“တပည့်တို့ရေ...ဒီတစ်ပတ် အားကစားအတန်းမှာ ဆရာက တပည့်တို့အားလုံးကို အဖွဲ့(၈)ဖွဲ့ခွဲလိုက်မယ်။ ပထမဦးဆုံးအနေနဲ့ ဆရာက အတော်ဆုံး၊ လက်ရည်အထက်ဆုံးကျောင်းသား (၈)ယောက်ကို ရွေးလိုက်မယ်။ ပြီးတော့ အဲဒီကျောင်းသား(၈)ယောက်က ကိုယ်အဖွဲ့ဝင်တွေကို စိတ်ကြိုက်ရွေးချယ်ကြမယ်”
စားပွဲတင်တင်းနစ်အတန်းရဲ့ နောက်ဆုံးအဖွဲ့လိုက်ပြိုင်ပွဲအတွက် ဆရာက ယခုအပတ်မှာ အတန်းသားများကို အဖွဲ့(၈)ဖွဲ့အဖြစ် အဖွဲ့ခွဲလိုက်ပါတယ်။ ဆရာက ပထမဦးဆုံး လက်ရည်အထက်ဆုံးကျောင်းသား(၈)ယောက်ကို နာမည်ခေါ်ရွေးချယ်လိုက်ပါတယ်။ အဲဒီကျောင်းသား(၈)ယောက်နဲ့ ကျန်တဲ့အတန်းသားတွေက မျက်နှာချင်းဆိုင်ရှိနေကြပါတယ်။ နောက်အဲဒီအတော်ဆုံးကျောင်းသား(၈)ယောက်က အလှည့်ကျကိုယ်ကြိုက်ရာ ကျောင်းသူကျောင်းသားတွေကို နာမည်ခေါ်ပြီး ကိုယ့်အဖွဲ့သားများအဖြစ် ရွေးချယ်ကြတော့မှာပါ။
“xxx”
“xxx”
“xxx”
ဆရာကိုယ်တိုင်ခေါင်းဆောင်အဖြစ်ရွေးချယ်ထားတဲ့ ကျောင်းသား(၈)ယောက်က မိမိစိတ်ကြိုက် လက်ရည်ကောင်းတဲ့သူများကို အလှည့်ကျနာမည်ခေါ်ရွေးချယ်ကြပါတယ်။ ကျန်တဲ့ကျောင်းသားတွေကလည်း မိမိရဲ့ နာမည်ခေါ်သံကြားတာနဲ့ ကိုယ့်ကိုရွေးချယ်ခေါ်ယူတဲ့ကျောင်းသားရဲ့နောက်မှာ သွားပြီးတန်းစီရပ်နေကြရပါတယ်။ ကိုယ့်နာမည်ကို ဘယ်ကျောင်းသားက အဖွဲ့ဝင်အဖြစ်နဲ့ ခေါ်ယူမလဲဆိုပြီး စိတ်လှုပ်ရှားစရာလည်း ကောင်းလှပါတယ်။ အားလုံးသိတဲ့အတိုင်း အရင်ရွေးချယ်ခေါ်ယူခံရတဲ့သူဟာ လက်ရည်ထက်လို့ သူများက ကိုယ့်ကိုအဖွဲ့ဝင်အဖြစ်နဲ့ အလုအယက်ရွေးချယ်နေခြင်းပါ။
“xxx”
“xxx”
“xxx”
“xxx”
“xxx”
“xxx”
ဒီလိုနဲ့ တစ်ယောက်ပြီးတစ်ယောက်ရွေးချယ်ခေါ်ယူနေလိုက်ကြတာ ကျောင်းသားဦးရေတော်တော်များများဟာ ခေါင်းဆောင်(၈)ယောက်နောက်မှာ တန်းစီလို့နေကြပါပြီ။ ရွေးချယ်ခံကြမယ့် ကျောင်းသားများဘက်မှာတော့ တဖြေးဖြေးနဲ့ လူဦးရေလျော့နည်းလာပါပြီ။ ဒီလိုနဲ့ နောက်ဆုံးလူ(၅)ယောက်(၆)ယောက်လောက်ပဲကျန်ပါတော့တယ်။ အဲဒီအထိကို ကျွန်မနာမည်ခေါ်သံ မကြားရသေးပါဘူး။ ဒူးကတုန်၊ ရင်ကခုန်၊ မျက်နှာကလည်းမှုန်လို့နေပါပြီ။ လူကနည်းလာပြီမို့ တဘက်မှာရှိတဲ့ လူအုပ်ကြီးရဲ့ မျက်လုံးပေါင်းများစွာအောက်မှာ ရှက်သွေးဖြန်းလို့နေပြီလေ။
နောက်ဆုံးနှစ်ယောက်ကျန်တဲ့ အချိန်မှာတော့ ကျန်နေတဲ့နှစ်ယောက်ဖြစ်တဲ့ ကျွန်မနဲ့ နောက်တစ်ယောက်ကို ဆရာကိုယ်တိုင်ပဲ သင့်တော်တဲ့ အဖွဲ့ထဲခွဲထည့်လိုက်ပါတော့တယ်။ တော်တဲ့ကျောင်းသား(၈)ယောက်က လက်ရည်မသွက်တဲ့ ကျွန်မတို့နှစ်ယောက်ကို ရွေးချယ်ဖို့လက်တွန့်နေမှာကိုသိလို့ပဲဖြစ်ပါလိမ့်မယ်။
~~~~~
“မကျေနပ်ဘူး။ လုံးဝမကျေနပ်ဘူး။ လုံးဝလုံးဝမကျေနပ်ဘူး”
အဲဒီအတန်းဆင်းချိန်ကစလို့ ကျွန်မစိတ်ထဲမှာ တစ်ယောက်တည်း ကျိတ်မနိုင်ခဲမရဖြစ်နေပါတော့တယ်။
ကျွန်မတက်ရောက်နေတဲ့ ထိုင်ဝမ်(NTU)တက္ကသိုလ်မှာ ဘွဲ့ရဖို့အတွက် မိမိတို့သင်ယူနေတဲ့ အဓိကဘာသာရပ်များအပြင် အားကစားအတန်း(၄)တန်းကိုလည်း မသင်မနေရသင်ရပါတယ်။ အားကစားနံပါတ်(၁)ကိုတော့ မေဂျာအလိုက်သတ်မှတ်ထားပေမယ့် ကျန်တဲ့အမှတ်စဉ်များကိုတော့ မိမိစိတ်ကြိုက်ရွေးချယ်တက်ရောက်ရပါတယ်။ အားကစားအမှတ်စဉ်(၄)အနေနဲ့ ကျွန်မရွေးချယ်တက်ရောက်ခဲ့တာကတော့ စားပွဲတင်တင်းနစ်ပါ။
အားကစားအားလုံးထဲမှာ စားပွဲတင်တင်းနစ်က သင်ယူရတာ အလွယ်ကူဆုံးဖြစ်မယ် အထင်နဲ့ ရွေးချယ်တက်လိုက်မိခြင်းပါ။ ဆရာကလည်း အရွယ်ခပ်ငယ်ငယ် ရုပ်ဖြောင့်ဖြောင့်နဲ့ဆိုတော့ အတန်းတက်ရတာလည်း ပျော်စရာကောင်းလှပါတယ်။ စားပွဲတင်တင်းနစ်ကို ယခုအတန်းတက်မှ စနစ်တကျ သင်ယူဖူးသူမို့သေသေချာချာလည်း ကြိုးစားသင်ယူပါတယ်။ ဒါပေမယ့်ခက်တာက အတန်းဖော် အခြားကျောင်းသားကျောင်းသူအားလုံးနီးပါးက တော်တော်လေးကို တတ်မြောက်ပြီးသူများဖြစ်နေပါတယ်။ “အတန်းထဲမှာရှိသူအားလုံးက တစ်ယောက်နဲ့တစ်ယောက်အခြေအနေမတူပဲ ရောက်လာကြတယ်။ ဒါကြောင့်အတန်းထဲမှာ ကိုယ့်ကိုကိုယ်သာ ပြိုင်ပါ။ သူတစ်ပါးနဲ့ နှိုင်းပြီး စိတ်ဓတ်ကျစရာမလိုဘူးနော်။” ခုလိုမျိုး ဆရာကအားပေးပေမယ့် ကစားဖော်သူငယ်ချင်းတွေကြားထဲမှာ ပင်းပေါင်ဘောလုံးကိုသာ လိုက်ကောက်နေရတာ မျက်နှာတော်တော်ငယ်ပါတယ်။
ပညာသင်ကြားရာမှာ ကျွန်မမကျေနပ်တာတစ်ခုဟာ အရေအချင်းမတူညီတဲ့သူတွေ အတူသင်ယူရတာပါပဲ။ စာသင်ခန်းဆိုတာ မတတ်လို့ပညာလာသင်တဲ့နေရာလေ၊ ပညာလာပြိုင်တဲ့နေရာမှ မဟုတ်တာ။ ကျွန်မယခုသင်ယူနေရတဲ့ အခြေခံစားပွဲတင်တင်းနစ်အတန်းကိုပဲကြည့်လိုက်ပါ။ အခြေခံအတန်းသာဆိုတယ် တစ်ချို့များ ရိုက်ချက်ကခပ်ပြင်းပြင်း။ တစ်ချို့က မေဂျာရဲ့လက်ရွေးစင်ဆိုသူလည်းပါရဲ့။ တစ်ချို့ပညာပြချင်သူလည်းရှိပါသေးတယ်။ ကျွန်မလို ခုမှနဖူးတွေ့ဒူးတွေ့စသင်ရသူအတွက် စိတ်မောပြီးချွေးပြန်လှပါတယ်။ ဖြစ်ချင်တော့ အတန်းတက်စမှာ ကျောင်းသူတစ်ယောက်ကို အတူကစားရအောင်ဆိုပြီး အဖော်ညှိခဲ့သူနဲ့ ကျွန်မက အရည်အချင်းတူနေပါတယ်။ စလုံးရေစသူချင်း အရည်အချင်းသူမသာ ကိုယ်မသာတွေပေါ့။ အတန်းတက်စကနေ အတန်းပြီးဆုံးခါနီးအထိ အချိန်တော်တော်များများမှာ သူမနဲ့သာ ကစားဖြစ်ပါတော့တယ်။ အဖွဲ့ခွဲချိန်မှာ နောက်ဆုံးကျန်တဲ့သူနှစ်ယောက်က အဲဒီကျောင်းသူလေးနဲ့ကျွန်မပဲပေါ့။ ဘယ်လိုပဲဖြစ်ဖြစ် ရှိစေအုံးပေါ့။ ပြိုင်ပွဲမှ မစသေးတာ။
~~~~~
နောက်တစ်ပတ် အတန်းတက်စမှာ ဆရာကကျွန်မတို့ ရိုက်ချက်တွေကို လိုက်စစ်ဆေးရင်း ကျွန်မကစားတဲ့ စားပွဲနားရောက်လာတဲ့အခါ
“မင်မင်၊လက်ရည်တွေအရမ်းတက်လာပါလား။ အတန်းပြင်မှာလေ့ကျင့်ထားတယ်ထင်တယ်။ ဒါမှမဟုတ် ဒီနေ့မှပိုပြီး ကံထူးနေတာလား” ဆရာက ကျွန်မရဲ့တိုးတက်လာမှုအပေါ် မြင်တွေ့ပြီး အားပေးလိုက်ခြင်းဖြစ်ပါတယ်။
“ဟုတ်၊ တစ်ခေါက်တော့ လေ့ကျင့်ဖြစ်ပါတယ်”
အတန်းထဲမှာ လက်ရည်အညံ့ဆုံးဖြစ်နေတဲ့ ကျွန်မတို့နှစ်ယောက် ခံပြင်းစိတ်နဲ့ “လေ့ကျင့်ကြရအောင်”ဆိုပြီး တစ်ခေါက်တော့လေ့ကျင့်ဖြစ်လိုက်ပါသေးတယ်။
“တစ်ခေါက်ပဲ လေ့ကျင့်ထားတယ်သာဆိုတယ်။ လက်ရည်ကတော်တော်တက်နေပါလား”
ဆရာ့အပြောကို ကျွန်မပြုံးပြလိုက်ပါတယ်။
ဒီလိုနဲ့ ဒုတိယအချိန် အဖွဲ့ခွဲ လေ့ကျင့်ချိန်ရောက်လာတော့ အဖွဲ့သားတစ်ယောက်နဲ့ကျွန်မ စားပွဲတစ်ခုမှာ လေ့ကျင့်ကြပါတယ်။ ပင်းပေါင်ဘောလုံးက ဟိုဘက်ခုန်လိုက်၊ ဒီဘက်ခုန်လာလိုက်။ ခုန်လာတဲ့ဘောလုံးကို အမိအရပြန်ရိုက်လိုက်နဲ့ ပွဲကတစတစမြူးလာပါပြီ။
“ဟ မင်မင်... နင်လက်အရမ်းသွက်လာပါလား။ ဘာလို့လဲ”
“ဟုတ်လား။ ငါမနေ့ညက ဆုတောင်းလာတယ်လေ”
ဟုတ်လားလို့ မသိသလိုဟန်နဲ့ ပြောလိုက်ပေမယ့် ကျွန်မရဲ့လက်ရည်တကယ်တက်လာတာကို ကျွန်မကိုယ်တိုင်စပြီး သတိပြုမိပါတယ်။ ကျွန်မရဲ့ဆေးက အစွမ်းပြပြီနဲ့တူပါတယ်။
ဒီလိုနဲ့ နောက်အပတ်တွေမှာလည်း အရင်က အင်တင်တင်မျက်နှာထားဖြစ်နေကြတဲ့ အဖွဲ့သားတွေက ကျွန်မကို အရောဝင်လာကြပါပြီ။ “မင်မင်၊ ငါတို့အတူလေ့ကျင့်ကြရအောင်လေ” တဲ့။
~~~~~
မနက်ဖြန် ပြိုင်ပွဲရှိမှာမို့ ဒီညတော့ ကျွန်မပြင်ဆင်ရပြီပေါ့။ အားကစားကွင်းတွေသွားပြီး လေ့ကျင့်ခြင်းတော့မဟုတ်ပါဘူး။ ကျွန်မပြင်ဆင်တာကတော့ ကျွန်မသုံးနေကျ ဆေးကိုဖော်မလို့ပါ။ ပထမဦးဆုံးအနေနဲ့ ကြမ်းပြင်မှာ ဒူးထောက်လိုက်ပါတယ်။ ပြီးတော့ မျက်စိမှိတ်ပြီး ကျွန်မရဲ့စိတ်တွေအားလုံးကို စုစည်းလိုက်ပါတယ်။ အဲဒီနောက် ကျွန်မရဲ့အာရုံထဲမှာ မနက်ဖြန်ပြိုင်မယ့် အားကစားပြိုင်ပွဲမြင်ကွင်းက တစတစပုံဖော်လာပါတယ်။ “မနက်ဖြန်ကစားပွဲမှာ သမီးကိုယ်စားကိုယ်တော်ဘုရားသာ ကစားပါ။ သခင်ယေရှုရဲ့မြတ်သောနာမအားဖြင့် မနက်ဖြန်ပြိုင်ပွဲမှာ သမီးတို့အဖွဲ့အနိုင်ရပါစေ” ကျွန်မကိုးကွယ်တဲ့ သခင်ယေရှုဘုရားကို တောင်းဆုပြုလိုက်ပါတယ်။ ဆုတောင်းပြီးတာနဲ့ “သခင်ယေရှုရဲ့နာမအားဖြင့် နိုင်ပြီ၊နိုင်ပြီ၊ နိုင်ပြီ” ဆိုပြီး ကျွန်မအားရပါးရ ကြွေးကြော်လိုက်ပါတယ်။ အောင်မြင်သွားပြီဆိုတဲ့ အသိနဲ့အတူ နှလုံးအိမ်ထဲမှာ ဝမ်းသာလွန်းလို့ နှုတ်ခမ်းတွေတောင် တဆတ်ဆတ်တုန်တဲ့အထိပါပဲ။
ဒီလိုနဲ့ ပြိုင်ပွဲရက်ရောက်လို့လာပါပြီ။ တစ်ယောက်ချင်းတစ်ယောက်ပြိုင်ပွဲအမျိုးအစားနဲ့၊ နှစ်ယောက်တွဲပြိုင်ပွဲကို အဖွဲ့လိုက်ပြိုင်ကြရခြင်းဖြစ်ပါတယ်။ ကျွန်မအတွက် ပိုပြီးကစားလို့သွက်တာကတော့ နှစ်ယောက်တွဲကစားနည်းပါ။ ယဉ်ပြိုင်ရမယ့် ပြိုင်ဘက်အဖွဲ့များကို ပထမပွဲစဉ်နဲ့ ဒုတိယပွဲစဉ်များမှာ မဲနှိုက်စနစ်နဲ့ ကစားရပါတယ်။ အဲဒီနောက် အမှတ်များတဲ့အဖွဲ့များမှ ဗိုလ်လုပွဲဆင်နွှဲရခြင်းဖြစ်ပါတယ်။ ကျွန်မတို့အဖွဲ့ခေါင်းဆောင်က ကျွန်မကို နှစ်ယောက်တွဲကစားတဲ့ပွဲစဉ်မှာ စာရင်းထည့်ထားလိုက်ပါတယ်။
ပြိုင်ပွဲစပါပြီ။ ကျွန်မတို့အဖွဲ့ထဲမှ ကျွန်မနဲ့အတူနှစ်ယောက်တွဲကစားမယ့် အဖွဲ့ဝင်သူငယ်ချင်းက ကျွန်မကိုယုံကြည်တဲ့ မျက်လုံးများနဲ့ အားပေးလိုက်ပါတယ်။ ကျွန်မလည်း အားအင်အပြည့်နဲ့ ကစားဖို့တာဆူလိုက်ပါပြီ။ ကျွန်မစိတ်ထဲကနေ “ကိုယ်တော်ဘုရား ခွန်အားပေးပါ” ဆိုပြီး အပြီဆွဲပါတော့တယ်။ ကျွန်မတို့နှစ်ယောက် ဟန်ချက်ညီညီနဲ့ ကစားကြတာ ပွဲကတကယ်ကစားလို့ကောင်းပါတယ်။ ဆုတောင်းခြင်းကနေရလာတဲ့ ခွန်အားတွေကလည်း ကျွန်မတကိုယ်လုံး စီးဝင်လည်ပတ်နေပြီမို့ ပြိုင်ဘက်တွေဆီကရောက်လာတဲ့ ဘောလုံးတိုင်းကို အပြီအပြင်အစွမ်းပြနေပါပြီ။
တခါတရံ ပြိုင်ဘက်ရဲ့ မထင်ရက်စရာသိမ်သိမ်မွေ့မွေ့လေးပေးလာတဲ့ ဘောလုံးကိုလည်း ကြိုတင်သိနေတဲ့အလား ကိုယ့်ဘက်ကအမိအရရှိလိုက်ပါတယ်။ တခါတရံ မျက်စိရှေ့ကို အင်နဲ့အားနဲ့ ရောက်လာတဲ့ ဘောလုံးကိုလည်း ပြန်ပြီးချေပနိုင်လိုက်ပါတယ်။ တကယ်ပဲ အံ့သြဖို့ကောင်းလှပါတယ်။ တခါတရံလူက စားပွဲရဲ့ညာဖက်စွန်း ရှေ့တည့်တည့်ရောက်နေပေမယ့် ပြိုင်ဘက်ရဲ့လှည့်ကွက်နဲ့ပေးလာတဲ့ပင်ပေါင်ဘောလုံးက စားပွဲရဲ့ဘယ်ဖက်စွန်းအလယ်ကြိုးတန်းလွတ်ရုံ လျှပ်တပြတ် ရောက်လာတတ်ပါတယ်။ ဒါပေမယ့် ဘောလုံးရှိရာကိုအမိအရအပြေးအလွှားရိုက်ယူနိုင်ခဲ့တာ အကြိမ်ကြိမ်ပါပဲ။
“မင်မင် နင်သိပ်တော်တာပဲ။ တကယ်လုံးဝမထင်ထားဘူး။ နင်ရိုက်ချက်တွေ သိပ်လှတာပဲ”
ပွဲပြီးတော့ အဖွဲ့ခေါင်းဆောင်နဲ့ အဖွဲ့သားတစ်ချို့ကျွန်မကိုလားပြီနှုတ်ဆက်ပါတယ်။
“ငါကလွတ်သွားပြီထင်နေတာ။ ဒါပေမယ့် ဘောလုံးတိုင်းကို အမိအရပဲ။ နင်တကယ်တော်တယ်”
ကျွန်မနဲ့တွဲကစားတဲ့ အဖွဲ့သားကိုယ်တိုင် ဒီလိုပြောလာခြင်းက ကျွန်မအတွက် ပီတိဖြစ်စေခဲ့ပါတယ်။
“ကျေးဇူးတင်ပါတယ်”
ဟုတ်ပါတယ်။ ငှက်တကောင်အလား လေထဲမှာခြေကြွနေတဲ့သူလို ပေါ့ပေါ့ပါးပါးဖြတ်ဖြတ်ဖြတ်လတ်လတ် ကစားနေတဲ့ သူဟာကျွန်မကိုယ်တိုင်မှ မဟုတ်ပဲ။ အတွေးနဲ့ငေးနေတတ်တဲ့ ကျွန်မရဲ့ခြေက ဒီလောက်မသွက်ဘူးဆိုတာ ကျွန်မကိုယ်တိုင်အသိပါပဲ။ သခင်ဘုရားရဲ့ မြတ်သောနာမကို လက်စွဲထားသူမို့ ဘုရားကကျွန်မကိုယ်စား ကစားပေးနေတာပါ။
ဒီလိုနဲ့ ကျွန်မတာဝန်ယူကစားရတဲ့ ပွဲစဉ်တိုင်းအမှတ်ကောင်းသလို အဖွဲ့ဝင်အားလုံးရဲ့ အမှတ်တွေပေါင်းလိုက်တဲ့အခါ အဖွဲ့(၈)ဖွဲ့ထဲမှာ ဒုတိယဆုကို ဆွတ်ခူးရလိုက်ပါတယ်။ ကျွန်မယုံကြည်မျှော်မှန်းထားတဲ့အတိုင်း ကျွန်မတို့အဖွဲ့အနိုင်ရခဲ့ပါပြီ။ ဘုရားသခင်ရဲ့နာမကအစွမ်းထက်လှပါတယ်။ ဘုးရားသခင်ရဲ့နာမတော် ဘုန်းကြီးပါစေ။
ကျမ်းကိုး။ ။ဖိလိပ္ပိသြဝါဒစာ၎း၁၃
ငါ့ကို ခွန်အားနှင့် ပြည့်စုံစေတော်မူသော ခရစ်တော်အားဖြင့် ခပ်သိမ်းသောအမှုတို့ကို ငါတတ်စွမ်းနိုင်၏။
