သခင်ယေရှု မင်းကိုချစ်တယ်

 

"0"

"Zero"
1st year physic classရဲ့ chapter end test အဖြေလွှာကို အခန်းရှေ့ထွက်ယူပြီး ပြန်အလှဲ့မှာတော့ ကျွန်မရဲ့မျက်နှာတစ်ခုလုံး ရှက်ရွံ့မှုတွေနဲ့ နီမြန်းသွားပါတယ်။ အမှတ်နည်းမယ်ဆိုတာ ကြိုတွက်ဆထားပေမယ့် အခုလိုမျိုး သုညရလိမ့်မယ်လို့ ထင်မထားမိပါ။ ရှက်လိုက်တာ၊ ရှက်လိုက်တာ လို့ စိတ်ထဲမှာ အထပ်ထပ် အော်နေမိတော့ ဆရာပြောနေတာလည်း ဘာဆိုဘာမှ မကြားတော့။ ဒီနေ့မနက်ရဲ့ အတန်းချိန်က ဘယ်လိုနဲ့ပြီးသွားမှန်းလည်း အသိတော့ပါ။

နေ့လည် ထမင်းစားချိန်ရောက်တော့လည်း ထမင်းကဘယ်လိုမှစားမဝင်။ "ငါဒီလောက်တောင်များ ညံ့နေပြီလား" "ရှေ့လျှောက်ဘယ်လိုစခန်းသွားရပါ့" ဆိုပြီး အတွေးပေါင်းများစွာနဲ့ စိတ်ရှုပ်နေရတော့တယ်။တက္ကသိုလ်ပညာရေးဖြစ်တဲ့အတွက် အတန်းထဲမှာ ဆရာကလည်း အသေးစိတ်သင်ကြားခြင်းမဟုတ်ပဲ မိတ်ဆက်ခြင်းလောက်သာ သင်ကြားပေးတယ်။ ပြီးတော့ chapter end test ဖြေမယ်ဆိုတော့ မေးခွန်းတွေက ဘယ်ကဘယ်လိုတွေ ထွက်လာမှန်းမသိ။ လေ့ကျက်ထားတာလည်း တစ်ခုမှမပါ။တိုင်းတပါးနိုင်ငံမှ ပညာလာသင်နေရသူကျွန်မအတွက် ကျောင်းစတက်လျှင်တက်ခြင်း စိတ်ဓတ်ကျခြင်းများကတစ်ခုပြီးတစ်ခု။

ထမင်းစားချိန်ပြီး၍ chemistry အတန်းချိန်ရောက်လာပြန်တော့လည်း စိတ်တွေက စာထဲမရောက် ၊ ဝမ်းနည်းအားငယ်ခြင်းတွေနဲ့ တဝဲလည်လည် ဖြစ်နေတော့တယ်။ chemistry ဆရာရဲ့ သီအိုရီကြားထဲမှာ အိမ်မှာရှိတဲ့ အဖေကိုပဲ မြင်ရောင်သတိရနေပြန်တယ်။ ကျွန်မအဖေက မြန်မာနိုင်ငံမှာ chemistryသင်တဲ့ ဆရာပါ။ ကျွန်မကိုယ်တိုင်က အဖေရဲ့ တပည့်ဖြစ်ခဲ့ဖူးတော့ chemistry သီအိုရီတွေမြင်နေရတော့ အိမ်ကိုလွမ်းစိတ်ကလည်း လှိုင်းထန်နေပါတော့တယ်။

ဒီလိုနဲ့ အိမ်ပြန်ချိန်ရောက်တော့ ဘတ်စ်ကားပေါ်မှာ ဝမ်းနည်းခြင်း၊ အားငယ်ခြင်းတွေကို တနင့်တပိုး ထမ်းလာမိတော့တယ်။ ဘတ်စ်ကားပေါ်ကဆင်းတော့လည်း ခြေလှမ်းတွေက ခနော်ခနဲ့ဖြစ်နေတဲ့အပြင်၊ ခံစားချက်တွေကို တစ်စုံတစ်ယောက်အား ရင်ဖွင့်ခြင်မိတဲ့စိတ်တွေ အလွန်ကိုတောင့်တနေပါတော့တယ်။ အားငယ်နေချိန်ဖြစ်တဲ့အတွက် တစ်ယောက်ထဲဆိုတဲ့ အသိတွေက လေနုနုလေးဖြတ်တိုက်သွားတာကိုပဲ အကြောအခြင်တစ်ခုလုံးကို ယိုင်နဲ့နဲ့ ဖြစ်သွားစေပါတယ်။ တကယ်ပဲ ဝမ်းနည်းနေမိတယ်။ ဒီလိုနဲ့ လူကူး မြင်းကြားရောက်တော့ မီးနီတဲ့အတွက် ခြေလှမ်းတွေ တုန့်ဆိုင်းသွားတဲ့ခဏ ဘေးနားကနေ" သခင်ယေရှု မင်းကိုချစ်တယ်" ဆိုပြီး မိန်းကလေးနှစ်ယောက်က ဝေစာလေးတစ်ခုကို လှမ်းပေးရင်း ကျွန်မကို ပြောလိုက်ပါတယ်။ အဲဒီအသံက ကျွန်မတစ်ကိုယ်လုံးကို ဓတ်လိုက်သလိုလို ၊ ပြောမပြတတ်အောင်ပဲ ရင်ကိုလာထိစေပါတော့တယ်။ သခင်ရဲ့ထွေးပွေ့မှုကို ခံစားလိုက်ရသလိုပါပဲ။

ကျွန်မကိုစကားလာပြောတဲ့ မိန်းကလေးနှစ်ယောက်က ဒီလမ်းတလျှောက်နားမှာ ဧဝံဂေလိပြောကြားနေသူတွေဖြစ်ကြောင်း ကျွန်မကို မိတ်ဆက်ပါတယ်။ ဒါနဲ့ ကျွန်မလည်း ယုံကြည်သူတစ်ယောက်ဖြစ်ကြောင်းပြန်ပြောလိုက်တော့ အချိန်ခဏလောက်ပေးနိုင်မလားလို့ မေးပါတယ်။ ဒါနဲ့ကျွန်မတို့ သုံးယောက် အနီးနားမှာရှိတဲ့ အုတ်ခုံလေးတစ်ခုမှာသွားထိုင်ပြီး စကားတွေပြောဖြစ်ကြပါတယ်။ မုန်တိုင်းကြားထဲက လှေပေါ်မှာရှိနေကြတဲ့ သခင်ယေရှုနဲ့ တပည့်တော်အကြောင်းကို ကျွန်မကိုခွန်အားပေးပါတယ်။ တစ်လှေတည်းအတူသွားနေကြပေမယ့် သခင်ကတော့ မုန်တိုင်းကြားထဲမှာငြိမ်းချမ်းစွာ ဆက်တော်ခေါ်နေပါတယ်။မုန်တိုင်းဒဏ်ကိုကြောက်ရွှံ့နေကြတဲ့ တပည့်တော်တွေက သခင်ရဲ့အေးဆေးတည်ငြိမ်မှုအပေါ် အားမလိုအားမရဖြစ်နေကြပါတယ်။ ဒါပေမယ့် နောက်ဆုံးမှာ ကြောက်မက်ဖွယ်ကောင်းတဲ့မုန်တိုင်းကြီးဟာ သခင်ရဲ့ရပ်တန့်စေဆိုတဲ့ အမိန့်တော်အောက်၊ တခဏအတွင်းမှာ ငြိမ်သက်သွားရတဲ့အကြောင်း ကျွန်မကို ခွန်အားပေးပါတယ်။ နားထောင်နေရင်းနဲ့ ကျွန်မမျက်ဝန်းထဲမှာ မျက်ရေတွေရစ်ဝဲလာပါတော့တယ်။ ထို့နောက်မှာမျက်ရေများက ပိုးပိုးပေါက်ပေါက်နဲ့ ပါးပြင်ပေါ်ကို လိမ့်ဆင်းလာပါတယ်။ ကျွန်မဘဝမုန်တိုင်းထဲမှာ သခင်အတူရှိနေပါလားဆိုပြီး ခွန်အားတွေပြန်ရလာတယ်။ ကျွန်မလိုအပ်နေစဉ်အချိန်မှာပဲ ရင်ဖွင့်လို့ရတဲ့လူကို ချက်ခြင်း ပို့ဆောင်ပေးခဲ့တာပါ။ ကျွန်မအတွက် သူတို့တွေဆုတောင်းပေးကြပါတယ်။ ယခုလိုအားပေးဖို့လိုအပ်နေစဉ်မှာ ထိုမိန်းကလေးနှစ်ယောက်ကို စေလွှတ်ပေးခဲ့တဲ့ သခင်ရဲ့ နာမကိုမချီးမွမ်းပဲ မနေနိုင်တော့ပါ။

"သခင်ယေရှု မင်းကိုချစ်တယ်"ဆိုတဲ့စကားကို ကျွန်မကိုယ်တိုင် သူတပါးကို အကြိမ်ကြိမ်ခွန်အားပေးခဲ့ဖူးပေမယ့်၊ ဒီရိုးရှင်းတဲ့စကားလေးဟာ လိုအပ်သူအပေါ် ဒီလောက်ထိ ရင်ကိုထိသွားစေမယ့် စကားလေးဖြစ်တယ်ဆိုတာ ကိုယ်ကိုတိုင် ခံစားလိုက်ရစဉ်ချိန်မှာ ကျွန်မရင်တစ်ခုလုံးကို ဝမ်းမြောက်သွားစေပါတယ်။ အားငယ်နေစဉ် ၊ တစ်ယောက်တည်းဖြစ်နေချိန်မှာ သခင်မေတ္တာတော်ဟာ ကျွန်မတို့နဲ့ အစဉ်အမြဲရှိနေကြောင်းကျွန်မသိလိုက်ရပါပြီ။ ထိုအသိကြောင့် အဆောင်ကိုပြန်တဲ့ ခြေလှမ်းများက ယခင်နဲ့မတူ ခွန်အားတွေပြည့်နက်နေပါတော့တယ်။

စတော်ဘယ်ရီခြံသို့ အလည်တစ်ခေါက်

"ရထားဥသြသံလေးများကြားရင် အိမ်ပြန်ချင်တဲ့ စိတ်ကလေးတားမရဘူး"
ရင်ထဲကို အခါခါရောက်လာတတ်တဲ့ အဆိုတော် ထူးအိမ်သင်ရဲ့ အမေ့အိမ်သီချင်းစာသားလေးပါ။
တကယ်ပဲ ရထားစီးဖို့အခွင့်ရောက်လာတော့ အိမ်ြပန်ချင်စိတ်က ပိုကဲလာပါတော့တယ်။ ဒါပေမယ့်
ဒီခရီးလေးက အိမ်ကိုပြန်တဲ့ ခရီးစဉ်လေးတော့မဟုတ်ပါဘူး။ သူငယ်ချင်းတွေအုပ်စုလိုက် အချိန်ညှိပြီး အားလပ်ရက်တစ်ရက်မှာ (苗栗大湖) ထိုင်ဝမ်နိုင်ငံမြောင်လ်ိမြို့နယ်ရှိ သာ့ဟူရွာလေးဆီကို စတော်ဘယ်ရီအသီးတွေ ခူးဖို့ သွားခြင်းပါ။


ထိုင်ဝမ်နိုင်ငံရောက်စဉ် ပထမဦးဆုံးအကြိမ် ရထားစီးဖြစ်ခြင်းဖြစ်သလို၊ ထိုင်ခုံမရပြန်တော့ မတ်တပ်ရပ်ပြီး ရထားစီးသွားရပါတယ်။ ဒါပေမယ့် သူငယ်ချင်းတွေ တရုန်းရုန်းဆိုတော့ တပျော်တပါးကြီးပါပဲ။

မြောင်လိဘူတာရုံရှေ့မှာ သူငယ်ချင်းများနဲ့ အမှတ်တရ

လူတရပ်နီးပါးရှိတဲ့ စတော်ဘယ်ရီရုပ် မှတ်တိုင်ရှေ့မှာ

သာ့ဟူရောက်တော့ စတော်ဘယ်ရီခြံက ဦးလေးကြီးက ကြိုတင်ညှိထားတဲ့အတိုင်း ကားနဲ့လာကြိုပါတယ်။ ဒီအရပ်လေးမှာတော့ စတော်ဘယ်ရြီခံတွေက အပြိုင်အဆိုင်နဲ့ ခြံကိုလာလည်သူတွေကို ဝန်ဆောင်မှုတွေအပြည့်ပေးတတ်ကြောင်းလည်း သိထားပါတယ်။ ကျွန်မတို့သွားမယ့်ခြံမရောက်ခင် လမ်းတလျှောက်မှာလည်း စတော်ဘယ်ရီခြံတွေကို တဖွေးဖွေးနဲ့ တွေ့နေရပါတယ်။ ကျွန်မတို့ အုပ်စုလည်း မြို့ပြရဲ့ မွန်းကျပ်မှုတွေနဲ့ ဝေးရာ တစ်ရက်သာမှာ ရေထဲကိုပြန်ရောက်သွားတဲ့ ရေပျော်ငါးလို တပျော်တပါး ဖြစ်သွားကြပါတော့တယ်။

တောင်ကုန်းလေးတစ်ခုပေါ်မှာရှိတဲ့ စတော်ဘယ်ရီခြံလေးကို ရောက်တော့ ခုလိုစနစ်တကျနဲ့ စိုက်ပျိုးထားတာကို မြင်တွေ့ရပါတယ်။ အသီးတွေကို မြေကြီးနဲ့ မထိအောင် ပလတ်စတစ်နဲ့ ကျကျနန ဖုန်းအုပ်ထားပြီး စိုက်ပျိုးထားခြင်းပါ။ စတော်ဘယ်ရီသီးတွေကိုလည်း လာလည်သူတွေစိတ်ကြိုက် ကိုယ်တိုင်ခူးယူခွင့်ပေးထားပါတယ်။ ဒါပေမယ့် စိတ်အလိုကျ မခူးဖို့လည်း ကျွန်မတို့သူငယ်ချင်းတွေကြား တယောက်နဲ့ တယောက် လက်တို့ပြီးတော့ ကြိုပြောထားကြပါတယ်။ ဘာလို့လည်းဆိုတော့ ခူးပြီးရင် ကိုယ်ခူးသလောက် အချိန်နဲ့ပြန်ဝယ်ရမှာလေ။

အသီးတွေကလည်း အားရဖို့ကောင်းပါတယ်။ နီနီရဲရဲ၊ ဖွံ့ဖွံ့ထွားထွား ကြီးတွေပါ။

တခါတလေ ခြံပိုင်ရှင် ဦးလေးကြီးလစ်ရင်တော့ တဖက်ကခူးရင်း တဖက်က အသီးကို ခူးစားလိုက်ရတာလည်း အပျော်တမျိုးပါ။ ဟိဟိ။ ရေဆေးဖို့လည်း သတိမရပါဘူး။

ဒီလိုနဲ့ သာ့ဟူမှာရှိတဲ့ စတော်ဘယ်ရီခြံလေးထဲမှာ ကျွန်မတို့ အုပ်စု တပျော်တပါးနဲ့ အသီးတွေခူးလိုက်၊ ဓတ်ပုံတွေရိုက်လိုက်နဲ့ အရမ်းကိုပျော်ခဲ့ရပါတယ်။ ပျော်စရာ နေ့လေးတစ်နေ့အဖြစ် ခုချိန်ထိသတိရနေဆဲပါ။

မျက်နှာ၌ အပြုံးရောင် ခြယ်သထားသူ

ကျွန်မနေတဲ့ ကျောင်းအဆောင်မှာ မနက်တစ်ခါ ညနေတစ်ခါ သူမကို တွေ့ရလေ့ ရှိတယ်။ သူမဆိုတာကတော့ ကျွန်မတို့အဆောင်မှာ သန့်ရှင်းရေးလာလုပ်တဲ့ အသက်(၆၀)နီးပါးအရွယ်ရှိတဲ့အမျိုးသမီးပါ။ မျက်နှာခပ်ပြည့်ပြည့်နဲ့ ခင်မင်စရာကောင်းတာမို့ ကျွန်မကစပြီး မိတ်ဆက်ခင်မင်မှု ယူခဲ့တာပါ။

အဲဒီအဒေါ်ကြီးကအဆောင်မှာ မနက်တစ်ခါ ညနေတစ်ခါ သန့်ရှင်းရေးလာလုပ်လေ့ရှိတယ်။ အဆောင်ရဲ့ သန့်ရှင်းရေးအလုပ်ဆိုတော့ အမိုက်လှဲ၊ သွန်သာမက အိမ်သာသန့်ရှင်းရေးပါလုပ်ရသေးတယ်။ ကိုယ့်အမေအရွယ်အမျိုးသမီးကြီးက ဒီလိုအိမ်သာထဲက အမိုက်တွေသွန်၊ ဆေးကြောသန့်ရှင်းလုပ်တာမြင်ရတော့ ရင်ထဲ မချိလှဖြစ်ရတယ်။

ဒါပေမယ့် အဒေါ်ကြီးကိုကြည့်လိုက်ရင် အမြဲပျော်ရွှင်စွာနဲ့ သေသေသပ်သပ် လုပ်နေတာကိုပဲ မြင်ရတာပါ။ ကျွန်မကလည်း အဆောင်မှာသူ့ကို မြင်ရင် နှုတ်ဆက်သလို၊ သူကလည်းကျွန်မကိုမြင်တိုင်းခေါ်တတ်ပါတယ်။ တခါတလေ သူ့မှာရှိတဲ့ မုန့်တွေကိုလည်းပေးတတ်ပါတယ်။ တခါတလေဆို ကျွန်မရဲ့အခန်းကို တကူးတက လာခေါက်ပြီး သူချက်ထားတဲ့ဟင်းကိုတောင် ပေးတတ်ပါသေးတယ်။ အိမ်နဲ့ဝေးရာမှာနေရတဲ့ကျွန်မအဖို့တော့ မိခင်မေတ္တာခံစားရသလိုပါပဲ။ ဒီအဒေါ်ကြီးကိုမြင်ရတိုင်း ကျွန်မရဲ့ ဆုံးသွားပြီဖြစ်တဲ့ အဖွားကိုလည်း သတိရနေမိပြန်တယ်။ ကျွန်မရဲ့မျက်လုံးထဲမှာတော့ အဒေါ်ကြီးက ကျွန်မအဖွားရဲ့ မျက်နှာနဲ့ ခပ်ဆင်ဆင်ြဖစ်နေသလိုပါပဲ။

မူလတန်းပညာရေးအထိသာ သင်ယူခဲ့ဘူးသူမို့ ဒီလိုအောက်ခြေအလုပ်ကို လုပ်နေရတာပါလို့ ပြောပြဘူးပါတယ်။ ဒါပေမယ့် ကိုယ်လုပ်နေရတဲ့ အလုပ်ကိုတန်ဖိုးထားပြီးလုပ်သူတစ်ယောက်ဆိုတာကို သူ့လုပ်ပုံကိုင်ပုံကိုကြည့်တာနဲ့သိနိုင်ပါတယ်။အဒေါ်ကြီးဟာ နေ့လည်မှာလည်း ကျောင်းရဲ့ထမင်းဆိုင်မှာအလုပ်လုပ်ပါသေးတယ်။ ညထမင်းဆိုင်အလုပ်သိမ်းပြီးတော့ အဆောင်မှာတစ်ခေါက်ပြန်ပြီး သန့်ရှင်းရေးပြန်လာလုပ်ပါတယ်။ ဒီလို အလုပ်တွေပင်ပင်ပန်းပန်းလုပ်နေရတဲ့ အဒေါ်ကြီးကိုကြည့်ပြီး ကျွန်မကသနားမိတော့ ဘာကူညီရမလဲမေးတိုင်း " ကျင့်သားရနေပါပြီ၊ ကျေးဇူးတင်ပါတယ်။" ဆိုတာနဲ့ ကျွန်မတစ်ခါမှ ကူညီပေးခွင့် မကြုံပါဘူး။ ဒီအဒေါ်ကြီးဟာ ကိုယ့်အလုပ်ကို ကိုယ်ကိုတိုင်တာဝန်ကျေစွာလုပ်တတ်တဲ့သူမှန်း သိနိုင်ပါတယ်။

~~~~~

တနင်္ဂနွေ တစ်နေ့မှာတော့ အဆောင်မှာ ဦးလေးကြီးတစ်ယောက် ကြမ်းတိုက်နေတာကို တွေ့လိုက်ရတော့ ကျွန်မအံ့သြသွားမိတယ်။ မိန်းကလေးအဆောင်ဖြစ်နေတာကတစ်ကြောင်း၊ ပြီးတော့ခါတိုင်း တမြက်စည်းလှဲတာဟာ ဟိုအဒေါ်ကြီးလုပ်နေကြဖြစ်နေတာကတစ်ကြောင်းမလို့ပါ။ နောက်ခဏကြာတော့ အဲဒီအဒေါ်ကြီးကို ပြန်တွေ့ရပြန်တော့ ကျွန်မပိုပြီး နားမလည်ဖြစ်သွားမိတယ်။ နောက်တစ်ပတ်တနင်္ဂနွေနေ့မှာလည်း ဦးလေးကြီးကို ပြန်မြင်တွေ့ရတာမို့ ကျွန်မက အဒေါ်ကြီးကို တိုးတိုးလေးသွားမေးမိတော့တယ်။

"သူက အဒေါ်ရဲ့ အမျိုးသားပါ။ ကားရေဆေးဆီထိုးတဲ့ နေရာမှာ အလုပ်လုပ်တယ်လေ။ တခါတလေ တနင်္ဂနွေနေ့ သူအလုပ်နားတဲ့နေ့ကြုံရင် အဒေါ့်ကိုဒီလိုပဲလာကူလုပ်ပေးတာပါ။"

ဦးလေးကြီးဟာ မိန်းကလေးအခန်းဆောင်ရှေ့ ၀ရံတာကြမ်းပြင်တွေနဲ့ ဧည့်ခန်းကြမ်းပြင်တွေကို မေတ္တာအပြည့်နဲ့ တိုက်ပေးနေတာကို မြင်တွေ့ရပါတယ်။

" ဦးလေးက အဒေါ်ကို အရမ်းချစ်တာပဲနော်။" ကျွန်မက ဒီလိုပြောတော့ အဒေါ်ကြီးရဲ့မျက်နှာမှာ အပြုံးကြီးတစ်ခုကို တွေ့လိုက်ရပါတယ်။ သိပ်ကိုလှတဲ့ အပြုံးပါ။ အရာရာကိုကျေနပ် ပီတိဖြစ်နေတဲ့ ၊ ပြီးပြည့်စုံနေတဲ့ အပြုံးပါ။

အဲဒီအပြုံးကနေ မေတ္တာလှိုင်းတစ်ခုက ကျွန်မထံသို့ စီးဆင်းလာသလိုခံစားလိုက်ရတယ်။ အဒေါ်ကြီးဟာ ငွေကြေးပြည့်စုံတဲ့သူ မဟုတ်ပါဘူး။ ပညာပြည့်စုံတဲ့သူလည်း မဟုတ်ပါဘူး။ ဘဝကိုလည်း ပင်ပင်ပန်းပန်းနဲ့ ရှာဖွေလုပ်ကိုင်စားနေရသူပါ။ ဒါနဲ့များ သူ့ဘဝကြီးဟာ ဘာကြောင့်ပြုံးပျော်မှုတွေနဲ့ ပြည့်စုံနေတာလဲဆိုတဲ့ အဖြေကို ကျွန်မသိလိုက်ပါပြီ။

အဒေါ်ကြီးဟာ မေတ္တာတွေပိုင်ဆိုင်ထားသူတစ်ယောက်ဖြစ်နေတာကိုး။ မရှိခြင်းတွေကို အတူတူရင်ဆိုင် မျှဝေခံစားပေးမယ့် ချစ်တဲ့သူကို ပိုင်ဆိုင်ထားရတဲ့သူအတွက် ခက်ခဲပင်ပန်းမှုတွေကြားထဲမှာ ရှင်သန်နေရပေမယ့်လည်း ၊ ညအခါမှာသာတဲ့လလို မျက်နှာမှာ အပြုံးတွေဆင်မြန်းထားနိုင်သူအဖြစ် မေတ္တာရဲ့ခွန်အားပေးနိုင်မှုအစွမ်းကို ကျွန်မသိမြင်လိုက်ရပါတယ်။