ကျွန်မဘဝမှာ ပန်းပျိုးသူများစွာနဲ့ ရင်းနှီးတွေ့ကြုံခဲ့ဖူးပါတယ်။ ထိုပန်းပျိုးသူတွေဆိုတာကတော့ စေတနာ၊ မေတ္တာအပြည့်နဲ့ တပည့်တွေရဲ့ဘဝတွေကို ပိုပြီးလှပအောင် ပြုစုပျိူးထောင်ပေးခဲ့ကြတဲ့ ဆရာသမားများပေပဲပေါ့။
ဆရာသမားပေါင်းများစွာရဲ့ ပြုစုပျိူးထောင်မှုများနဲ့ ကျွန်မတို့လူလားမြောက်လာခဲ့ကြရတယ်။ လက်ရှိအချိန်မှာလည်း ပန်းပျိုးသူဆရာများရဲ့ လမ်းပြမှုတွေနဲ့ ခွန်အားယူနေရဆဲပါ။ နောက်ထပ်လည်း ဆရာပေါင်းများစွာနဲ့တွေ့ဆုံကြရအုံးမယ်။
တခါတရံ နဖူးပေါ်လက်တင်ပြီး ကျော်ဖြတ်ခဲ့ရတဲ့ အချိန်နာရီတွေကို တဆိတ်လောက်ပြန်လှည့်တွေးကြည့်လိုက်တော့ ဆရာသမားတွေရဲ့ ပုံရိပ်တွေက တရေးရေးပြန်ပေါ်လာတတ်ပါတယ်။ သူတို့တွေပြောခဲ့ကြတဲ့ စကားတွေဟာလည်း နားထဲမှာ ပြန်ကြားယောင်လာတတ်တယ်။ သူတို့တွေဆုံးမပြောဆိုခဲ့တဲ့ စေတနာစကားတွေ၊ ဂရုဏာဒေါသတွေ၊ တိုက်တွန်းစကားတွေဟာ ဘဝအတွက် အလင်းရောင်သဖွယ် တန်ဖိုးရှိလှပါတယ်။ မှတ်မိသလောက် ဆရာသမားတစ်ချို့ရဲ့ဆုံးမစကားတွေနဲ့ အမှတ်တရရှိနေတဲ့ အဖြစ်အပျက်တစ်ချို့ကို ကျေးဇူးတင်စွာနဲ့အက္ခရာတင်လိုက်ပါတယ်။
၁။ ဆရာမဒေါ်စွဲ့တင်မြဆိုတာ ကျွန်မတက်ခဲ့တဲ့ အလယ်တန်းကျောင်းရဲ့ ပဉ္စမတန်းပထဝီဘာသာရပ်ကို သင်တဲ့ဆရာမပါ။ ရှမ်းလူမျိူး အသားဖြူဖြူ ခန္ဓာကိုယ်သွယ်သွယ်လျလျနဲ့ ချောမောလှပတဲ့သူပေါ့။ စာအသင်အပြကလည်းကောင်းလွန်းလှတယ်။ စာအုပ်ထဲကစာတွေကို လက်တွေ့ဘဝမှာ ကွင်းကွင်းကွက်ကွက်မြင်တွေ့အောင်သင်တတ်ပါတယ်။ ဒါကြောင့် ပထဝီဘာသာရပ်ကို ယခုအချိန်ထိ ကျွန်မ စိတ်ဝင်တစားရှိနေရတာလည်း ဖြစ်နိုင်ပါတယ်။ တခါတော့ အတန်းထဲမှာ ကမ္ဘာ့ပထဝီကိုသင်ပြရင်း ဆရာမကအခုလိုပြောခဲ့ဘူးပါတယ်။
“ဆရာမတို့ နေ့စဉ်အသက်ရှင်နေတဲ့ လက်တွေ့ဘဝဟာ ပထဝီနဲ့ကင်းလွတ်လို့မရဘူး ။ ကဲ ဆရာမတို့ဘေးနားမှာရှိတဲ့ နို့ဆီဘူးတစ်ခုကိုပဲယူကြည့်လိုက်မယ်ဆိုရင် အဲဒီနို့ဆီဘူးပေါ်မှာ ထုတ်လုပ်တဲ့နိုင်ငံကိုတွေ့ရမယ်။ ဥပမာ(xxx) နိုင်ငံဆိုပါဆို့။ ဒါဆို နို့ဆီထုတ်လုပ်တဲ့ အဲဒီ(xxx)နိုင်ငံဟာနွားတွေမြောက်များစွာ အသက်ရှင်နေထိုင်လိမ့်မယ်။ နွားတွေပေါများတဲ့အလျောက် မြက်တွေလည်းရှိလိမ့်မယ်။ ဒါဆိုမြက်တွေပေါက်ရောက်နိုင်တဲ့အလျောက် အမြဲစိမ်းတောင်ကုန်းဒေသတွေရှိတဲ့ နိုင်ငံဖြစ်လိမ့်မယ်ဆိုတာ ဆရာမတို့ ခန့်မှန်းနိုင်တယ်။”
ပတ်ဝန်းကျင်မှာ အသုံးပြုနေတဲ့ပစ္စည်းတွေကနေတစ်ဆင့် ကမ္ဘာကြီးကို လှမ်းကြည့်နိုင်ကြောင်း ပဉ္စမတန်းပထဝီဘာသာရပ်သင်ယူချိန်ကနေ ကျွန်မသိလိုက်ရပါတယ်။ ကျေးဇူးတင်ပါတယ် ဆရာမ။
၂။ အလယ်တန်းကျောင်းပြီးလို့ အထက်တန်းကျောင်းပြောင်းတက်တဲ့အချိန်မှာ ကျောင်းအသစ်ရဲ့ ကိုးတန်းသချာင်္သင်တဲ့ဆရာမ ဒေါ်စိုးစိုးဝေဟာ ကျောင်းသားတွေကြောက်ရတဲ့ ဆရာမတစ်ယောက်အဖြစ်နာမည်ကြီးလှပါတယ်။ ကျွန်မလည်း ဘာရယ်မသိ ဆရာမရဲ့ နာမည်အရှိန်နဲ့ကို လန့်နေခဲ့မိတယ်။ အတန်းထဲမှာ ဆရာမကို မျက်လုံးခြင်းတောင် မစုံရဲခဲ့ဘူးဆိုတာ ဝန်ခံပါတယ်။ ကျွန်မအထင် ဆရာမကလည်း ဒါကိုသိတော့ကျောင်းသားတွေကြောက်အောင် တမင်ဗြဲချောက်တယ်နဲ့တူပါတယ်။ စာသင်တဲ့အချိန်မှာ အခန်းငြိမ်ခြင်းအတွက် ဒါကထိရောက်ပေမယ့် ကျောင်းသားတွေရဲ့စိတ်ကို ကြောက်စိတ်ဝင်သွားအောင် လုပ်မိရာရောက်တဲ့အဖြစ်မို့ ကျွန်မဘဝင်တော့သိပ်မကျလှပါဘူး။ ဘယ်လိုပဲဖြစ်ဖြစ် ဆရာမဆုံးမပြောဆိုခဲ့တဲ့စကားတစ်ခွန်းကိုတော့ ကျွန်မ မနောတွေ့လွန်းလို့ ယခုအချိန်ထိမှတ်သားထားဆဲပါ။
“လူတစ်ယောက်ရဲ့တန်ဖိုးဆိုတာ အဲဒီလူအဲဒီပတ်ဝန်းကျင်ကနေ ထွက်သွားတဲ့ အချိန်မှာ ကျန်ခဲ့တဲ့လူတွေ သူ့ကိုသတ်မှတ်ဆုံးဖြတ်တဲ့ အရာတစ်ခုပဲ။ လူ့ကောင်းကျိုးလုပ်ခဲ့တဲ့သူဟာ သူ့ထွက်သွားတဲ့အချိန်မှာ သူ့ပတ်ဝန်းကျင်က သူ့ကိုတသသဖြစ်ကျန်နေရတတ်တယ်။ မကောင်းတဲ့သူဆိုရင်တော့ သူမရှိလေကောင်းလေဆိုပြီး သူ့အနားကလူတွေအတွက် ဘာမှအသုံးမကျဘူးပေါ့ကွယ်။”
အဲဒီစကားလေးကိုကြားပြီး ကိုယ့်ပတ်ဝန်းကျင်ကလူတွေအတွက် တန်ဖိုးရှိလှတဲ့ လူတစ်ယောက်ဖြစ်နေဖို့ ကျွန်မဆန္ဒတွေတဖွားဖွား ဖြစ်ပေါ်လာခဲ့ရတာပါ။ ကျေးဇူးတင်ပါတယ် ဆရာမ။
၃။ အထက်တန်းကျောင်းတွေပြီးလို့ နှစ်အနည်းငယ်အကြာမှာ မူလတန်းကျောင်းတက်တုန်းက အချစ်ဆုံးသူငယ်ချင်း ထွယ်ဆန်ပန်နဲ့ သင်တန်းတစ်ခုမှာပြန်ဆုံရာကနေ တစ်နေ့တော့ဖိတ်စာလေးတစ်ခု ကျွန်မဆီရောက်လာပါတယ်။ အသုဘဖိတ်စာပါ။ မူလတန်းသူငယ်ချင်း ဒိုင်းညွယ် အစာအိမ်ကင်ဆာနဲ့ ဆုံးသွားတဲ့အတွက် နှစ်သိမ့်ဆုတောင်းပွဲလုပ်ဖို့ ဖိတ်ကြားစာပါ။
ဒီလိုနဲ့ သူငယ်ချင်းရဲ့ အသုဘလေးကို အကြောင်းပြုပြီး နှစ်အတန်ကြာ ဝေးကွာခဲ့ရတဲ့ မူလတန်းသူငယ်ချင်းတစ်စု ဆုံဖြစ်ခဲ့ကြရတယ်။ ရှေးဖြစ်နှောင်းဖြစ်တွေပြောကြရင်း ကျွန်မတို့အားလုံးကြောက်ခဲ့ရတဲ့ ကြက်ခြေးတန်း အတန်းပိုင်ဆရာမ ဒေါ်ခမ်းနန်အကြောင်းလည်း ပြောဖြစ်တော့ သူငယ်ချင်းတစ်ယောက်က
“ဟေး သူငယ်တန်း ကျောင်းတက်တုန်းက ကျောင်းသွားရင် ဘောင်းဘီအပိုတစ်ထည် ယူသွားရတာမှတ်မိကြလား ”
တစ်ချို့လည်း အေ..မှတ်မိတယ်။ တစ်ချို့လည်း ဟင့်အင်း မမှတ်မိတော့ဘူးပေါ့။ ကျောင်းတက်ခါစကလေးအရွယ်မို့ ဘောင်းဘီထဲ သေးပေါက်ချမယ့်အဖြစ်အတွက် လှဲရန် ဘောင်းဘီတစ်ထည်အပို ယူသွားရခြင်းကို ကျွန်မ ရေးတေးတေးနဲ့ မှတ်မိစရှိလာပါရဲ့။ သူငယ်ချင်းက စကားဆက်ပါတယ်။
“တစ်နေ့တော့ ငါလေ ကျောင်းကို ဘောင်းဘီအပိုတစ်ထည်ယူမသွားမိလို့ ဆရာမရဲ့ဒဏ်ခတ်ခံရတာလေ။”
ဆရာမက ဘယ်လိုဒဏ်ခတ်တာလည်း မှတ်မိကြရဲ့လား”
“မှတ်မိတယ်၊ မှတ်မိတယ်”
“ငါတော့မေ့သွားပြီ။ ပြောပြလေ”
“ဒီလိုလေ။ ဘောင်းဘီအပိုမယူလာတဲ့ကျောင်းသားဆိုရင် တခြားသူယူလာတဲ့ဘောင်းဘီအပိုကို ခေါင်းပေါ်မှာစွပ်၊ ကျောင်းဝရံတာရှေ့ထွက်သွားပြီး မှတ်တတ်ရပ်နေရတာလေ”
“ဟားဟားဟား။ ငါလည်းကြုံဖူးတယ်”
“ဟားဟားဟား”
ဘောင်းဘီခေါင်းစွပ်ြပီး ဝရံတာရှေ့ထွက်ရပ်ခဲ့ကြတဲ့ ငယ်ဘဝအကြောင်း အလွမ်းသယ်မြင်ယောင်ရင်း ကျွန်မတို့အုပ်စု တသောတသောရယ်မောခဲ့ကြရတယ်။ အသုဘအိမ်မှာ ရယ်မောနေမိကြတာမို့ ရှူးရှူုး...ဆိုပြီး တစ်ယောက်နဲ့တစ်ယောက် လက်တို့ပြီး ဘရိတ်အုပ်အရှိန်သပ်ကြရတဲ့အထိပါပဲ။
ခုချိန်မှာ ဆရာမဒေါ်ခမ်းနမ်လည်း ဆုံးသွားခဲ့တာ နှစ်တွေအတော်ကြာခဲ့ပါပြီ။ ကျောင်းသားတွေကို တုတ်နဲ့နာကျင်အောင်မရိုက်ပဲ မိမိရဲ့ပေါ့ရော့မှုအတွက် နောင်မဖြစ်ရလေအောင် ဟာသဆန်ဆန်နဲ့ကိုယ်တိုင်အမှတ်ရစေတဲ့နည်းနဲ့ ဆုံးမတတ်မှုအတွက် ဆရာမကိုချီးကျုးမိပါတယ်။ ကျေးဇူးတင်ပါတယ်ဆရာမ။
၎။ ပထမတန်း ဆရာမနာမည်ကိုတော့ ကျွန်မရေးတေးတေးဖြစ်သွားခဲ့ပေမယ့် ဆရာမပြောခဲ့တဲ့စကားကိုတော့ ယခုထိ မှတ်သားထားခြင်းမဟုတ်ရပေမယ့် မသိစိတ်ကနေ ကောင်းကောင်းမှတ်မိနေပါတယ်။ တစ်နေ့တော့ အတန်းထဲမှာ ဆရာမက အိမ်စာစာအုပ်တွေဝေပါတယ်။ တစ်ယောက်ချင်းကိုယ့်နာမည် ခေါ်သံကြားရင် အခန်းရှေ့ထွက်ပြီး စာအုပ်ထွက်ယူရခြင်းပါ။ (xxxx)ကျွန်မနာမည်ကြားတော့ ကလေးသဘာဝ အပြေးအလွားရှေ့ထွက်ယူလိုက်တာ
"ဆရာမရဲ့ခြေတောက်ကိုတောင် ကျော်ပြီးသွားရသလား။ နောက်ငရဲအိုးထဲ ဇောက်ထိုးကျလိမ့်မယ်" ဆရာမရဲ့ အသံကျယ်ကြီးကြောင့် ကျွန်မကြောက်သွားလို့ တကိုယ်လုံးတုန်လှုပ်သွားရတဲ့အထိပါပဲ။ စာအုပ်ယူချင်ဇောနဲ့ ပြေးသွားခဲ့မိတာ၊ ထိုင်ခုံပေါ်ထိုင်ပြီး ရှေ့ထုတ်ထားတဲ့ ဆရာမရဲ့ခြေတောက်ကိုမမြင်မိပဲ ကျော်သွားခဲ့မိခြင်းပါ။
ဆရာမရဲ့အပြောဟာ နုနည်တဲ့ ကလေးရဲ့စိတ်ကို ကြောက်လန့်စိတ်သွင်းပေးမိလိုက်တာ ဆရာမ သိချင်မှသိလိုက်မှာပါ။ ဒီလိုနဲ့ ကျွန်မငယ်ဘဝမှာတော့ ဆရာမတွေကို ဘာရယ်မသိ ကြောက်စိတ်ဝင်သွားခဲ့ရတယ်။ ကလေးတစ်ယောက်ရဲ့အမှားအတွက် အကျိုးသင့်အကြောင်းသင့် ရှင်းပြပြီးဆုံးမသင့်တယ်လို့ ကျွန်မမြင်တယ်။ ကျွန်မတို့ကိုယ်တိုင်လည်း ကလေးလေးတွေကို အမှုမဲ့ မမှတ်မဲ့ သတိလက်လွတ် မပြောဆိုသင့်ဘူးဆိုတာ ကျွန်မကိုယ်တွေ့သိလိုက်ရတဲ့ သင်ခန်းစာတစ်ခုပါ။ ကျေးဇူးတင်ပါတယ်ဆရာမ။
၅။ တစ်နေ့ တရုတ်စာကျူရှင်တစ်ခုမှာ မူလတန်းကျောင်းသူဘဝက အချစ်ဆုံးသူငယ်ချင်း ထွယ်ဆန်ပန်နဲ့ ပြန်ဆုံခဲ့ပါတယ်။ ချစ်ရတဲ့ သူငယ်ချင်းနှစ်ယောက် ပြန်ဆုံရလို့ စကားတွေ ရေပတ်မဝင်ဖြစ်ခဲ့ရာကနေ သူတက်နေတဲ့ဂီတာသင်တန်းကို အတူလိုက်တက်ဖို့ ကျွန်မဆုံးဖြတ်ခဲ့တယ်။ ဆရာ(xxxဆရာ့နာမည်ကို ကျွန်မအစဖော်မရတော့ပါ) ဂီတာသင်တန်းမှာ ဂီတာရဲ့ အခြေခံကို ကျွန်မသင်ယူခဲ့ရသလို ဆရာပေးခဲ့တဲ့စကားလက်ဆောင်ကိုလည်း ကျွန်မရခဲ့ပါတယ်။
“လူဆိုတာ ကိုယ်ကတက္ကသိုလ်အဆင့်ရောက်မှ တခြားစာမတတ်တဲ့သူတွေကို ကကြီးခခွေးသင်ပေးနိုင်တာမဟုတ်ပါဘူး။ လေးတန်းအဆင့်သာ တတ်မြောက်ထားသူဆိုရင်လည်း တခြားမတတ်သေးသူကို သင်ပေးနိုင်ပါတယ်။ ”
ဆရာ့စကားက ရိုးရှင်းပေမယ့် ကိုယ့်မှာရှိတဲ့အရာ၊ တတ်မြောက်ထားတဲ့အရာတွေကို နည်းတယ်မဆိုပဲ အခြားသူတွေကိုဝေငှပေးတတ်တဲ့ စိတ်ကောင်းလေးထားတတ်ဖို့ ဆုံးမခဲ့တဲ့ တန်ဖိုးရှိလှတဲ့စကားပါ။ ကျေှးဇူးတင်ပါတယ်ဆရာ။
၆။ မြန်မာကျောင်း အထက်တန်းပြီးလို့ အဖေရဲ့ဆန္ဒအရ တရုတ်အထက်တန်းကျောင်းကို ပြောင်းပြီးတက်ခဲ့ရပါတယ်။ တရုတ်ကျောင်းစတက်တဲ့ပထမနေ့မှာပဲ မျက်နှာထားတင်းလွန်းလှတဲ့ ဆရာခွမ်ကို ကျွန်မသတိထားမိပါတယ်။ ဆရာခွမ်ကကျောင်းမှာ စည်းကမ်းထိန်းသိမ်းရေးပိုင်းမှာလည်း တာငန်ရှိသူတစ်ယောက်ပါ။ လူပုပေမယ့် အသံသြဇာကောင်းလွန်းသူတစ်ယောက်ပါ။
တစ်နေ့စာမေးပွဲခန်းမှာ ဆရာခွမ်က ထုံးစံအတိုင်း စာမေးပွဲခန်းတွေကို တစ်ခန်းဝင်တစ်ခန်းထွက် စစ်ဆေးရေးလှဲ့ပါတယ်။ ကူးချတဲ့သူတွေ ရှိမရှိပေါ့လေ။ ဒီလိုနဲ့ ဆရာခွမ် အခန်းလှဲ့တာ ကျွန်မတို့အခန်းကို ရောက်လာပါတယ်။ ဆရာခွမ်က သူ့တာဝန်အရ ရှေ့ဆုံးကကျောင်းသားကစပြီး ခိုးကူးစာရွက်ပါမပါ၊ လက်ဖဝါးပေါ်မှာ ကူးချထာခြင်းရှိမရှိ စစ်ပါတယ်။ စာမေးပွဲဖြေကောင်းကောင်းရှိနေစဉ်မှာ ကျွန်မအနားသို့ ရောက်လာပါတယ်။ ကျွန်မကတော့ အေးဆေးပါပဲ။ ဆရာခွမ် ကျွန်မအရှေ့သို့ ရောက်လာတော့ လက်ဖဝါးနှစ်ဘက်ကို ဖြန့်ပြလိုက်ပါတယ်။ အဲဒီမှာပဲ ဇတ်လမ်းစပါတော့တယ်။
“လက်ဖဝါးမှာ ကူးချထားတာတွေရှိတယ်။ စာမေးပွဲဆက်ဖြေခွင့်မရှိတော့ဘူး။ ခဏနေ ရုံးခန်းကို လိုက်ခဲ့ပါ” ဆရာ့ရဲ့ မျက်နှာထားတင်းတင်းကြားကနေ ထွက်ပေါ်လာတဲ့ အသံတွေက ကျွန်မကိုယ့်ကိကိုယ် မယုံနိုင်ပဲ လက်ဖဝါးကို ကြည့်လိုက်မိတော့ အို..ဟုတ်ပါရဲ့ ဘောပင်နဲ့တွက်ချက်ထားတဲ့ ဂဏာန်းတစ်ချို့။
“ဆရာ ..ဒါကျွန်မ မနက်က စာကြည့်တုန်းက လေ့ကျင့်ထားတာတွေပါ။ စာမေးပွဲအတွက် ကူးရေးထားတာတွေ မဟုတ်ပါဘူး”
“မရဘူး ၊ ရုံးခန်းလိုက်ခဲ့ပါ”
ကျွန်မ ဘယ်လိုပဲရှင်းပြရှင်းပြ ဆရာခွမ်က ဘူးဆိုဘူး ဖရုံမသီးတော့ပေ။ ဒါနဲ့ ရုံးခန်းထဲရောက်သွားတော့ ကျွန်မလိုပဲ စာမေးပွဲခန်းထဲကနေ ရုံးခန်းရောက်လာတဲ့ ကျောင်းသား၅ယောက်၆ယောက်လောက်ကို တွေ့လိုက်ရပါတယ်။ ကိုယ့်အဖြစ်က ခိုးကြည့်ထားလို့မဟုတ်ပဲ ရုံးခန်းရောက်ရတော့ ရှက်လည်းရှက်၊ ရှင်းပြတာကို လက်မခံတဲ့ဆရာခွမ်ကိုလည်း ဒေါသဖြစ်မိတာ အမှန်ပါ။ နောက်တစ်နေ့ကျောင်းရောက်တော့ ကျောင်းရှေ့ကြေငြာသင်ပုန်းပေါ်မှာ ခိုးကြည့်သူစာရင်းထဲ ကျွန်မနာမည်လည်း ပါလာပါတော့တယ်။ ရှက်လိုက်တာမှ မပြောပါနဲ့တော့။ တသက်တွင်တခါမျှ ယခုလိုမကြုံဘူးပါ။ သူငယ်ချင်းတွေကြားထဲမှာ မျက်နှာမပြရဲတော့တာလည်း အမှန်ပါ။ ခိုးကြည့်တာ ဆရာမိလို့ သုညရတဲ့အဖြစ်သို့ အထင်လွဲခြင်းခံရခြင်းပါ။ သူငယ်ချင်းတွေကို “ငါခိုးကြည့်တာမဟုတ်ဘူး။ လက်ဝါးပေါ်မှာ ရေးထားမိတာ ဖျက်ဖို့မေ့သွားတာပါ” လို့ တစ်ယောက်ချင်းကိုလိုက်ရှင်းပြဖို့လည်း မဖြစ်နိုင်တော့ပါ။ အဖေနဲ့အမေကတော့ ကျွန်မကို နှစ်သိမ့်အားပေးပါတယ်။ “သမီးရဲ့ ဖြစ်ကတတ်စမ်း အပျင်းကြီးတဲ့ အဖြစ်ကြောင့် အရှက်ကွဲခဲ့ရပြီးပြီ။ ဒီအဖြစ်အပျက်ကနေ သင်ခန်းစာယူပါ” ဆိုပြီး နှစ်သိမ့်ပါတယ်။ ဟုတ်ပါတယ်။ တခါတရံ အကြမ်းရေးဖို့ စာရွက်ယူရမှာပျင်းပြီး လက်ဖဝါးပေါ်မှာ အလွယ်တကူ ရေးခြစ်မိတတ်ပါတယ်။
ခုတော့ ဒီအရှက်ကွဲရတဲ့ အဖြစ်အပျက်ကနေ ကျွန်မရဲ့အကျင့်ဆိုးကို ဖျောက်ဖြက်နိုင်ခဲ့ပါပြီ။ တသက်စာ ကောင်းကောင်းမှတ်သွားခဲ့ရတဲ့အဖြစ်ပါ။ အဲဒီအချိန်ကစလို့ ရေးမှတ်စရာတွေကို စာရွက်ပေါ်မှာ စနစ်တကျ ရေးမှတ်တတ်ခဲ့ပါပြီ။ အခုတော့ ဆရာခွမ်ကို ကျွန်မကျေးဇူးတင်မိတာ အမှန်ပါ။
ရ။ ဆရာများအကြောင်းကို အကျယ်တဝင့် ရေးနေချိန်မှာ ကျွန်မရဲ့အဖေအကြောင်းကိုလည်း ချန်လပ်ထားလို့မဖြစ်ပေဘူး။ ဘာလို့ဆို ကျွန်မအဖေဟာ ကိုယ်တိုင်ဆရာလည်းဟုတ်၊ ကျွန်မရဲ့လက်ဦးဆရာလည်းဟုတ်လို့ပါ။ စည်းကမ်းကြီးတဲ့ အဖေ့ကို ကျောင်းသားတွေ ကြောက်ရသလို ၊ အိမ်မှာလည်း အဖေကို ကြောက်ချစ်ရိုသေရပါတယ်။ တခါတရံ အိမ်မှာအဖေက သူ့အလုပ်ခွင်က ဆရာဆရာမနဲ့ ကျောင်းသူကျောင်းသားကြား စည်ကမ်းထိန်းသိမ်းပုံတွေ၊ စိတ်ပျက်စရာအကြောင်းတွေ၊ ရယ်မောစရာအဖြစ်အပျက်တွေကို ပြောပြလေ့ရှိတတ်ပါတယ်။ အဖေပြောပြတဲ့အကြောင်းအရာလေးတွေက စိတ်ဝင်စားစရာကောင်းတာမို့ ကျွန်မအတွက်တော့ မရိုးနိုင်တဲ့ သင်ခန်းစားတွေရခဲ့ပါတယ်။ အဖေအမြဲပြောနေကြစကားကတော့
“စိုက်တဲ့အတိုင်းရိတ်ရမယ်” ဆိုတာပါပဲ။ ကောင်းတာစိုက်ရင် ကောင်းတာရမယ်။ အပျင်းကြီးတဲ့သူကတော့ ဘာမှရမှာမဟုတ်ဘူးဆိုပြီး ဆုံးမတတ်ပါတယ်။ ဒါ့အပြင်အဖေရဲ့ဆရာတစ်ယောက်အနေနဲ့ ခံယူထားတဲ့အရာတစ်ခုကိုလည်း ကျွန်မကိုပြောပြဘူးပါတယ်။
“ ဆရာကောင်းတစ်ယောက်ဆိုတာ အခန်းထဲမှာ အညံ့ဆုံးကျောင်းသားကို တတ်မြောက်လာအောင်၊ ကြိုးစားချင်လာအောင်၊ တော်တဲ့ကျောင်းသားတစ်ယောက်ဖြစ်လာအောင် သင်ပြနိုင်ခြင်းပါပဲ။ တော်ပြီးသားကျောင်းသားကို တော်အောင်သင်နိုင်တာ မဆန်းဘူး။ ညံ့တဲ့ကျောင်းသားကို တော်လာအောင် သင်ပြနိုင်တဲ့ဆရာကသာ အရည်ချင်းရှိတဲ့ ဆရာလို့ပြောနိုင်တယ်”
အဖေပြောပြခဲ့တဲ့ အဖေကိုယ်တိုင်အရည်အချင်းရှိတဲ့ ဆရာကောင်းတစ်ယောက်ဖြစ်နေရခြင်းရဲ့ ခံယူချက်တစ်ခုပါ။ အဖေက ခက်တဲ့စာတွေကို ကျောင်းသားတွေနားလည်လွယ်အောင် ရိုးရှင်းစွာ သင်ပြတတ်ပါတယ်။ ဒါကြောင့် ကျောင်းသားကျောင်းသူတွေဟာ အဖေစာသင်တာကို ကြိုက်နှစ်သက်ကြတယ်။ကျွန်မအထက်တန်းကျောင်းသူဘဝမှာလည်း ကျွန်မကို ဂရုတစိုက်နဲ့ စာတွေရှင်းပြပေးခဲ့တဲ့ ကျေးဇူးတွေလည်းများလှပါတယ်။ ကျေးဇူးတင်ပါတယ် အဖေ။
၈။ ပထမတန်းမြန်မာစာဖတ်စာအုပ်မှာပါတဲ့“မပုကြွယ်နဲ့ ခရုငယ်”ပုံပြင်လေးကို ပမာပြုရင်း ကျွန်မကို အခါခါ အားပေးတတ်သူက ကျွန်မရဲ့ချစ်မေမေပါ။ ပြည်ပနိုင်ငံမှာ ပညာသင်ယူနေတဲ့ ကျွန်မရဲ့လက်ရှိဘဝဟာ တခါတရံ မောပန်းရသလို၊ တခါတရံ အားငယ်စိတ်ဓတ်ကျမိတာတွေနဲ့ နာပန်းလုံးနေတတ်ပါတယ်။ ကျွန်မဖုန်းဆက်ပြီး ငြီးတွားမိတဲ့ အချိန်တိုင်းမှာ
“ ငယ်ငယ်ကသင်ခဲ့ရတဲ့ ခရုငယ်လေးရဲ့ အဖြစ်လိုပဲပေါ့ သမီးရယ်။ စိတ်ဓတ်မကျပါနဲ့။ ခရုငယ်လေးလို မလျှော့သောဇွဲနဲ့ကြိုးစားမယ်ဆိုရင် တစ်ချိန်ချိန်မှာ လိုရာပန်းတိုင်ကို ရောက်ရမှာပေါ့” ဆိုပြီး အားပေးတတ်ပါတယ်။ အမေ့ရဲ့အားပေးမှုသာမရှိခဲ့ရင် ကျွန်မယခုလိုအနေအထားသို့ ရောက်လာစရာအကြောင်းမရှိနိုင်ပါဘူး။ အမေ့ကျေးဇူးတွေပါ။
အဖေ့ဆန္ဒအရ ငယ်စဉ်ကလေးဘဝအချိန်မှာ မနက်စောစောထပြီး တရုတ်ကျူရှင်တက်ခဲ့ရတာ၊ မြန်မာကျောင်းအထက်တန်းပြီးလို့ တရုတ်ကျောင်းအထက်တန်းပြောင်းတက်ခဲ့ရတာတွေဟာ အဲဒီအချိန်အခါက စိတ်ပင်ပန်းခဲ့ရတဲ့ အချိန်တွေပါပဲ။ “တော်ပြီ၊ မနက်ဖြန်တရုတ်ကျူရှင် မသွားတက်တော့ဘူး။ တရုတ်ကျောင်းမတက်ချင်တော့ဘူး” ဆိုပြီး အဖေ့ကို စိတ်ကောက်တိုင်း ကျွန်မပြောနေကျပါ။ ဒါပေမယ့် “သွားတက်လိုက်ပါသမီးရယ်၊ သွားတက်လိုက်နော်”ဆိုပြီး ကျွန်မကို အမြဲဖျောင်းဖျပြောဆိုတတ်သူက အမေပါ။ ဒီလိုနဲ့ အမေရဲ့အားပေးမှုများကြောင့် ပြည်ပနိုင်ငံသို့သွားပြီး ပညာသင်ခွင့်ရတဲ့အဆင့်ထိ လျှောက်လှမ်းနိုင်ခဲ့ပါတယ်။ ယခုအချိန်ထိ အမေရဲ့အားပေးမှုများနဲ့ အားယူနေရဆဲပါ။
“ဥာဏ်ပညာလိုချင်ရင် ဘုရားဆီကတောင်းပါ။ ကျမ်းစာဖတ်၊ ဆုတောင်းနော်။ ဘုရားသည်သာ ဥာဏ်ပညာရဲ့အချုပ်အခြာဖြစ်တယ်”ဆိုပြီး ဆုံးမတတ်ပါသေးတယ်။
အခုလို စာပေဝါသနာပါလာရတာဟာလည်း အမေရဲ့ပြုစုပျိုးထောင်ပေးခဲ့တဲ့ အသီးအပွင့်တစ်ခုလို့ ပြောလို့ရပါတယ်။ မူလတန်းနေ့ရက်တော်တော်များများရဲ့ ညနေကျောင်းဆင်းချိန်အိမ်ပြန်လမ်းမှာ အမေက စာအုပ်ရောင်းတဲ့ဆိုင်ဝင်ပြီး ကျွန်မဖတ်ဖို့ အပတ်စဉ်ထုတ်တေဇ၊ ရွှေသွေးနဲ့လစဉ်ထုတ်မင်္ဂလာမောင်မယ်စာအုပ်တွေကို ဝယ်ပေးတတ်ပါတယ်။ စာအုပ်အသစ်ဝယ်လာပြီးတိုင်း စာအုပ်ရဲ့ ပထမစာရွက်ပေါ်မှာ အမေ့လက်ရေးလှလှနဲ့ ကျွန်မနာမည်လေးကို ရေးပေးတတ်ပါတယ်။အဲဒီစာအုပ်လေးတွေဟာ ကျွန်မငယ်ဘဝရဲ့ တန်ဖိုးရှိလှတဲ့ သူငယ်ချင်းကောင်းလေးတွေပေါ့။
“ချစ်ဖွယ်နဲ့ညစ်ကျယ်”ဆိုတဲ့ ကျွန်မတို့မမွေးခင်ကတည်းက နာမည်ကြီးတဲ့ ကာတွန်းဇတ်ကောင်လေးတွေနဲ့လည်း ရင်းနှီးခဲ့ရပါတယ်။ သားသမီးတွေ စာဖတ်တတ်လာရင်ဖတ်ဖို့ဆိုပြီး အဖေနဲ့အမေက ကျွန်မတို့မမွေးခင်ကတည်းက စုဆောင်းပေးခဲ့ကြတာပါ။ ကျွန်မစာဖတ်တတ်စရှိလာချိန်မှာ အမှတ်စဉ်အလိုက် နှစ်ချုပ်ထားတဲ့ စာအုပ်အထူကြီးတွေနဲ့ ပျော်မွေ့ခဲ့ရတယ်။ အမေဟာ ကျွန်မလေ့လာဖို့ တခြားကျောင်းဘာသာရပ်ဆိုင်ရာနဲ့ပတ်သက်တဲ့ စာအုပ်တွေကိုလည်း ဝယ်ပေးရုံသာမက ကျွန်မနဲ့အတူ အချိန်ပေးပြီး လုပ်ဆောင်ပေးခဲ့တယ်။ ကျွန်မမူလတန်းကျောင်းသူအရွယ်မှာ အမေကအထက်တန်းပြဆရာမတစ်ယောက်ပါ။ နောက်မိသားစုကို အချိန်ပိုပြီးပေးနိုင်ဖို့အတွက် အမေဟာသူဝါသနာပါတဲ့ ဆရာမအလုပ်ကိုထွက်ခဲ့ပါတယ်။ အမေဟာ သူ့ဘဝတစ်ခုလုံးကို ချစ်တဲ့မိသားစုလေးအပေါ် ရင်းနှီးပေးဆပ်ခဲ့သူပါ။ အမေ့ကို ကျေးဇူးတင်ပါတယ်။
၉။ တစ်နေ့မှာ ကျွန်မနေထိုင်နေတဲ့ ပြည်ပနိုင်ငံကို အလုပ်ကိစ္စနဲ့ ပတ်သက်ပြီး အဖေခေတ္တရောက်လာပါတယ်။ အဖေအလုပ်စည်းဝေးကိစ္စတွေပြီး အပြန်ခရီးစဉ်မှာ မြန်မာနိုင်ငံမှာရှိတဲ့ ရင်းနှီးသူတစ်ချို့ကို လက်ဆောင်ပေးဖို့ အဖေနဲ့လူကြုံပါးလိုက်ပါတယ်။ အဲဒီထဲမှာ ဆရာမဒေါ်နန်ဘောက်အတွက်လည်း ပြက္ခဒိန်လက်ဆောင်လေးတစ်ခုပါးလိုက်ပါတယ်။
ဆရာမဒေါ်နန်ဘောက်ဆိုတာကတော့ ကျွန်မအထက်တန်းကျောင်းသူဘဝ ၉တန်းနဲ့၁၀တန်းတက်စဉ်ကာလမှာ ကျွန်မကို အင်္ဂလိပ်စာကျူရှင်သင်ပေးခဲ့တဲ့ဆရာမပါ။ “နင့်မိဘတွေနဲ့ ငါနဲ့ကအရမ်းရင်းနှီးကြတာ”ဆိုပြီး ၉တန်းတစ်နှစ်ပတ်လုံး ကျူရှင်လခ တပြားမျှမယူပဲ စေတနာအပြည့်နဲ့ သင်ပေးခဲ့တဲ့ ဆရာမပါ။ ဆရာမက သူ့ရဲ့လက်နှိပ်စက်ကလေးနဲ့ ကျွန်မတို့သင်ရမယ့် အင်္ဂလိပ်စာသဒ္ဒါတွေကို ကျူရှင်မရှိတဲ့ နေ့တွေမှာ ကြိုတင်ရိုက်နှိပ်ထားတတ်ပါတယ်။ ကျူရှင်ရှိတဲ့နေ့ အတန်းစတက်တာနဲ့ ဆရာမကြိုတင်ရိုက်နှိပ်ထားတဲ့ စာရွက်ပေါ်မှာ ကျွန်မတို့က လေ့ကျင့်လိုက်ရုံပါပဲ။ အင်္ဂလိပ်သဒ္ဒါကို တော်တော်လေးဖိပြီးသင်ပေးတတ်ပါတယ်။ အထက်တန်း၂နှစ်တာကာလမှာ ဆရာမနဲ့အတူ အင်္ဂလိပ်စာအခြေခံသဒ္ဒါများကို သေသေချာချာ လုပ်ဖြစ်ခဲ့ပါတယ်။ ဆရာမက အတန်းထဲမှာ အပြင်အကြောင်း အာလူးလဲသိပ်မပြောတတ်ပါဘူး။ အပျိုကြီးဆိုတဲ့အတိုင်း စကားကိုခပ်ပြတ်ပြတ်ပြောတတ်လို့ တခါတရံ သတိလေးနဲ့တော့ နေရပါတယ်။
တစ်နေ့အမေနဲ့ဖုန်းဆက်ဖြစ်တော့ “အမေ ဟိုတစ်နေ့ကဆရာမဒေါ်နန်ဘောက်ဆီရောက်ဖြစ်ခဲ့သေးတယ်။ အဲဒါ ဆရာမက သမီးကိုသတိရတယ်လို့ နှုတ်ဆက်လိုက်တယ်။ ပြီးတော့ ဆရာမက သမီးပေးခဲ့တဲ့ ပြက္ခဒိန်ကို အမေ့ကိုထုတ်ပြသေးတယ်။
နင့်သမီးပေးထားတဲ့ လက်ဆောင်လေ။ ငါမပြစ်ရက်လို့ ခုထိသိမ်းထားတုန်း” ဒီစကားကို ကြားလိုက်ရတော့ ကျွန်မရင်ထဲမှာ အံ့သြဝမ်းသာရင်း ရင်ထဲဆို့နှင့်သွားပါတယ်။ ကျွန်မရဲ့ တန်ဖိုးမရှိတဲ့ လက်ဆောင်လေးတစ်ခုကို ဆရာမကတန်းဖိုးထားပြီး သိမ်းထားပေးတယ်တဲ့။ ကျွန်မအပေါ်မှာထားတဲ့ ဆရာမရဲ့ မေတ္တာသံယောဇဉ်လေးကို သိလိုက်ရပါတယ်။ ကျွန်မနိုင်ငံခြားသွားမယ်ဆိုပြီး ဆရာမကို သွားနှုတ်ဆက်တုန်းကလည်း ကျွန်မကို မုန့်ဖိုးငွေတွေလည်း ပေးခဲ့ဘူးပါတယ်။ ယခင်က ဆရာမကို ခပ်ပြတ်ပြတ် အမျိုးသမီးကြီးတစ်ယောက်လို့ပဲ ထင်ထားခဲ့တဲ့ကျွန်မ၊ ယခုတော့ ဆရာမရဲ့မေတ္တာတွေကို ပိုပြီးမြင်တတ်လာပါပြီ။ ကျေးဇူးတင်ပါတယ် ဆရာမ။ မြန်မာပြည်ပြန်တဲ့တစ်နေ့ ဆရာမရဲ့အိမ်လေးဆီသို့ သွားဖြစ်အောင် သွားဖို့ စိတ်ကူးထားပါတယ်။
ဆရာဆိုတာ
တပြားမရှိ
တပည့်မရှား
ပီတိကိုစား
အားရှိသူများဆိုတာ မှန်လှပါတယ်။
၁၀။ ထိုင်ဝမ်တက္ကသိုလ်ရဲ့ ပထမနှစ်တက်စဉ်တုန်းက အားကစားအချိန်မှာ ကျွန်မတို့တွေ ဘောလုံးကွင်းကို ပတ်ပြေးခဲ့ရဘူးပါတယ်။ မိန်းကလေးတွေက(၂)ပတ်၊ ယောကျာ်းလေးတွေက (၄)ပတ်ပေါ့။ တစ်ချို့လည်းအားကြိုးမာန်တက်နဲ့ ပြေးကြတယ်။ တစ်ချို့လည်း အေးအေးဆေးဆေးပေါ့။ အဲဒီမှာ ပြေးပြီးလို့ ဆရာပြောခဲ့တဲ့စကားက ကျွန်မတို့အားလုံးလိုက်နာသင့်တဲ့ တန်ဖိုးရှိလှတဲ့ စကားအဖြစ် ကျွန်မရင်ထဲမှာသိမ်းထားလိုက်ပါတယ်။
“
ခုနက တပည့်တို့တွေ ကွင်းကိုပတ်ပြေးကြတယ်။ တစ်ချို့လည်း ဆရာ့စကားကို သေသေချာချာနားထောင်ပြီးပြေးကြတယ်။ တစ်ချို့လည်း အချောင်ခိုနေကြတယ်။ တပည့်တစ်ယောက်ချင်းကို အပတ်ရေပြည့်မပြည့် ဆရာလိုက်မကြည့်နိုင်ဘူး။ ဒါပေမယ့် တစ်ပတ်ပြီးသွားတိုင်း တစ်ပတ်ကိုယ့်ကိုယ်ကို ကိုယ်ရည်သွေးပါ။ ဒီအပတ်အတန်းချိန်မှာ ကွင်းနှစ်ပတ်ပြေးရတယ်ဆိုရင် နှစ်ပတ်ပြည့်ပြေးနိုင်အောင်လေ့ကျင့်ပါ။ အချောင်မခိုပါနဲ့။ ဒီလိုဆိုရင် နောက်တစ်ပတ်မှာ (၃)ပတ်ပြေးနိုင်လာလိမ့်မယ်။ တစ်ပတ်ပြီးသွားတိုင်း ကိုယ့်ရဲ့အရည်အချင်းစံချိန်တက်လာဖို့ ကြိုးစားကြပါ ”
ဆရာ့စကားကြားပြီးချိန်မှ ကျွန်မတို့တွေ အချောင်မခိုရဲတော့ပါဘူး။ ဆရာ မမြင်ပါဘူး၊ မသိပါဘူးဆိုပြီး အချောင်ခိုခြင်းဟာ ကိုယ့်ရဲ့အရည်အချင်းစံချိန်ကိုသာ ယုတ်လျော့စေတယ်ဆိုတာ သဘောပေါက်သွားကြပါပြီ။ ကိုယ်ရည်ကိုယ်သွေးထက်စေဖို့ ဓားတစ်ချောင်းလို အမြဲတစေ သွေးနေဖို့သာလိုကြောင်း ကျွန်မနားလည်ခဲ့ပါတယ်။ ကျေးဇူးတင်ပါတယ် ဆရာ။
၁၁။ ထိုင်ဝမ်မှာ ပညာသင်ယူနေတဲ့ကာလတွေမှာ ကျွန်မလူတွေကို သတိထားကြည့်မိတော့ လူတိုင်းဟာ အလုပ်ရှုပ်နေကြတာကို တွေ့မိတယ်။ အလုပ်လုပ်တဲ့သူတွေလည်း အလုပ်တွေနဲ့ မနားရ။ ကျောင်းသားဆိုလည်း စာတွေနဲ့ လုံးချာလိုက်လို့နေကြရတယ်။ ပတ်ဝန်းကျင် လူမှုဘဝရဲ့ တောင်းဆိုမှုတွေကြောင့် မနားမနေကြိုစားကြရတယ်။ အလုပ်တွေနဲ့ ရှုပ်ပြီးရင်းရှုပ်၊ မောပြီးရင်းမောပါပဲ။ ကျွန်မကိုယ်တိုင်လည်း ဒီအတိုင်းပါပဲ။ အိမ်စာအချိန်မှီမပြီးရတာနဲ့။ စာမေးပွဲအတွက် အဆင်သင့်မဖြစ်ရသေးတာနဲ့ လည်နေတတ်ပါတယ်။ နေ့စဉ်လည်း ဒီစာတွေနဲ့၊ ဒီအလုပ်တွေနဲ့ပဲ နှစ်ပါးသွားနေကြပေမယ့် ဘယ်တော့မှ အေးအေးဆေးဆေး ပြီးသွားတယ်လို့မရှိပါဘူး။ ပျာယာခတ်နေတဲ့ နေ့စဉ်ဘဝ ဖြစ်လို့နေပါတယ်။
တစ်နေ့ ဓာတုဗေဒ ဘာသာရပ်ကို သင်ကြားပေးတဲ့ ဆရာ လရုံရုရှီးက အတန်းချိန်စာသင်ပြီးချိန်မှာ တပည့်တွေအတွက် စကားလက်ဆောင်ပေးဖို့ဆိုပြီး powerpoint နဲ့ တင်ပြရင်းပြောပြပါတယ်။ တကယ့်က်ို တန်ဖိုးရှိတဲ့ လက်ဆောင်လေးပါ။ ပျာယာခပ်နေတဲ့ ဘဝကြီးကို အေးအေးဆေးဆေးနဲ့ ဖြစ်သန်းသွားနိုင်ဖို့ နည်းလမ်းကောင်းလေးတစ်ခုပေါ့။
အထက်ပါဇယားကတော့ ဆရာပြောပြတဲ့ ဇယားလေးကို မှတ်မိသလောက်ပြန်ချရေးထားခြင်းပါ။ လောကကြီးမှာ တစ်ချို့လူတွေက အရေးကြီးပြီး အလျင်လိုနေတဲ့ ကိစ္စတွေနဲ့ အလုပ်ရှုပ်နေတတ်ပါတယ်။
တစ်ချို့လူတွေက အရေးကြီးပြီး အလျင်မလိုတဲ့ ကိစ္စတွေနဲ့ အလုပ်ရှုပ်နေတတ်ပါတယ်။
တစ်ချို့လူတွေကြပြန်တော့ အရေးမကြီးပဲ အလျင်လိုနေတဲ့ ကိစ္စတွေနဲ့ အလုပ်ရှုပ်ကြပြန်တယ်။
တစ်ချို့လူတွေကြတော့ အရေးလဲမကြီး မလျင်လဲမလိုတဲ့ ကိစ္စတွေနဲ့ အလုပ်ရှုပ်နေရပါတယ်။
ကဲ ဒီလိုလူတွေထဲမှာ ကိုယ်ကဘယ်လိုလူစားမျိုးလည်းဆိုတာ လက်ထောင်ကြတော့ ကျွန်မက အရေးကြီးပြီး အလျင်လိုနေတဲ့ ကိစ္စတွေနဲ့ အလုပ်ရှုပ်နေတဲ့ လူအမျိုးစားဖြစ်လို့နေပါတယ်။ မနက်ဖြန်သဘက်ခါ ဖြေမယ့်စာမေးပွဲတွေနဲ့ ရေးကြီးသုတ်ပြာဖြစ်နေရတာနဲ့ မနက်ဖြန်နောက်ဆုံးထပ်ရမယ့် အိမ်စာတွေကို ဒီညမှ စလုပ်တာတွေပဲဖြစ်နေမိတတ်တယ်။ အချိန်ရပါသေးတယ်၊ လိုပါသေးတယ်ဆိုပြီး သီးချင်းနားထောင်နေမိတာ၊ အပျင်းကြီးနေမိတတ်ပါတယ်။ အချိန်ကပ်မှသာ အလျင်လိုကိစ္စ အရေးကြီးကိစ္စတွေဖြစ်မှသာ လူကပျာပျာသလဲ အလုပ်ရှုပ်ပါတော့တယ်။ ဒါနဲ့ပဲ ကျွန်မဟာ အလုပ်တွေရှုပ်ပြီး ပျာယာခပ်မောပန်းနေရတဲ့သူ ဖြစ်မှန်းမသိဖြစ်နေမိမှန်း ဆင်ခြင်မိပါတော့တယ်။
တကယ်တန်း အချိန်ကို စီမံခန့်ခွဲပြီးအသုံးချတတ်သူက နေ့စဉ်အသက်တာမှာ အရေးကြီးပြီး အလျင်မလိုသေးတဲ့ ကိစ္စတွေကို စီမံခန့်ခွဲလုပ်ဆောင်နေတတ်သူသာဖြစ်တယ်လို့ ဆရာကပြောပြပါတယ်။
စာမေးပွဲ မရောက်ခင်ကတည်းက နေ့စဉ်အချိန်ယူပြီးပြင်ဆင်တတ်သူ၊ စည်းဝေးမှာ တင်ပြရမယ့်အကြောင်းအရာကို ကြိုတင်ပြင်ဆင်ထားသူ၊ နိုင်ငံခြားထွက်ပြီး ပညာသင်ဖို့ အချိန်ယူပြီးလေ့လာခြင်းမျိုး စသဖြင့် အချိန်ယူလုပ်ဆောင်တတ်သူသာ နားချိန်နားနိုင်ပြီး ပျာယာခပ်မောပန်းနေရတဲ့ ဘဝကနေရုန်းထွက်နိုင်ပါလိမ့်မယ်ဆိုပြီး သတိပေးခဲ့ပါတယ်။
ဒါကြောင့် ဆရာ့အတန်းချိန်စတက်ကတည်းက ဆရာ့ရဲ့ထူးခြားမှုတစ်ခုကို သတိထားမိခဲ့ပါတယ်။ ဆရာကိုယ်တိုင်က စာသင်တဲ့အချိန်မှာလည်း ပျာယာခပ်နေတာမျိူးမရှိပါဘူး။ အတန်းချိန် သုံးနာရီကျော်အတွင်း နာရီတိုင်းမှာ ဘယ်အထိသင်မယ်ဆိုပြီး ကွက်တိပြင်ဆင်ထားပုံရပါတယ်။ ပြီးတော့ဆရာဟာ ဘယ်တော့မှ အတန်းချိန်နောက်မကျတတ်ပါဘူး။ သင်ခန်းစာတွေကိုလည်း အတန်းခေါင်းလောင်းမထိုးခင် အချိန်မှီ၊ အချိန်ကိုက် ပြီးအောင်သင်နိုင်ပါတယ်။ “ငါပြောသလိုလုပ်၊ ငါလုပ်သလို မလုပ်နဲ့” ဟု ဆိုသူများနဲ့ ခြားနားလှပါတယ်။ ဆရာ့ကိုကြည့်လိုက်မယ်ဆိုရင် အချိန်ယူပြီးလုပ်ဆောင်တတ်သူတစ်ယောက်ရဲ့ အေးဆေးတည်ငြိမ်မှုကိုတွေ့မြင်ရပါတယ်။ ကျွန်မလည်းဆရာ့ကို အားကျပြီး အကျင့်ဆိုးလေးတွေကို ပြောင်းလဲမှဖြစ်တော့မယ်ဆိုတာ နှလုံးသွင်းမိပါတော့တယ်။ ကျေးဇူးတင်ပါတယ်ဆရာ။
