက်ထပ်တစ်ချက်အနေနှင့်  အနောက်၌ကျန်ခဲ့သော ပစ်မှတ်များကိုလည်း ခေါင်းလှည်ပြန်၍ ကျားကုတ်ကျားခဲ ပစ်ထည့်လိုက်ပြန်သည်။



ကျွန်မ  တဒိုင်းဒိုင်းနှင့် သေနတ်ပစ်နေသည့်နေရာမှာ တိုကျိုဒစ်စနီကွင်း( Tokyo Disneyland)ထဲ၌ရှိသော Woody နဲ့ Buzz ကာတွန်းဇတ်ကောင်များရှိသည့် အခန်းတွင်ဖြစ်သည်။  ကျွန်မနှင့် အန်တီသည် နံနက်အစောကြီးအချိန်မှစ၍ ဒစ်စနီကွင်းထဲသို့ရောက်နေကာ အမယ်စုံလှသည့် ချစ်စဖွယ်ကာတွန်းဇတ်ကောင်များရှိရာ အခန်များထဲသို့ တစ်ခန်းဝင်တစ်ခန်းထွက်၍ တပျော်တပါး လှည်ပတ်နေကြခြင်းဖြစ်သည်။ လှည်ပတ်သူများ များလွန်း၍ တချို့ကစားခန်းထဲသို့ ဝင်ခွင့်ရရန် လူတန်းရှည်ကြီးကို ၁နာရီကျော်ကျော် စောင့်နေရတတ်ပြန်သည်။ သို့သော် စောင့်ရကျိုးနပ်ပေသည်။ ဒစ်စနီကစားကွင်းထဲရှိ အခန်တိုင်းက ဆွဲဆောင်မှုရှိလှသည်။ ခန့်ညားလှသည်။ ကစားနည်းနှင့် အခန်းအပြင်အဆင်များက တစ်ခန်းနှင့်တစ်ခန်း မထပ်။ ကားတွန်းဇတ်ကောင်လေးများကလည်း ချစ်ဖို့အလွန်ကောင်းလှပြန်သည်။ ကိုယ်အသက်အရွယ်ကိုပင် မေ့သွားကာ သူငယ်လေးတစ်ယောက်အလား တဝေးဝေး တဝါးဝါးနှင့် ခုန်ပေါက်နေမိတော့သည်။ Woody နှင့် Buzz  ရှိသည့် အခန်းနေရာသို့ရောက်သည့်အချိန်၌ နေပင်ဝင်နေပေပြီ။



Woody နှင့် Buzz တို့ရှိသည့် အခန်းထဲသို့ ဝင်လိုက်သည်နှင့် စက်ရထားပုံစံ နှစ်ယောက်တစ်တွဲထိုင်စီးလို့ရသည့် ထိုင်ခုံတစ်ခုက အပေါက်ဝ၌ ကြိုလို့နေသည်။ ကျွန်မနှင့် အန်တီလည်း ထိုနှစ်ယောက်တစ်တွဲထိုင်ခုံပေါ်သို့ တက်လိုက်ကြသည်။ ထိုစက်ထိုင်ခုံက တဖြေးဖြေးနှင့် အခန်းထဲသို့ဝင်ကာ စတင်ရွေ့လျားသွားပါသည်။ စက်ထိုင်ခုံ၏ ဘေးတဘက်တချက်၌မူ  woody နှင့် buzz ကာတွန်းရုပ်များနှင့် အခြားစက်ရုံပုံစံအရုပ်များက နေရာယူထားသည်ကိုတွေ့လိုက်ရသည်။ အခန်းတွင်းကစားနည်းမှာလည်း စက်ထိုင်ခုံပေါ်တက်ထိုင်စီးနေစဉ် ထိုင်ခုံရွေ့လျားရာလမ်းတလျှောက်ရှိ အရုပ်များကို စက်သေနတ်ဖြင့် လိုက်ပစ်ရခြင်းပင်ဖြစ်သည်။



“ဒါ သေနတ်ပစ်ရတဲ့အခန်း”ဆိုပြီး ကျွန်မအဒေါ်က အခန်းပေါက်ရောက်စဉ်က ပြောလိုက်သော်လည်း ထိုင်ခုံစတင်ကာ ရွေ့လျားနေသည်အထိ ဘာကိုပစ်ရမည်ကို သဘောမပေါက်ဖြစ်နေမိသည်။ သို့နှင့် နည်းယူရန် ရှေ့ခပ်လှမ်းလှမ်းမှ စုံတွဲတစ်တွဲ ပစ်နေသည်ကို တစ်ချက်ငေးကြည့်လိုက်ပါသည်။
သြော်...ဒီလိုပစ်ရတာကိုး ...။ နည်းကိုသိသွားသည်နှင့် ကျွန်မလည်း မနားတမ်း ပစ်ပါတော့သည်။ ပစ်မှတ်တစ်ချက်မှန်သွားတိုင်း ထိုင်ခုံလက်ကိုင်တန်းရှိ အမှတ်ပြစက်မှ အမှတ်များက တိုးတိုးသွားသည်။ အမှတ်တိုးသွားလေ ပို၍ပစ်ချင်လေ။ ပို၍ အစွမ်းကုန် ထိထိမိမိပစ်လေ အမှတ်ကတိုးလေဖြစ်နေတော့သည်။



 အာရုံစိုက်၍ ပစ်ကောင်းနေ၍ အခန်း၏ ထွက်ပေါက်သို့ရောက်သွားသည့်တိုင် ဆက်၍ ဆော့ချင်နေသေးသည်။ ထိုင်ခုံပေါ်မှ ဆင်းရန် အင်တင်တင် ဖြစ်နေရသည်။
 “ဟယ် နင်က အမှတ် (၁၅၀၀၀)ကျော်တောင် ရတယ် ။ ငါ့မှာတော့ အမှတ် (၂၀၀၀)ကျော်ပဲရတယ်။ ငါ့တူမကတော်လိုက်တာ။ နင်ဘာကိုပစ်တာလဲ။ ငါ့မှာတော့ ဘာပစ်ရမှန်းမသိတော့ လျှောက်ပြီးရမ်းပစ်လိုက်တော့တာ။ ဟားဟ ”
ကျွန်မ အဒေါ်က ပြောပြီး ရယ်နေတော့သည်။ ကျွန်မတို့လည်း သေနတ်ခန်းထဲမှ ထွက်လာသည်နှင့် ခုနက သဲကြီးမဲကြီး  သေနတ်ပစ်ကြသည့်အဖြစ်ကို ရယ်နေမိကြသည်။



“ ကာတွန်းရုပ်ပေါ်မှာရှိတဲ့ ပစ်မှတ်ကို သေနတ်ကထွက်တဲ့ ရောင်ခြည်နဲ့ ထိအောင်ပစ်လိုက်တော့ အမှတ်တွေတိုးတိုးသွားတာပေါ့”
ကျွန်မက ဒီလို ဝင့်ဝင့်ကြွားကြွားပြောတော့
“ဟင်... ဟုတ်လား... ငါတော့မသိပါဘူး။ ရှိသမျှ ရမ်းတမ်းပစ်ထည့်လိုက်တော့တာ။ ဘာကို ပစ်ရမှန်းလည်း မသိ။ နင်က ဘယ်လိုသိတာလဲ ”
 ကစားနည်းသာ ပြီးသွားသည်။ ကျွန်မအန်တီကတော့ ဘာကိုပစ်၍ ပစ်ရမည်ကိုနားမလည်။ ဘာတွေကို ပစ်ခဲ့သည်လည်း သူမသိပေ။ ခက်တော့သည်။
 “ သြော်...အခန်းထဲ စဝင်ဝင်ခြင်းတော့ မသိပါဘူး။ ဒါပေမယ့် သူများပစ်တာကို ကြည့်လိုက်တော့ သဘောပေါက်သွားတယ်။ ပစ်မှတ်က အရုပ်တွေရဲ့ အလယ်ဗဟိုမှာ ရှိတာလေ။ အဲတာနဲ့ ရှိသမျှ အရုပ်တွေပေါ်က ပစ်မှတ်တွေကို အမိအရ ပစ်ထည့်လိုက်တာ။ စက်ထိုင်ခုံနဲ့ အလှမ်းနည်းနည်းဝေးနေသေးတဲ့ ပစ်မှတ်တွေကိုလည်း လက်လှမ်းမှီသလောက် ကြိုပြီးပစ်ထားလိုက်တယ်။ ပြီးတော့ အနောက်က ကျန်ခဲ့တဲ့ ပစ်မှတ်တွေကိုလည်း ရလိုရငြား လှည်ပြန်ပြီး ပြန်ပစ်တာပေါ့။ အန်တီထိုင်တဲ့ ဘက်က ပစ်မှတ်တွေကိုလည်း ရအောင် ပစ်တာလေ”
“ ငါ့တူမ တော်တယ်”
အန်တီ့ထံမှ ချီးကျူးစကားလေး ရလိုက်ပါ၏။



အပျော်တမ်း ကစားနည်းဖြစ်၍ အမှတ်တိုးသည် မတိုးသည်က အရေးမကြီးသော်လည်း ဤသေနတ်ပစ်ကစားနည်းလေးက ကျွန်မအား အသိတရားလေး တစ်ခုကို လစ်ဟပြလိုက်ပါသည်။
ပစ်မှတ် အလွန်အရေးကြီးကြောင်း နားလည်လိုက်ရပါ၏။ ပထမဦးစွာ မိမိ၏ ပစ်မှတ်ကို သိဖို့လိုပါသည်။ မည်မျှ အားကြိုးမာန်တက် ပစ်သော်လည်း ပစ်မှတ်မသိပါက ထိဖို့ဝေးစွ၊ အချိန်ကုန် လူပန်းရုံသာ ရှိပါလိမ့်မည်။ ဘဝပန်းတိုင်ဆီသို့ ချီတက်ကြရာဝယ် မိမိ၏ ပစ်မှတ်ကို သိမည်၊ ထိုပစ်မှတ်ကို
ပစ်ရန် နည်းလမ်းများကိုလည်း နည်းယူမည်၊ အချိန်ကိုတန်ဖိုးထား၍ အားကြိုးမာန်တက်နှင့် အာရုံစိုက်ပြီး ပစ်မည်ဆိုပါက ပစ်မှတ်မှန်၍ ရမှတ်တိုးမည်မှာ ဧကန်မုချပါပေ။

အသီး ချိုချိုမွှေးမွှေးလေး

“အလုပ်ဆိုတာဟာ ခါးတဲ့အမြစ်ရှိပေမယ့် ချိုတဲ့အသီးတွေသီးပါသတဲ့” ကြားဖူးတဲ့ ဆိုရိုးစကားလေးတစ်ခုပါ။ ကျွန်မကိုယ်တိုင်လည်း အဲဒီချိုတဲ့အသီးတွေသီးပွင့်ရာ အလုပ်သို့ သွားရောက်လုပ်ကိုင်ခဲ့ဘူးပါတယ်။ အဲဒီအသီးချိုချိုလေးတွေကို ကျွန်မရဲ့စာဖတ်မိတ်ဆွေများကို မျှဝေလိုက်ပါတယ်။



သင်ယူထားခဲ့တဲ့ ကျောင်းသင်ခန်းစာများရဲ့ အသုံးချနိုင်စွမ်းကို လက်တွေ့အလုပ်သွားလုပ်ခြင်းဖြင့် ပိုပြီးနားလည်သဘောပေါက်လိမ့်မယ်လို့ ကျွန်မခံယူထားပါတယ်။ ပြီးတော့ဒီလိုလက်တွေ့အလုပ်သွားရောက်လုပ်ကိုင်ရာကနေ ရလာမယ့်ဝင်ငွေတွေကိုလည်း တခုတ်တရ လိုချင်တာလည်း တစ်ချက်ပါ။ နောက်တစ်ချက်ကတော့ ထိုင်ဝမ်နိုင်ငံမှာရှိတဲ့ အင်ဂျင်နီယာကုမ္ပဏီများရဲ့ လုပ်ငန်းဆောင်ရွက်ပုံနဲ့ အလုပ်လုပ်နေတဲ့ အင်ဂျင်နီယာမိတ်ဆွေများနဲ့ မိတ်ဖွဲ့လိုတာကလည်း တစ်ကြောင်းပါ။ အကြောင်းတရားများစွာရဲ့ တွန်းပို့မှုနဲ့ မြို့ပြအင်ဂျင်နီယာကုမ္ပဏီများသို့ လက်တွေ့ဆင်းအလုပ်သွားရောက်လုပ်ကိုင်ချင်တဲ့ ကျောင်းသူကျောင်းသားများအတွက် ဖွင့်လင့်ပေးထားတဲ့ (minor)ဘာသာရပ်ကို ကျွန်မစိတ်တိုင်းကျ ရွေးချယ်တက်ခဲ့ပါတယ်။



ဒီminor class ဟာ ဆရာ(၃)ဦးပေါင်းပြီး ဖွင့်ထားခြင်းဖြစ်ပါတယ်။ ဆရာများရဲ့ အတွေ့အကြုံများနဲ့ သင်ပြပေးတဲ့အတွက် အတန်းတွင်း သင်ခန်းစာတွေဟာ တကယ်ပဲ စိတ်ဝင်စားဖို့ကောင်းလှပါတယ်။ တခါတရံမှာလည်း အပြင်မှလုပ်ငန်းရှင်များကို ဖိတ်ကြားပြီး အတွေ့အကြုံများ ဖလှယ်စေပါတယ်။ ယခင်အတန်းသားဟောင်းများကိုလည်း ပြန်လည်ဖိတ်ကြားပြီး လက်တွေ့အလုပ်သွားလုပ်ခြင်းကနေရခဲ့တဲ့အတွေ့အကြုံတွေကို တင်ပြခိုင်းတာလည်း ရှိပါသေးတယ်။ သင်ခန်းစာတွေကတော့ အားလုံးရှယ်ပါပဲ။ ဒါ့အပြင် ကျောင်းအခန်းတွင်းမှာ မဲနှိုက်အဖွဲ့ခွဲပြီး ကုမ္ပဏီလုပ်ငန်းရှင်များကတစ်ဖွဲ့၊ အလုပ်သွားရောက်လုပ်ကိုင်မယ့်သူများကတစ်ဖွဲ့ခွဲပြီး အင်တာဗျူးအစီအစဉ်တွေကိုလည်း အစမ်းလေ့ကျင့်ခဲ့ရပါတယ်။ ပျော်စရာလည်းကောင်း၊ စိတ်လှုပ်ရှားစရာလည်းကောင်းပေါ့။ (၄)လတာ စာသင်နှစ်တစ်ခုတက်ရောက်ရပြီး၊ နွေရာသီကျောင်းပိတ်ရက်(၂)လတာတွင်းမှာ ကုမ္ပဏီများသို့ သွားရောက်လက်တွေ့ဆင်းရခြင်းဖြစ်ပါတယ်။



ကျွန်မတို့ဌာနနဲ့ဆက်သွယ်ထားတဲ့ ကုမ္ပဏီတချို့ဟာ နွေရာသီကျောင်းပိတ်ရက်နှစ်လတာအတွင်း အလုပ်သင်ဆင်းချင်တဲ့ ကျောင်းသူကျောင်းသားများကို ခေါ်ယူလေ့ရှိပါတယ်။ ကျွန်မသွားရောက်လက်တွေ့ဆင်းဖို့ စာရင်းကျလာတဲ့ ကုမ္ပဏီကတော့ (CECI)လို့ခေါ်တဲ့ အင်ဂျင်နီယာကုမ္ပဏီပဲဖြစ်ပါတယ်။ ကျွန်မနဲ့အတူ အတန်းသားစုစုပေါင်း၎ယောက် ကုမ္ပဏီတစ်ခုတည်းအတူကျပေမယ့် ဟိုရောက်သွားတော့ မတူတဲ့ ဌာနတွေမှာ အလုပ်လုပ်ဖို့ အသီးသီးကွဲသွားပါတော့တယ်။



 (CECI)ကုမ္ပဏီရောက်တော့ ဟွိုင်ကော် နဲ့ ပေ့ကယ်ဆိုတဲ့ သူငယ်ချင်းအသစ်နှစ်ယောက် ရလိုက်ပါတယ်။ ကျွန်မတို့သုံးယောက်က မတူတဲ့ကျောင်းအသီးသီးက လာကျပေမယ့် နွေရာသီနှစ်လတာအတွင်းမှာ အရမ်းရင်းနှီးတဲ့ သူငယ်ချင်းတွေဖြစ်သွားကြပါတယ်။



“နင်တို့နှစ်ယောက်နဲ့ ခင်ရတာ အရမ်းပျော်တာပဲသိလား။ ထိုင်ဝမ်လူမျိုးတွေဟာ ခင်ဖို့သိပ်မကောင်းဘူးလို့ထင်ထားတာ နင်တို့နဲ့တွေ့မှပဲ ငါ့အမြင်တွေပြောင်းကုန်ပြီ”
 ကျွန်မက အဲလိုပြောတော့
“နင်တက်တဲ့ ကျောင်းက ကျောင်းကောင်းဆိုတော့ မာနကြီးတဲ့စာကြပိုးတွေမို့လို့ပါ။ တခြားကျောင်းက ကျောင်းသားတွေက အဲလိုမဟုတ်ပါဘူး”
“အင်...ဟုတ်မှာပါ” သူတို့နှစ်ယောက်အပြောကို ကျွန်မထောက်ခံလိုက်ရပါတယ်။
 သူတို့နှစ်ယောက်က တကယ်ခင်ဖို့ကောင်းတဲ့ သူငယ်ချင်းတွေပါပဲ။



ကုမ္ပဏီမှာ ကျွန်မတို့သုံးယောက်ထိုင်ရတဲ့နေရာတွေက အလှမ်းဝေးပေမယ့်  အားတာနဲ့ နေရာသုံးခုစလုံးမှာ သုံးဦးသားအလှည့်ကျ ရောက်နေတတ်ကျပါတယ်။ (CECI)ရောက်ခါစက ကျွန်မဟာ ACTO CAD ကို စလုံးရေစတောင် သိထားခြင်းမရှိဘူးတော့  တီးမိခေါက်မိရှိထားဖူးတဲ့ ဟွိုင်ကော်ဆီပြေးမေးရတာလည်း အမောပါပဲ။ သူက ACTO CAD တတ်ထားပြီးသူမို့ အားတဲ့အချိန်မှာ 3Ds max ကို ကိုယ်ဟာကိုယ် လေ့ကျင့်နေတတ်ပါတယ်။ ဟွိုင်ကော်ဟာ ယောကျာ်းလေးထဲမှာ တော်တော်လေး စိတ်ရှည်တဲ့သူလို့ဆိုနိုင်ပါတယ်။ မေးသမျှကို စိတ်ရှည်လက်ရှည်နဲ့ စေတနာပိုပို ပြောပြတတ်သူပါ။ ပေ့ကယ်နဲ့က မိန်းကလေးချင်းမို့ တခြားအပြင်ကိစ္စအကြောင်း အားလူးလည်းဖုတ်၊ စားစရာရှိလည်း ဝေစားမျှစားနဲ့ ညီအစ်မလို ခင်မင်ခဲ့ရပါတယ်။ တစ်ချို့တရုတ်စာအသံထွက်နဲ့ အဓိပ္ပါယ်တွေ မသိတော့ဘူးဆိုလည်း ပေ့ကယ်ဆီ ပြေးမေးနေကျပေါ့။  သူတို့နှစ်ယောက်ရှိလို့လည်း (၂)လတာ အလုပ်သင်ဆင်းခဲ့တဲ့ အချိန်တွေမှာ သိပ်ပြီးခက်ခက်ခဲခဲ မရှိခဲ့ပါဘူး။ သူတို့ကို ပြင်ဆင်ပေးထားတဲ့ ဘုးရားသခင်ကို ကျေးဇူးတင်ရမယ်။



(CECI)ကုမ္ပဏီမှာ ဌာနခွဲပေါင်းအခု ၂၀နီးပါးရှိပါတယ်။ ပို့ဆောင်ရေးဌာန၊ သံလမ်းဌာန၊ ဆောက်လုပ်ရေးဌာန၊ စက်ပစ္စည်းဌာန၊ သတင်းဌာန၊ အုပ်ချုပ်ရေးဌာန စသဖြင့် စုံလို့ပါပဲ။
(CECI)ကုမ္ပဏီရဲ့ ဆောက်လုပ်ရေး(structure)ဒီဇိုင်းဆွဲတဲ့ ဌာနဟာ (၁)နဲ့(၂)ဆိုပြီး ဌာနငယ်နှစ်ခု ခွဲထားပါသေးတယ်။ ကျွန်မတာဝန်ကျတဲ့ ဌာနကတော့ ဆောက်လုပ်ရေး ဌာန(၂) SB ဖြစ်ပါတယ်။ ဒီဌာန(၂)က အဓိကအနေနဲ့ တံတားဒီဇိုင်းတွေကို ဆွဲခြင်းဖြစ်ပါတယ်။ ဌာန(၂)မှာကိုပဲ အင်ဂျင်နီယာ ဝန်ထမ်းအယောက်(၇၀)လောက်ရှိပါလ်ိမ့်မယ်။ ဒေါက်တာဘွဲ့ရထားတဲ့သူက(၂)ယောက်ရှိပါတယ်။ အများစုကတော့ မာစတာဘွဲ့ရထားသူတွေပါ။ သူတို့တွေအားလုံး တော်တော်လေးကို အလုပ်ကြိုးစားကြတာကို တွေ့ရပါတယ်။ အလုပ်ကို dead line အမှီ အားကြိုးမာန်တက်လုပ်ရတဲ့အကြောင်း၊ တာဝန်ကို အချိန်မှီမပြီးလို့ကတော့ ပြန်ပြီးဒဏ်ငွေဆောင်ရတဲ့အကြောင်းလည်း ကြားသိရပါတယ်။ ဒါကြောင့် ကျွန်မတို့အလုပ်သင်ဆင်းသူတွေက ညနေ(၅)နာရီ ဒေါင်ဆိုတာနဲ့ ပြန်ဖို့တာဆူနေပေမယ့် သူတို့ကတော့ ညမိုးချုပ်တဲ့ထိ အလုပ်ဇွဲကပ်နေကြတုန်းပါပဲ။ စနေ၊ တနင်္ဂနွေဆိုလည်း ဘယ်သူတွေ အချိန်ပို လာကြမလဲ ဆိုပြီး အဖွဲ့ငြိနေတတ်ကြပြန်တယ်။ သူတို့တော့ အလုပ်ကြိုးစားတာ ဟုတ်ပါရဲ့၊ သူတို့အိမ်သားတွေ ဘယ်လိုနေတယ် မပြောတတ်ဘူး။ ဒါကြောင့်လည်း ထိုင်ဝမ်နိုင်ငံဟာ အိမ်ထောင်ကွဲတာ အာရှမှာ နံပတ်(၁)ချိတ်နေတာ ဖြစ်မယ်။ အလုပ်နဲ့ မိသားစုအရေး တဘက်စောင်းနင်းမဖြစ်ဖို့တော့ လိုတယ်ဆိုတာ မြင်လိုက်မိတယ်။



အလုပ်ကို တကုန်းကုန်း လုပ်ကြပေမယ့် တခါတရံ အလုပ်တွင်း စုပေါင်းမုန့်စားချိန်လည်းရှိပါသေးတယ်။ တခါတရံ ဖျော်ရည်နဲ့ အသားညုပ်ပေါက်ဆီ၊ တခါတရံ ခေါက်ဆွဲ။ အမျိုးစုံပါပဲ။ အားလုံးကို ကုမ္ပဏီက ကုန်ကျခံပြီး ဝန်ဆောင်ပေးတာပါ။ ဒီလို အနားယူ စားကြသောက်ကြချိန်ဆို တရင်းတနှီး စကြနောက်ကြနဲ့ မောင်နှမတွေလိုပါပဲ။ ကုမ္ပဏီတွင်းမှာ ဝါသနာတူ အဖွဲ့ငယ်လေးတွေလည်း ရှိပါသေးတယ်။ အားကစားအဖွဲ့၊ အင်္ဂလိပ်စကားပြောလေ့လာရေးအဖွဲ့၊ ဂျပန်စာလေ့လာရေးအဖွဲ့၊ ပန်းအလှဆင်လေ့လာရေးအဖွဲ့ ဆိုပြီး အစုံပါပဲ။ အင်္ဂလ်ိပ်စကားပြောလေ့လာရေးအဖွဲ့မှာ ခိုင်ကောနဲ့အတူ ပါဝင်ဖြစ်လိုက်သေးတယ်။ ခရစ်ယာန်မိဿဟာရ အဖွဲ့လည်းရှိပါသေးတယ်။ ကျွန်မ အလုပ်သင်ဆင်းချိန်အတွင်းမှာ ခရစ်ယာန်မိဿဟာရ အဖွဲ့များဦးဆောင်တဲ့ ထိုင်ဝမ်နိုင်ငံရဲ့ ဖခင်များနေ့နဲ့ ကြုံလိုက်ပါသေးတယ်။ (CECI)ကုမ္ပဏီအတွင်းက လာရောက်ပါဝင်တဲ့ ဖခင်အားလုံးကို လက်ဆောင်တွေပေးကြ၊ ဂုဏ်ပြုသီချင်းတွေဆိုကြနဲ့ ပျော်ဖို့တကယ်ကောင်းပါတယ်။ ကျွန်မအဖေကို ပေးဖို့ဆိုပြီး ကဒ်လေးတစ်ခုတောင်ရလိုက်ပါသေးတယ်။



ကုမ္ပဏီမှာ ကျွန်မတို့အုပ်စုနဲ့ အရမ်းရင်းနှီးခဲ့ရသူတွေကတော့ ခိုင်ကော(ကို)၊ ရှောင်ထန်းကော(ကို)၊ ရှောင်ဖန်းကော(ကို)နဲ့ ရှောင်ချီကျဲ(မ)တို့ပါ။ အားလုံးက ကျွန်မတို့(၃)ယောက်ကို မောင်လေးညီးမလေးတွေလို သွန်သင်လမ်းပြပေးကြတယ်။ အလုပ်သင်ဆင်းပြီးတာတောင် ကျွန်မတို့၃ယောက်ကို ခင်မင်လို့ အချိန်ညှိပြီး ဆိုင်မှာ ဒင်နာ(dinner)လေးတောင် တစ်ခေါက်နွှဲလိုက်ကြပါသေးတယ်။
ကုမ္ပဏီကို အလုပ်သင်ဆင်းလာတဲ့သူတွေဆိုတော့ ကျွန်မတို့ကို အလုပ်ချိန်မှာ ထွေထွေထူးထူး ဘာမျှတော့ မခိုင်းပါဘူး။ ဒါပေမယ့် စရောက်တဲ့နေ့မှာ မန်နေဂျာ ဦးဦးက အားလုံးကို ဒီလိုလေး စကားခြွေထားပါတယ်။ “ဒီ၂လတာအတွင်းမှာ ကုမ္ပဏီကိုလာပြီး အလုပ်သင်ဆင်းတဲ့အခါမှာ ပထမဦးဆုံး ကိုယ်ဘာလိုချင်တာလည်း အရင်သိအောင်လုပ်ပါ။ ပြီးရင် ကိုယ်လိုချင်တာကို ရအောင်ယူသွားပါ။ မသိတာ၊ မတတ်တာရှိရင် အားလုံးကို မေးလို့ရတယ်။ အားလုံးက ဒီမှာ မိသားစုလိုပဲ ”
ဆိုပြီး ကျွန်မတို့ကို ကြိုဆိုအားပေးခဲ့ပါတယ်။



ကုမ္ပဏီမှာ ကျွန်မတို့လုပ်ရတာဆိုလို့ အင်ဂျင်နီယာဝန်ထမ်းတွေလိုတဲ့ အချက်အလက်တွေရှာပေးရတာမျိုး၊ စာစီပေးရတာမျိုးနဲ့ မိတ္တူကူးပေးရတာတို့ပါ။ ကျန်တဲ့အားတဲ့အချိန်ဆိုရင် ကိုယ်နှစ်သက်ရာ ကိုယ့်ဟာကိုယ်လေ့လာလို့ရပါတယ်။ ကျွန်မလည်း (၂)လအတွင်းမှာ ACTO CAD တတ်အောင်သင်မယ်ဆိုတာနဲ့ ကျွန်မကို လေ့လာလို့ရအောင် တယောက်တမျိုးဝိုင်းကူပေးကြပါတယ်။ ဒီစာအုပ်ကောင်းတယ်၊ ဒီခွေလေးကောင်းတယ်၊ ဒါလေးကို ဒီလိုဆွဲရတယ်၊ ဒါတတ်ပြီးရင် နောက်ထပ်ဟိုပုံဆွဲဒီဇိုင်းကို တတ်အောင်သင်ထား စသဖြင့်လမ်းညွန်ပေးကျတာဟာ တကယ့်ရွှေတွင်းထဲ ကျနေသလို ကုန်းကောက်လို့ မကုန်နိုင်အောင်ပါပဲ။



ဌာနခွဲအသီးသီးမှာတာဝန်ကျနေကျတဲ့ ကျွန်မတို့လို အလုပ်သင်ဆင်းသူ ကျောင်းသူကျောင်းသားအားလုံးအတွက် ဟောပြောပွဲတွေ တပတ်တခေါက်လောက် လုပ်ပေးပါတယ်။ ဌာနခွဲအသီးသီးရဲ့ လုပ်ငန်းဆောက်ရွက်ပုံအကြောင်းတွေ၊ အင်ဂျင်နီယာတစ်ဦး သိသင်တဲ့ အခြေခံနည်းဥပဒေသတွေကို ဟောပြောပေးခြင်းဖြစ်ပါတယ်။ တခြားမိမိနဲ့ သက်ဆိုင်တဲ့ ဌာနခွဲဆိုင်ရာ လေ့လာပို့ချမှုတွေကိုလည်း မိမိစိတ်ကြိုက် တက်ရောက်ခွင့်လည်း ပေးထားပါသေးတယ်။ (CECI)ကုမ္ပဏီမှာ တစ်ချို့တက္ကသိုလ်ဆရာတွေက အကြံပေးသူတွေအနေနဲ့လည်း တာဝန်ထမ်းဆောင်ကြတာမို့ တစ်ချို့ဝန်ထမ်းတွေဟာ အဲဒီဆရာတွေရဲ့မိတ်ဆက်ပေးမှုနဲ့ အလုပ်ဝင်ခွင့်ရသွားကြတယ်လို့လဲ သိရပါတယ်။ ဒါကြောင့် ကျောင်းတက်နေစဉ်မှာ ဆရာရှေ့မှာ မျက်နှာရထားဖို့လည်း လိုတယ်ဆိုတာ သိလိုက်ရပါတယ်။ ကျွန်မတို့တက္ကသိုလ်ရဲ့ ကျောင်းသားဟောင်းတော်တော်များများလည်း  ဒီ (CECI)ကုမ္ပဏီမှာ အလုပ်လုပ်နေကြတာကို တွေ့မြင်ခင်မင်ခွင့် ရလိုက်ပါတယ်။ ကျောင်းတစ်ကျောင်းထဲကဆိုတော့ ပိုပြီးဂရုစိုက်ပေးကြတာလည်း ဖြစ်ပါတယ်။



ကုမ္ပဏီရဲ့ ဝန်ထမ်းအတော်များများက ခင်မင်ဖို့ကောင်းပါတယ်။ သူတို့လို တော်တဲ့အင်ဂျင်နီယာကြီးတွေကို လက်ပွန်းတတီး ရင်းနှီးခွင့်ရလို့ စိတ်ထဲတော်တော်လေး ဝမ်းမြောက်ရပါတယ်။ သူတို့တွေ ဒီဇိုင်းပုံတွေကို ခေါင်းချင်းဆိုင်ပြီး ဆွေးနွေးတိုင်ပင်တာကို ဘေးနားကနေကြည့်ပြီး အားကျလိုက်ရတာ။  (၂)လတာအတွင်း တွေ့မြင်ခဲ့ရသမျှဟာ ကျွန်မရဲ့အိမ်မက်ကြီးကို အရောင်တင်ဖို့ အားတွေပိုပြီးဖြစ်လာခဲ့ရပါတယ်။ အချုပ်အနေနဲ့ ပြောရရင်တော့ (၂)လတာအတွင်း (CECI)ကုမ္ပဏီကနေ ကျွန်မခူးယူ စားသုံးခဲ့ရတဲ့ ဝမ်းမြောက်ခြင်း၊ ပျော်ရွှင်ခြင်း၊ အားကျခြင်း၊ မျှော်လင့်ခြင်းစတဲ့ အသီးတွေက ချိုချိုမွှေးမွှေးလေးပေါ့ရှင်။

ရှေ့ဆင့်နောက်ဆင့်

ချစ်တဲ့စာဖတ် မိတ်ဆွေတို့ရေ....
 ပွင့်လင်းရာသီလို့ခေါ်တဲ့ ဆောင်းဦးရာသီ တစ်ပတ်လည်လာပြန်ပြီနော်။ နာရီစက္ကန့်လေးတွေရဲ့ တွန်းပို့မှုနဲ့အတူ ကျွန်မတို့တွေဟာ ဘဝခရီးကို တစ်နေ့ပြီးတစ်နေ့ လျှောက်လှမ်းလာခဲ့ကြပြီ။ တခါတရံ ပူပြင်းတဲ့နေရောင်အောက်မှာ ချွေးလုံးတဒီးဒီးမြေခရတဲ့ နေ့ရက်တွေရှိသလို၊ တခါတရံကြပြန်တော့လည်း နေရိပ်အောက်မှာ ခရီးတထောက် အမောဖြေနားခိုခွင့်ရတဲ့ အချိန်တွေလည်း ရှိပါတယ်။ လူ့ဘဝခရီးက လှိုင်းကြပ်ခွပ်လေးလို နိမ့်လိုက်မြင့်လိုက်နဲ့ပေါ့။



အဲဒီလို အခက်အခဲတစ်ချို့နဲ့ ထုဆစ်ထားတဲ့ ဘဝခရီးကို လျှောက်နေကြတဲ့အခါ ကျွန်မတို့လူသားတွေဟာ ထာဝဘုရားသခင်ကို အားကိုးလို့ရတယ်ဆိုတဲ့အကြောင်း ကျမ်းစာထဲမှာ ဒီလိုပြောထားပါတယ်။
သုတ္တံကျမ်း ၃း ၆ ။ ။ သွားလေရာ၌ ထာဝရ ဘုရား ကို မျက်မှောက်ပြုလော့။ သို့ပြုလျှင် သင်၏ လမ်းခရီးတို့ကို ပဲ့ပြင်တော်မူမည်။



“ရှေ့ဆင့်နောက်ဆင့်လေး လွဲသွားတယ်ကွာ”
“အဆင်မသင့်လိုက်တာ” ဆိုပြီး တို့တွေ ငြီးညူမိကြဖူးမှာပါ။ ဒါပေမယ့် ထာဝရဘုရားသခင်ကို ယုံကြည်အားကိုးသူအတွက် ရှေ့ဆင့်နောက်ဆင့် အဖြစ်အပျက်၊ အသွားအလာ  အားလုံးဟာ တစ်ကယ့်ကို အပေးအယူ စည်းချက်ညီလွန်းလှတယ်ဆိုတာ ကျွန်မကြုံတွေ့ခဲ့ဖူးတဲ့ အဖြစ်အပျက်တစ်ချို့နဲ့ သိခွင့်ရလိုက်ပါတယ်။ ပြီးတော့ ကျွန်မတို့အနီးအနားမှာ အခက်အခဲလေးတွေကို ကူညီဖြေရှင်းပေးဖို့ ကောင်းကင်တမန်လေးတွေကိုလည်း ဘုရားက ပြင်ဆင်ပေးထားတဲ့အကြောင်း ဒီဆောင်းပါးလေးနဲ့ဝေမျှလိုက်ပါတယ်။





 
၁။ ကျွန်မ အဝေးသင်တက္ကသိုလ်တက်စဉ်  နောက်ဆုံးနှစ် စာမေးပွဲဖြေတဲ့နေ့တစ်နေ့မှာပေါ့။ အဲဒီနေ့က စာမေးပွဲဖြေကောင်းကောင်းနဲ့ အချိန်ပြည့်ဖြေဆိုလို့အပြီး၊ ပြန်ချင်စိတ်နဲ့ စာမေးပွဲခန်းကနေ ကမန်းကတန်းထွက်လာခဲ့လိုက်မိတယ်။
"ဟေး မင်မင်။ ဖြေနေလိုက်တာ ကျက်ထားတာတွေတိုးလို့လား။ မပြီးနိုင်တော့ဘူး။ နင့်ကိုပဲစောင့်နေတာ"
“အင်းပါ...ငါ့အတွက်စောင့်နေပေးရလို့ ဆောရီးပါပဲနော်”
သူငယ်ချင်းတစ်သိုက်စောင့်နေတဲ့ သစ်ပင်ကြီးရှိရာသို့ ကသုတ်ကရက် ပြေးလာတဲ့ကျွန်မကို အားလုံးက ဝိုင်းပြီးမေတ္တာပို့နေကြတာပါ။


“ကဲ... အားလုံးလူစုံပြီဆိုတော့ သွားနေကြစားသောက်ဆိုင်မှာ ညစာသွားဝိုက်ကြမယ်”
“ဝေးဟေး...သွားမယ်သွားမယ်”
အားလုံးတပျော်တပါးနဲ့ စားသောက်ဆိုင်သို့သွားပြီး ဗိုက်ဖြည့်လိုက်ကြတယ်။ စားမေးပွဲလည်းဖြေကောင်း၊ အစားအသောက်ကလည်းကောင်းဆိုတော့ မင်မင်တို့ဂွမ်းဆီထိပြီပေါ့။ ဒီလိုနဲ့ ညနေအိမ်ပြန်ရောက်တဲ့အထိ အပျော်လှိုင်းတွေက တသိမ့်သိ်မ့်ရှိလို့နေတယ်။ ညမိုးချုပ်စရှိတော့မှ ဖြေခဲ့ပြီးတဲ့စာအုပ်တွေပြန်သိမ်း၊ နောက်နေ့ဖြေဆိုရမယ့် ဘာသာရပ်စာအုပ်တွေပြင်ဆင်ထုတ်တဲ့အခါကြတော့မှ
“ဟဲ့... ငါ့ကျောင်းသားကဒ်က ဘယ်ရောက်နေတာပါလိမ့်။ လမ်းမှာများ ကျပျောက်ခဲ့တာလား။ ဒုက္ခပါပဲနော်။ သေချာပြန်စဉ်းစား။ ပြန်စဉ်းစားကြည့်စမ်း”
ကျောင်းသားကဒ်ကို ဘယ်လိုမှ ရှာမတွေ့။ ခေါင်းကိုတဖျဉ်းဖျဉ်းကုတ်ပြီး သေချာစဉ်းစားကြည့်လိုက်တဲ့အခါမှ...


“အို... ငါဒီနေ့ညနေ စာမေးပွဲခန်းကထွက်လာတော့ ရေးကြီးသုတ်ပြာပြေးလာခဲ့တာ။ ကျောင်းသားကဒ်ယူဖို့ မေ့ကျန်ခဲ့တာဖြစ်ရမယ်။ ဟုတ်တယ်။ စားပွဲပေါ်မှာပဲ မေ့ကျန်ခဲ့တာနေမှာ”
ကိုယ့်အကြောင်းကိုယ်လည်းသိထားလို့လေ။ တခါတုန်းကလည်း ဈေးသွားပြီး ဟင်းရွက်ဆိုင်မှာ ဟင်းရွက်သွားဝယ်တာ၊ ကျသင့်တဲ့ပိုက်ဆံထုတ်ပေးပြီး အဲဒီဝယ်ထားတဲ့ဟင်းရွက်ယူဖို့ မေ့လာခဲ့ဖူးပါတယ်။ ဟီးဟီး။
“အခုည မိုးချုပ်နေပြီ။ ခုချိန်မှ ကျောင်းသွားပြီး ကျောင်းသားကဒ်ပြန်ယူဖို့ဆိုတာလည်း ဘယ်လိုမှမဖြစ်နိုင်တော့ဘူး။ စာမေးပွဲအခန်းစောင့်ဆရာမတွေပဲ သိမ်းထားပေးလောက်ပြီထင်တယ်။ တကယ်လို့မသိမ်းထားပေးဘူးဆိုရင်ရော။ အင်ဒုက္ခပဲ။ မနက်ဖြန်မနက်ဆိုရင် တခြားနှစ်က ကျောင်းသားတွေ စာမေးပွဲလာဖြေရင် ငါ့ကျောင်းသားကဒ်ကို လျှောက်ပစ်ထားလိုက်မှဖြစ်၊ မနက်ဖြန်စာမေးပွဲဖြေစရာမလိုတော့ပဲ ဖြစ်ရတော့မယ်”
တောင်မြောက်စဉ်းစားပြီး ခေါင်းကရှုပ်လာပါတော့တယ်။ ဘုရားသခင်ကယ်ပါလို့ နှုတ်ကစပြီး တရပါတော့တယ်။


ဒီလိုနဲ့ ဗြုန်းစားကြီး “အလှမေ”ဆိုတဲ့သူငယ်ချင်းကို သွားပြီးမြင်ယောင်မိလိုက်တယ်။ အို...အလှမေလည်း ငါနဲ့မေဂျာတူပဲ။ ဒုတိယနှစ်လို့ပြောဖူးတယ်။ အလှမေနဲ့က တရုတ်ကျောင်းစတက်တဲ့နှစ်က ခင်မင်ခဲ့ဘူးတဲ့ သူငယ်ချင်းပါ။ သူလည်းမြန်မာကျောင်းအထက်တန်းအောင်ပြီး တရုတ်ကျောင်းပြောင်းလာတက်တဲ့ တရုတ်မလေး။ တဘက်ကနေလည်း အဝေးသင်တက်နေသူ။ ကျွန်မနဲ့ဘဝတူပေါ့။ ဖြစ်ချင်တော့ မေဂျာပါတူလိုက်ပါသေးတယ်။ နောက်သူက တရုတ်အထက်တန်းတစ်တန်းကို ခုံကျော်တက်သွားလို့ ကျွန်မနဲ့ အခန်းကွဲသွားပါတယ်။ ဒါပေမယ့် ကျောင်းမှာတခါတရံ တွေ့နေကျပါ။ အလှမေကိုစဉ်းစားမိတာနဲ့ သူ့အိမ်ကို ကမှန်းကတန်းသွားလိုက်ပါတယ်။ ဘုရားရဲ့ကျေးဇူးတော်ပါပဲ။ ချိန်းထားရင်တောင်လွှဲချင်လွှဲနေပါအုံးမယ်။ သူ့အိမ်လည်းတခါမျှ မသွားဖူးပေမယ့် ရောက်တာနဲ့ အလှမေလို့ တစ်ချက်အော်ခေါ်လိုက်တာနဲ့ သူပြေးထွက်လာပါတယ်။ သူ့ဆီရောက်တော့ သူဖြေတဲ့စာမေးပွဲခန်းနဲ့ ကျွန်မဖြေတဲ့အခန်းက တစ်ခန်းတည်းဖြစ်တာကို သိလိုက်ရတယ်။ ပြီးတော့သူက မနက်အချိန်မှာ ဖြေရတာတဲ့။ အို ဘုရားမတာပါပဲ။


“အလှမေရေ ကူညီပါအုံးနော်။ ငါ့ရဲ့ကျောင်းသားကဒ် ကျောင်းမှာကျန်ခဲ့လားမသိဘူး။ အဲဒါ နင်မနက်ဖြန်သွားရင် ငါ့ရဲ့စာမေးပွဲစားပွဲမှာ ရှိမရှိ တချက်သွားကြည့်ပေးပါနော်” ဆိုပြီးအကူအညီတောင်းရပါတော့တယ်။
“ရပါတယ်”
ဒီလိုနဲ့ အကူအညီတောင်းပြီး အိမ်ပြန်လာခဲ့ပါတယ်။ မနက်ဖြန်ရောက်ဖို့ စိတ်ကတထင့်ထင့်နဲ့။ နေ့လည် သူပြန်လာချိန်လောက် သူ့အိမ်ကို မျှော်လင့်ခြင်းကြီးစွာနဲ့ ကျွန်မသွားလိုက်ပါတယ်။


“အလှမေ... ငါ့ကျောင်းသားကဒ်တွေ့ရဲ့လားဟင်”
“တွေ့တယ်။ ဒီမှာယူလာခဲ့ပြီ။ ရော့...”
အိုပျော်လိုက်တဲ့ဖြစ်ခြင်း။ သူပေးလာတဲ့ ကျောင်းသားကဒ်လေးကိုကြည့်ပြီး ပျော်လိုက်ရတာ။
“ကျေးဇူးတင်လိုက်တာဟယ်။ နင်ဘယ်လိုရှာတွေ့တာလဲ။ ဆရာမကိုသွားမေးပေးတာလား”
“မဟုတ်ဘူး။ နင့်စားပွဲနံပါတ်က ငါ့ထိုင်တဲ့စားပွဲရဲ့အနောက်မှာပဲ။ အဲတာ စားပွဲပေါ်မှာ တွေ့တာနဲ့ တခါတည်းယူထားလိုက်တာ”
“အိုဟုတ်လား။ နင့်ကိုကျေးဇူးတင်လိုက်တာ”


အလှမေအိမ်က ပြန်လာတော့ ကျွန်မပျော်လွန်းလို့ ထပြီးကချင်စိတ်တောင် ပေါက်မိပါတယ်။ ဘုရားသခင်ရဲ့ကူညီမစပေးတဲ့ ဇတ်ကွက်တွေကိုလည်း တအံ့တသြတွေ့မြင်လိုက်ရပါတယ်။ ဒီအဖြစ်အပျက်လေးကနေ နောက်ထပ်ကျွန်မရလိုက်တဲ့ သင်ခန်းစာကတော့ ပစ္စည်းတွေမေ့တတ်တဲ့အကျင့်လေးကို ပြုပြင်ရတော့မယ်ဆိုတာပါပဲ။  အမေကျွန်မကို ဘယ်လောက်ဆုံးမဆုံးမ ကျွန်မကတော့ ဟိုမေ့ဒီမေ့လို့ နေဆဲပါပဲ။ ခုတော့ ဒီအဖြစ်အပျက်လေးနဲ့ ကိုယ်တွေ့ကြုံရတော့မှပဲ နောက်ဆို ကိုယ့်နေရာကနေထတာနဲ့ တစ်ချက်ပြန်ကြည့်သင့်တယ်ဆိုတာ ကျွန်မကိုယ့်ကိုကိုယ် နာယူလိုက်ပါတော့တယ်။


ဘုရားကိုလည်း အရမ်းကျေးဇူးတင်မိသွားတယ်။ အဖြစ်အပျက်အားလုံးဟာ ဘုရားရဲ့အစီအမံတွေကြားထဲမှာ လည်ပတ်နေတာကို တွေ့လိုက်ရတယ်။ အလှမေနဲ့ခင်ရတယ်။ မေဂျာလည်းတူတယ်။ စာမေးပွဲဖြေတဲ့အခန်းလာတူပြန်တယ်။ မနက်ညဖြေတဲ့အချိန်ကွာခြားမှုရှိတယ်။ ကိစ္စမရှိဘူး။ ဖြေတဲ့စားပွဲခုံနံပါတ် ရှေ့နောက်ဖြစ်နေတယ်။ ဖြစ်ပျက်နေတဲ့ ရှေ့ဆင့်နောက်ဆင့် ဇတ်ဝင်ခန်းအားလုံးဟာ အပိုအလိုမရှိ ချိတ်ဆက်နေတာကို ကျွန်မနားလည်လိုက်ရပါတော့တယ်။ ဘုရားသခင်ရဲ့နာမတော် ဘုန်းကြီးပါစေသော်။






၂။ ထိုင်ဝမ်တက္ကသိုလ်မှာ ပထမနှစ်တက်စကပေါ့။ ရုပဗေဒ လက်တွေ့အတန်းလည်း တက်ရပါတယ်။ လက်တွေ့အတန်းမှာ ပုံမှန်အနေနဲ့ ရုပဗေဒဆိုင်ရာ သီအိုရီတွေနဲ့ စက်ပစ္စည်းတွေကို အဖွဲ့ခွဲပြီး လက်တွေ့သင်ယူရပါတယ်။ ဒါပေမယ့်စာမေးပွဲမှာတော့ အမှားအမှန်ရယ် ရွေးဖြေပုံစံမျိုးရယ်ပဲ မေးတာပါ။ ကျွန်မအတွက်တော့ တရုတ်လိုလေ့လာရတာမို့ သူများ(၁၀)မိနစ်လောက်ဖတ်ရင် ရတဲ့စာကို ကျွန်မအတွက်တော့ (၁)နာရီကျော်လောက်အချိန်ပေးပြီးဖတ်မှ ရပါတယ်။ သူများတွေအနေနဲ့ လက်တွေ့အတန်းရဲ့စားမေးပွဲဟာ အရမ်းလွယ်ကူနေမှာပါ။ ကျွန်မကတော့ ထုံးစံအတိုင်း နည်းနည်းတော့ စိတ်ပူမိတာ အမှန်ပါပဲ။ ဒါကြောင့်စာမေးပွဲအတွက် ဘုရားဆီမှာ ဆုတောင်းထားလိုက်ပါတယ်။ “ဘုရားသခင် စာတွေကလည်းများ၊ ရှုပ်လည်းရှုပ်၊ ရောလည်းရောထွေးနေပါပြီ။ (0) တော့ကွဲပါရစေ” ဆိုပြီးတော့ ဘုရားလက်ထဲ အပ်နှံထားလိုက်ပါတယ်။


စာမေးပွဲဖြေတဲ့နေ့မှာ ကျွန်မရယ် သျှန်းရင်ရယ် ကျားအိန်းရယ် သူငယ်ချင်းသုံးယောက် စာမေးပွဲဖြေချိန်ထက်စောစောလာပြီး အတူစာကျက်ကြတယ်။
“သျှန်းရင် နင့်ဖတ်စာအုပ် ခဏကြည့်မယ်နော် ။ တချို့အဖြေတွေ မှန်မမှန် တိုက်ကြည့်ချင်လို့”
ကျွန်မက သျှန်းရင်ကို ခွင့်တောင်းပြီး သူ့စာအုပ်ကို ငှားကြည့်လိုက်ပါတယ်။
“သူ့စာအုပ်က သပ်ရပ်လိုက်တာနော်။ စာအုပ်အဖုံးကလည်း တွန့်ကြေနေတာမရှိဘူး။ ငါစာအုပ်ကိုင်ကြမ်းတာနဲ့တော့ကွာပါ့ ”
ကျွန်မသူ့စာအုပ်မျက်နှာဖုံးကို ဘာရယ်မသိ အတွေးနဲ့ကြည့်ပြီး စဉ်းစားလိုက်တာပါ။ ပြီးတော့ သူ့စာအုပ်မျက်နှာဖုံးမှာ အခန်းနံပတ်၊ အဖွဲ့နံပါတ် အားလုံးသေသေသပ်သပ်လေးရေးထားတာကို တွေ့လိုက်ရတယ်။
“ဆရာ့နာမည် ရေးရမယ့်အကွက်မှာတောင် ဆရာ့နာမည်ရေးထားပါလား။ ငါတောင် ဆရာနာမည် မေ့နေပြီ။ သူ့စာအုပ်ကနေ ကူးရေးထားလိုက်မှ”
ဆိုပြီး လက်တွေ့အတန်းဆရာရဲ့နာမည်ကို ကူးရေးထားလိုက်ပါတယ်။ လက်တွေ့အတန်းရဲ့သင်ပေးသူဆရာဆိုတာ နာမည်ကသာ သက်ဆိုင်တဲ့ဘာသာရပ်ပါမောက္ခနာမည်ရေးပေမယ့် တကယ့်လက်တွေ့ကျတော့ လက်ထောက်ဆရာတွေနဲ့သာ အများဆုံးသင်ယူရတာမို့ ကျွန်မခေါင်းထဲမှာ ဆရာ့နာမည်လည်း စွဲမနေပါဘူး။ တော်ရုံအရေးမကြီးတဲ့ကိစ္စဆိုရင် လုပ်ရ၊မှတ်ရ၊ရေးရတာ ပျင်းတာမို့ ကျွန်မစာအုပ် မျက်နှာဖုံးမှာ ဆရာ့နာမည်ကို ရေးမထားမိခဲ့ဘူး။ သျှန်းရင်စာအုပ်ကိုတွေ့မှသာ ဘာရယ်မသိ ကူးထားလိုက်မိတော့တယ်။


စာမေးပွဲခန်းထဲဝင်တော့ အဖြေရွေးဖြေပုံစံမျိုးမှာ တွေ့ပါပြီလေ။ ကျောင်းသားတွေကို အလကားအမှတ်ပေးထားတဲ့ ပုစ္ဆာတစ်ပုဒ်။ သင် သင်ယူနေတဲ့ရုပဗေဒဘာသာရပ်ရဲ့ ပါမောက္ခနာမည်ဟာ ဘယ်သူလဲတဲ့။ ရေငတ်တုန်း ရေတွင်းထဲပြုတ်ကျတယ်လို့ပဲပြောရမလား။ အဲဒီပုစ္ဆာရဲ့အဖြေကို ကျွန်မချက်ချင်း ဝမ်းသာအားရနဲ့ ဖြေလိုက်ပါတော့တယ်။ ဆရာ့နာမည်မေးတဲ့ မေးခွန်းမျိုး တသက်တကိုယ် တခါမှ မဖြေဖူးပါဘူး။ ဒါပေမယ့် ကျွန်မအဲဒီအမှတ်ကိုတော့ ဝကွက်ရလိုက်ပါပြီ။ (0)ကွဲတာကတော့ အောင်စာရင်းထိုင်စောင့်စရာမလိုတော့ပါဘူး။ အမှားအမှန်နဲ့ရွေးဖြေဆိုတာမျိုးဟာ လွယ်မယောင်နဲ့ မပိုင်လို့ကတော့ ထိုင်ငိုရမှာပါ။ အမှတ်ရတာလွယ်တယ်ဆိုပေမယ့် မပိုင်လို့မှားရင်လည်း (0)တောင်ကွဲမှာမဟုတ်ပါဘူး။ ဘုရားသခင်ကတော့ ကျွန်မကို (0)ကွဲအောင် ကူညီပေးလိုက်ပါပြီ။ တကယ်လည်းအဲဒီဘာသာရပ်ကို အမှတ်(၇၀)ကျော်နဲ့ အောင်မြင်ခဲ့ပါတယ်။ ဘုရားသခင်ရဲ့နာမတော် ဘုန်းကြီးပါစေသော်။






၃။ ဒုတိယနှစ်ယောက်တော့ အတန်းအားချိန်မှာ အချိန်ပိုင်းအလုပ်လုပ်ချင်စိတ်က တဖွားဖွားဖြစ်လာပါတယ်။ နိုင်ငံခြားရောက်ခါစဆိုတော့ အတန်းထဲမှာပဲထိုင်ပြီးစာသင်တာနဲ့ မဖြစ်ချေဘူးလေ။ အားတဲ့အချိန်လေးမှာ အလုပ်လုပ်ရင်း အတွေ့အကြုံလေးတွေယူအုံးမှ ဆိုပြီးပေါ့။
 အလုပ်လုပ်တော့ လူမှုပေါင်းသင်ဆက်ဆံရေးကနေ ဘာသာစကားပြောတာလည်း လေ့ကျင့်လို့ရတယ်၊ မုန့်ဖိုးလည်းရတယ်ဆိုပြီး အလုပ်လုပ်ချင်စိတ်က တားမရ ဖြစ်လို့နေပါတယ်။ ဒါနဲ့ကျွန်မသူငယ်ချင်းမိတ်ဆက်ပေးတဲ့ သချာင်္ဌာနရဲ့စာကြည့်တိုက်မှာ အလုပ်သွားလုပ်ပါတယ်။


တိုင်းတပါးသားတွေနဲ့ အလုပ်လုပ်ခါစဆိုတော့ စိတ်ကနဲနဲတော့ လှုပ်ရှားရပါတယ်။ သူတို့ပြောတဲ့လေသံကမြန်လို့ သေသေချာချာနားထောင်ရပါသေးတယ်။ အရေးထဲ အလုပ်ထဲမှာ စာရင်းကိုင် မမဆူပုပ်တစ်ယောက်လည်းရှိတော့ ကိုယ့်အပိုင်းကို ပြီပြင်အောင်၊ပြောစရာမဖြစ်အောင် သတိလေးနဲ့လုပ်ရကိုင်ရတဲ့အပိုင်းလည်း ရှိပါတယ်။


တစ်နေ့ကျွန်မကို စာရင်းကိုင်မမက အလုပ်တစ်ခုခိုင်းပါတယ်။ ကျောင်းရဲ့ မှိန်း(main)စာကြည့်တိုက်မှာရှိတဲ့ ဌာနတစ်ခုကို စာအုပ်သွားပေးခိုင်းပါတယ်။ သူပြောတဲ့ ဌာနနဲ့ ပေးရမယ့်သူရဲ့နာမည်ကို စာရွက်လေးမှာရေပေးပြီး
 “မင်မင် အဲဒီ(xxx)ဌာနကိုသွားပြီး အဲဒီလူကို ဒီစာအုပ်သွားပေးလိုက်”တဲ့။
“အဲဒီဌာနက မှိန်းစာကြည့်တိုက်ရဲ့ ဘယ်နေရာမှာရှိတာလည်း။ ဘယ်လိုသွားရမှာလဲ” ကျွန်မကလည်း လူရည်မလည်သေးတာမို့ မေးလိုက်တာပါ။
“မှိန်းစာကြည့်တိုက်ရောက်ရင် XXXXX...XXX.....xxxxx....xxxxx”
စက်သေနတ်ပစ်သလို တရစပ်ပြောလိုက်တဲ့ စကားကို ကျွန်မဘယ်လိုမှ နားထောင်လို့လိုက်မမှီခဲ့ဘူး။ နောက်တစ်ခါထပ်မေးရင် ရှိတဲ့ပစ္စည်းနဲ့ကောက်ပေါက်တော့မယ့် မျက်နှာမျိုးဆိုတော့ ကျွန်မလည်း ထပ်မမေးတော့ပါဘူး။
“ဟိုရောက်မှပဲ...ကိုယ့်ဟာကို ရှာကြည့်တော့မယ်”ဆိုပြီး ရဲဆေးတင်ပြီးထွက်လာခဲ့ပါတယ်။


မှိန်းစာကြည့်တိုက်ရောက်တော့ အဲဒီဌာနတည်နေရာပြပုံကို ဆိုင်းဘုတ်ပေါ်မှာရှာကြည့်ပေမယ့် မတွေ့ပါဘူး။  ဒါနဲ့ တောင်ကြည့်မြောက်ကြည့်ပြီး ကောင်တာမှာသွားမေးလိုက်ပါတယ်။
“အဲဒီဌာနလား...ဒီအပေါက်ကနေထွက် ပြီးရင် ညာချိုး၊ တည့်တည့်သွား၊ ပြီးရင်ဘယ်ချိုး၊ ပြီးရင်...”
ကောင်တာမမရဲ့ ဘယ်ချိုး၊ညာချိုး၊ ဘယ်ချိုး၊ ညာချိုးနဲ့အပြောက စိတ်ကိုတောင်ပိုရှုပ်လာစေပါတယ်။ ဒါနဲ့ကျွန်မလည်း “ကိုယ့်ဟာကိုယ်သွားကြည့်မယ်ကွာ” ဆိုပြီး အဲဒီကောင်တာမမပြောသလို ဘယ်ချိုးညာချိုးနဲ့သွားလိုက်တာ လမ်းသာဆုံးသွားတယ်။ အဲဒီဌာနကို ရှာလို့ကိုမတွေ့ပါဘူး။ ဒါနဲ့ အဲဒီလမ်းဆုံးကနေ လာလမ်းအတိုင်းပြန်လာကြည့်တော့လည်း မတွေ့ပါဘူး။ ဆက်သွားရင် အဲဒီကောင်တာပဲ ပြန်ရောက်သွားမယ့် အဖြစ်ပဲရှိတော့တယ်။


နာရီကိုကြည့်လိုက်တော့ အချိန်တော်တော်လေးကုန်နေပြီမို့ ခိုင်းလိုက်တဲ့မမရဲ့ အမျက်တော်ရှမှာကိုလည်း တွေးပူရပြန်ပါတယ်။ “ဘယ်လိုလုပ်ရပါ့” ဆိုပြီး နောက်ဆုံးအနေနဲ့ ကျွန်မဖုန်းကောက်ကိုင်လိုက်ပါတယ်။ ကျွန်မကို ဒီအလုပ်မိတ်ဆက်ပေးထားတဲ့ သူငယ်ချင်းစီးလန်ကို မေးမလို့ပါ။ ပါးစပ်က “ဘုရားသခင် သမီးကို ကူညီပေးပါ” လို့ ရေရွတ်မိသလို တဖက်ကလည်းဖုန်းနံပါတ်နှိပ်။ တဖက်ကလည်း လမ်းလျှောက်ရင်းဟိုရှာဒီရှာပေါ့။
ဒါနဲ့ စင်္ကြံလမ်းဘယ်ချိုးလိုက်တယ်ဆိုရင်ပဲ အဝါရောင်တီရှပ်အင်္ကျီဝတ်ထားတဲ့သူကို တွေ့တာနဲ့ နှိပ်လက်စဖုန်းကိုပိတ်ပြီး အဲဒီလူဆီပြေးသွားလိုက်ပါတယ်။


“ဟိုင်း...ကျွန်မလည်းမြန်မာပြည်ကလာတဲ့ ကျောင်းသူပါ။ ကျွန်မကိုတစ်ခုကူညီပေးလို့ရမလား။ ကျွန်မxxx ဌာနကို သွားမလို့ပါ။ ဘယ်လိုသွားရမလဲမသိလို့”
“ရတယ်ရတယ်။ လာလိုက်ခဲ့ဆိုပြီး ကျွန်မရဲ့ရှေ့ကနေဦးဆောင်ပြီး အဲဒီဌာနကို လိုက်ပို့ပေးပါတယ်။”
“ကျေးဇူးတင်ပါတယ်နော်”
အဲဒီဌာနက ခုနကျွန်မသွားခဲ့တဲ့ လမ်းဆုံးရဲ့ဘေးဘက်မှာတွေ့ရတဲ့ တံခါးပေါက်ကနေ အထဲကိုပြန်ဝင်သွားရတာပါ။
တံခါးပေါက်မှာ ဘာမှလည်းရေးမထားတာမို့ အထဲမှာ အလုပ်ဌာနတွေရှိအုံးမယ်ဆိုတာ မသိခဲ့တာပါ။ ကျွန်မရဲ့အခက်အခဲတွေကို ကူည်ီဖြေရှင်းပေးတဲ့ မမကို အရမ်းကျေးဇူးတင်သွားရပါတယ်။


အဲဒီအင်္ကျီအဝါရောင်ဝတ်ထားတဲ့မမက ကျွန်မလိုရာလိုက်ပြပြီးနောက် ပြန်သွားပါတယ်။ ဒီမမဟာလည်း မြန်မာပြည်ကျောင်းသူပါပဲ။ ကျွန်မခေါက်တုန့်ခေါက်ပြန် လမ်းရှာနေတဲ့အချိန်မှာ သူကမှိန်းစာကြည့်တိုက်ထဲမှာ အလုပ်လုပ်နေရာကနေ ဖုန်းပြောဖို့အပြင်ထွက်လာတာနဲ့ တိုးလိုက်ခြင်းပါပဲ။ မြန်မပြည်ကျောင်းသူတစ်ယောက်မှန်း ကျွန်မသိလိုက်တဲ့အချက်ကတော့ သူဝတ်ထားတဲ့ အဝါရောင်တီရှပ်အင်္ကျီကြောင့်ပါ။ အဲဒ်ီတီရှပ်က ကျွန်မတို့နှစ်ရဲ့  မြန်မာပြည်ကျောင်းသူကျောင်းသားမောင်မယ်သစ်လွင်ပွဲအတွက် အမှတ်တရထုတ်ထားတဲ့ အင်္ကျီလေး။ ကျွန်မကိုယ်တိုင် အဲဒီတီရှပ်လေးကို ဝတ်ခဲ့ဖူးတာမို့ မှတ်မိသွားရတာပါ။ ကျွန်မအဲဒီနေရာကိုရောက်နေချိန်နဲ့ အဲဒီမမ အပြင်ထွက်နေချိန်ကွက်တိဖြစ်သွားရတာဟာ တိုက်ဆိုင်မှုတော့မဟုတ်ပါဘူး။ သူအပြင်ထွက်နေတယ်ပဲထား၊ အဲဒီနေ့မှာ အဝါရောင်တီရှပ်သာ ဝတ်မထားဘူးဆိုရင် ကျွန်မတို့ချင်း မြန်မာပြည်သားမှန်း သိနိုင်စရာအကြောင်းလည်းမရှိပါဘူး။ ဒါဆို အဲဒီမမလည်း စေတနာပို အချိန်ကုန်ခံပြီး ကိုယ်တိုင်လိုက်ပြနေမှာလည်း မဟုတ်ပါဘူး။ သူမဟုတ်ပဲ  အဝါရောင်အင်္ကျီဝတ်ထားတဲ့ တစ်ခြားမြန်မာပြည်ကျောင်းသားကိုတွေ့လို့ အကူအညီတောင်းမယ်ဆိုရင်လည်း တိုင်ပတ်နေပါအုံးမယ်။ အဲဒီမှိန်းစာကြည့်တိုက်မှာ အလုပ်လုပ်နေသူလောက် ဘယ်နေရာမှာ ဘယ်ဌာနခွဲရှိမလဲဆိုတာ ဘယ်သူပိုသိအုံးမှာလဲနော်။ ဘုရားက ကျွန်မအတွက် အချိန်မှန်၊ လူမှန် ပြင်ဆင်ပေးထားပြီးသားပါ။ ဘုရားသခင်ရဲ့နာမတော် ဘုန်းကြီးပါစေသော်။






၎။ အဲဒီနေ့မနက် ကျွန်မအစောကြီးနိုးနေပါတယ်။ အင်ဂျင်နီယာဆိုင်ရာပထဝီဝင်ဘာသာရပ်အတွက် လေ့လာရေးတောင်တက်ခရီးစဉ် သွားဖို့ပေါ့။ လွန်ခဲ့တဲ့အပတ်အတန်းချိန်မှာ ဆရာက အဲဒီတောင်ရှိရာ မြေပုံနဲ့တကွ သွားရမယ့်လမ်းကြောင်း အသေးစိတ်အချက်အလက်တွေကို ပေးထားပြီးတာမို့ ထွေထွေထူးထူးပြင်ဆင်စရာတော့မရှိပါဘူး။ သတ်မှတ်ထားတဲ့အချိန်ထက် စောစောလေးရောက်ဖို့ စိတ်ကူးထားတာမို့ ကျွန်မအဆောင်ကနေ အစောကြီးထွက်လာပါတယ်။ အဲဒီတောင်ခြေကိုရောက်မယ့် ဘတ်စ်ကားက ကျောင်းဘေးနားက ကားဂိတ်မှာ စီးလို့ရပါတယ်။ ကားဂိတ်ရောက်လို့ (၁၀)မိနစ်လောက်စောင့်လိုက်ရုံနဲ့ ကားကရောက်လာပါတယ်။ တခါမျှမသွားဖူးတဲ့လမ်းဆိုတော့ မနက်ခင်းနိုးထမှုတွေကြားက  မြို့ပြရဲ့အလှတရားကိုခံစားရင်း အချိန်ကကုန်မှန်းမသိ။ ဒီလိုနဲ့ ကျွန်မဆင်းရမယ့်ကားဂိတ်ကိုရောက်သွားပါတယ်။


ဒါနဲ့ဘတ်စ်ကားပေါ်ကဆင်းတာနဲ့ ဘယ်လမ်းကိုဆက်သွားရမလဲဆိုပြီး ဆရာ့ရဲ့လမ်းကြောင်းပြစာရွက်ကိုထုတ်ကြည့်လိုက်ပါတယ်။ ဆရာ့စာရွက်ထဲမှာက ကားဂိတ်ဆင်းတာနဲ့အနီးမှာ အထက်တန်းကျောင်းတစ်ကျောင်းရှိမယ်လို့ပါတော့ ကျွန်မလည်းအဲဒီအထက်တန်းကျောင်းကို လိုက်ရှာကြည့်မိတယ်။ အဲဒီမှာပဲ ဇဝေဇဝါစဖြစ်မိတယ်။
ရှေ့တောင်နောက်မြောက်ကြည့်လိုက်သမျှ တိုက်အိမ်တွေကိုပဲတွေ့နေရတယ်။ ကျောင်းနဲ့တူတာဆိုလို့ အရိပ်အရောင်တောင်မရှိပါဘူး။ တောင်ဆိုလို့လည်း ခြတောင်ပို့တောင်မတွေ့ရပြန်ဘူး။ ဒါပေမယ့် ခုနကားစီးတုန်းက အပြင်ရှုခင်းတွေကို လိုက်ကြည့်ထားတဲ့အတွက် ကားဂိတ်ရောက်ခါနီး လမ်းချိုး၂ခုလောက်အကွာမှာ ကျောင်းပုံစံမျိုး ဝန်းကြီးတစ်ခုကိုတွေ့ထားတာဆိုတော့ အဲဒီရှိတဲ့နေရာကို ပြောတာဖြစ်မယ်ဆိုပြီး လမ်းလျှောက်သွားကြည့်လိုက်ပါတယ်။ အဲဒီကိုရောက်တော့လည်း ကျောင်းနာမည်က ဆရာ့မြေပုံထဲက နာမည်မဟုတ်ပြန်ဘူး။ ကျွန်မခေါင်းရှုပ်သွားတော့တယ်။


အတန်းထဲက သူငယ်ချင်းတစ်ယောက်ကို ဖုန်းဆက်ကြည့်တော့လည်းမကိုင်ဘူး။ အဲဒီသူငယ်ချင်းက ဆိုင်ကယ်မောင်းပြီးလာမယ်ဆိုတော့ ဖုန်းကိုင်ဖို့ အဆင်မပြေလို့လည်း ဖြစ်နိုင်ပါတယ်။ လမ်းပေါ်ကရှိတဲ့လူကို မေးမယ်ဆိုတော့လည်း မနက်စောစောမို့ လူကပြတ်နေပြန်တယ်။ အဲဒါနဲ့ (၇-၁၁)ကုန်စုံဆိုင်ကိုတွေ့လို့ ကောင်တာကောင်မလေးကို မေးပြန်တော့လည်း မသိဘူးတဲ့။ ကောင်းရော။ ဒါနဲ့ကားဂိတ်ကိုပဲ ပြန်လမ်းလျှောက်လာလိုက်တယ်။ ကားဂိတ်ရောက်တဲ့အထိ အချိန်ကတော်တော်လေးလိုနေသေးတာမို့ ကားဂိတ်ကထိုင်ခုံပေါ်ငုတ်တုတ်ထိုင်ပြီး ဘယ်လိုလုပ်ရပါ့ဆိုပြီး စဉ်းစားနေလိုက်တော့တယ်။ ရထားဂိတ်ပဲသွားပြီး ရထားနဲ့ပဲပြန်သွားရမလားပေါ့။ ဒါနဲ့နီးစပ်ရာရထားဂိတ်ကိုရှာပုံဖွင့်ရပါတော့တယ်။ လမ်းကတွေ့တဲ့လူတွေကိုမေးတော့လည်း “ဒီလမ်းအတိုင်းတည့်တည့်သွား”တဲ့ ။ ကျွန်မလည်း တည့်တည့်သွားတာ တော်တော်လေးရောက်တဲ့အထိ ရထားဂိတ်ကိုရှာလို့မတွေ့ပါဘူး။ စိတ်ကစိုးရိမ်စပြုလာပါတယ်။


ဒီတောင်တက်လေ့လာရေးခရီးစဉ်ကို မသွားလို့လည်းမဖြစ်။ နောက်ကျလို့လည်းမဖြစ်ဘူး။ မနောက်ကျဖို့ ဆရာက အတန်းထဲမှာ အထပ်ထပ်မှာထားတယ်လေ။ ကျွန်မလည်း တော်တော်လေးကို အံ့သြနေမိတယ်။ ဆရာပြောထားတဲ့ ကားနံပါတ်ကို တက်စီးပြီး ဂိတ်ဆုံးရောက်တော့ဆင်းလိုက်တာပဲလေ။ ဒါပေမယ့် ဘယ်ကိုရောက်နေလည်းမသိ ဖြစ်နေတော့တယ်။ ဒါနဲ့ခြေလှမ်းကို အရင်ကားဂိတ်ရှိရာပဲ ပြန်လှည့်လာခဲ့လိုက်တယ်။ ကျွန်မလည်းဒီနားမှာပဲ ရွာလည်နေတော့တယ်။ ဒါပေမယ့် ကျွန်မကိုးကွယ်တဲ့ဘုရားသခင်က ကျွန်မကိုပစ်မထားဘူးဆိုတာ ယုံတယ်။ ကျွန်မလက်သုံးစကားဖြစ်တဲ့ ကိုယ်တော်ဘုရား သမီးကိုကူညီပါဆိုပြီးပဲ ရေရွတ်မိတော့တယ်။ ဒီလိုနဲ့ ကားဂိတ်ကို ပြန်ပြီးရောက်လာပြန်တယ်။


ကားဂိတ်ရောက်တော့ တဘက်လမ်းကိုကူးမယ့် ကောင်လေးတစ်ယောက်ကိုတွေ့တာနဲ့  ကျွန်မသွားမယ့်နေရာကို ဘယ်လိုသွားရမလဲလို့ အပြေးအလွှားသွားမေးလိုက်တယ်။ “ဟိုဘက်လမ်းကိုကူးပြီး ကားသွားစီးရမယ်။ ငါလည်းအဲဒီကိုပဲသွားမလို့”
“ဟင်ဟုတ်လား။ နင်လည်း အဲဒီအတန်းက ကျောင်းသားလား”
“အေးဟုတ်တယ်”
သူဖြေပြီးတာနဲ့ လမ်းဖြတ်မီးကစိမ်းလာတာမို့ ကျွန်မလည်းသူ့အနောက်ကနေ လမ်းဖြတ်ကူးလိုက်ပါတယ်။ ကျွန်မ နောက်ထပ်ရှည်ရှည်ဝေးဝေး ထပ်မေးမနေတော့ပါဘူး။ ပန်းတိုင်တူနေတဲ့ ခရီးဖော်ပါနေမှတော့ ကျွန်မသူ့နောက်က ထပ်ကျပ်မခွာလိုက်သွားရုံပဲပေါ့။ နောက်ခဏကြာတော့ ကားဂိတ်ဆုံးထိစီးပြီး ကားပေါ်ကဆင်းတာနဲ့ ကျွန်မတို့ကိုစောင့်နေတဲ့ ဆရာနဲ့ အဖွဲ့သားတစ်ချို့ကိုတွေ့လိုက်ရတယ်။ သတ်မှတ်ချိန် ကွက်တိရောက်သွားနိုင်ခဲ့ပါတယ်။


ကျွန်မရောက်တာနဲ့ လက်ထောက်ဆရာဆီသွားပြီး “ဆရာရေးထားတဲ့ ကားလမ်းကြောင်းက မှားနေတယ်။ နာမည်တော့တူတယ်။ ဒါပေမယ့် ကား နောက်ထပ်ပြန်ချိန်းစီးရသေးတယ်”
“ဟုတ်လား။ ဆရာ ပါမောက္ခကို ပြောလိုက်ပါ့မယ်”ဆိုပြီး ကျွန်မကို ပြောပါတယ်။
ကျွန်မ ခုနက ရွာလည်နေတဲ့ ကားဂိတ်နာမည်နဲ့ တောင်ခြေကိုရောက်တဲ့ ကားဂိတ်နာမည်က တူနေပါတယ်။ ဒါပေမယ့် နောက်ထပ်အခြားကားတစ်စီးကို လမ်းကူးပြီးပြန်ပြောင်းစီးရတာကို ဖော်ပြဖို့ ဆရာတို့ပေါ့လျော့သွားလို့ ဖြစ်ပါလိမ့်မယ်။ ကျွန်မတကယ်ပဲ ဇောချွေးပြန်ခဲ့ရပါတယ်။ ဒါပေမယ့် ကျွန်မကိုကူညီပေးမယ့် အခန်းသားတစ်ယောက်နဲ့  ရှေ့ဆင့်နောက်ဆင့်  အချိန်ကိုက်တွေ့ဖို့ ဘုရားက ပို့ဆောင်ပေးခဲ့ပြန်ပါတယ်။ အရာရာကို ကူညီပေးနိုင်စွမ်းတဲ့ဘုရားပါပဲ။  ဘုရားသခင်ရဲ့နာမတော် ဘုန်းကြီးပါစေသော်။